Super Deluxe : ‘ఆహా’లో ఆగ‌స్ట్ 6న విమ‌ర్శ‌కుల ప్ర‌శ‌సంలు పొందిన ‘సూప‌ర్ డీల‌క్స్‌’ ప్రీమియ‌ర్‌..

ఎంత‌గానో ఆస‌క్తిని పెంచ‌డ‌మే కాకుండా, విమ‌ర్శ‌కుల ప్ర‌శంస‌ల‌ను అందుకున్న చిత్రం ‘సూప‌ర్ డీల‌క్స్‌’ మూవీ ఆగ‌స్ట్ 6న ‘ఆహా’లో విడుద‌ల‌వుతుంది

10TV Telugu News

Super Deluxe: ప్ర‌తివారం బ్లాక్‌బ‌స్ట‌ర్ సినిమాల‌తో మూవీ ల‌వ‌ర్స్‌కు తిరుగులేని ఎంట‌ర్‌టైన్‌మెంట్‌ను అందిస్తామ‌ని చేసిన మాట‌ను నిల‌బెట్టుకుంటోంది హండ్రెడ్ ప‌ర్సెంట్ తెలుగు ఓటీటీ మాధ్య‌మం ‘ఆహా’. ఇందులో అంద‌రిలో ఎంత‌గానో ఆస‌క్తిని పెంచ‌డ‌మే కాకుండా, విమ‌ర్శ‌కుల ప్ర‌శంస‌ల‌ను అందుకున్న చిత్రం ‘సూప‌ర్ డీల‌క్స్‌’ ఆగ‌స్ట్ 6న విడుద‌ల‌వుతుంది. ఈ అంథాల‌జీలో విజ‌య్ సేతుప‌తి, ర‌మ్య‌కృష్ణ‌, స‌మంత, ఫాహద్ ఫాజిల్, మిస్కిన్ త‌దిత‌రులు ప్ర‌ధాన తారాగ‌ణంగా న‌టించారు. త్యాగ‌రాజ‌న్ కుమార్ రాజా ద‌ర్శ‌క‌త్వం వ‌హించారు.

Super Deluxe

ఈ సినిమాలో విల‌క్ష‌ణ న‌టుడు విజ‌య్ సేతుప‌తి శిల్ప అనే ట్రాన్స్ జెండ‌ర్‌గా పాత్ బ్రేకింగ్ పెర్ఫామెన్స్‌తో ఆక‌ట్టుకున్నారు. మాణిక్యం అనే యువ‌కుడు పెళ్లైన త‌ర్వాత ఇంటి నుంచి వెళ్లిపోయి కొన్నేళ్ల త‌ర్వాత శిల్ప అనే ట్రాన్స్ జెండ‌ర్‌గా తిరిగి వ‌చ్చిన‌ప్పుడు అత‌ని భార్య, కొడుకు షాక‌వుతారు. ఎల్‌జీబీటీక్యూఐఏ అనే క‌మ్యూనిటీని శిల్ప అనే పాత్ర‌లో విజ‌య్ సేతుప‌తి వెండితెర‌పై చ‌క్క‌గా ఆవిష్క‌రించారు. ఈ పాత్ర‌లో న‌టించినందుకు, విజ‌య్ సేతుప‌తి ఉత్త‌మ స‌హాయ న‌టుడిగానూ జాతీయ అవార్డు అందుకున్నారు.

Kudi Yedamaithe Review : థ్రిల్లింగ్ ఎలిమెంట్స్.. గ్రిప్పింగ్ స్ర్కీన్‌ప్లేతో అదరగొట్టిన ‘కుడి ఎడమైతే’..

Fahadh Samantha

 

ఎలాంటి ప్రేమలేని ఇద్ద‌రు భార్యాభ‌ర్త‌లుగా ఫాహద్ ఫాజిల్‌, స‌మంత అక్కినేని న‌టించారు. అనుకోకుండా వారింట్లో ఓ వ్య‌క్తి చ‌నిపోయిన‌ప్పుడు దాన్ని క‌ప్పిపుచ్చ‌డానికి వారు చేసే ప్ర‌య‌త్నం ప్రేక్ష‌కుల‌ను ఆక‌ట్టుకుంటుంది. అద్భుత‌మైన న‌టీన‌టుల ప్ర‌ద‌ర్శ‌న‌ల వ‌ల్ల ప్రేక్షకుల‌ను సినిమా ఆక‌ట్టుకుంటుంది. అలాగే చెప్పుకోలేని గ‌తం నుంచి వ‌చ్చిన లీల ఓ మంచి జీవితాన్ని జీవించాల‌ని అనుకున్న‌ప్పుడు ఆమె ఎలాంటి ప‌రిస్థితుల‌ను ఎదుర్కొంద‌నే మ‌రో భాగం.. ఇందులో ర‌మ్య‌కృష్ణ అద్భుత‌మైన న‌ట‌న‌ను ప్ర‌ద‌ర్శించారు.

Aha : ప్రేక్ష‌కుల ఆద‌రణ‌, విమ‌ర్శ‌కుల ప్ర‌శంస‌లు అందుకున్న ‘నీడ‌’, ‘హీరో’ చిత్రాల‌తో ఈ వీకెండ్ ‘ఆహా’ సంద‌డి..

భార్గ‌వి పెరుమాల్‌, గాయ‌త్రి శంక‌ర్‌, ఫిల్మ్ మేక‌ర్ మిస్క‌ిన్ త‌దిత‌రులు సినిమాను ముందుకు తీసుకెళ్లే ఇత‌ర కీల‌క పాత్ర‌ల్లో న‌టించారు. ‘సూప‌ర్‌ డీల‌క్స్’ చిత్రంలో తెర‌కెక్కించిన నాలుగు క‌థ‌లు, వారి జీవితాల్లోని ఒడిదొడుకుల‌ను ఎదుర్కొని వారెలా బ‌య‌ట‌ప‌డ్డార‌నే విష‌యాన్ని తెలియ‌జేస్తుంది. ఇలాంటి ప్రేక్ష‌కులు, విమ‌ర్శ‌కుల మెచ్చే చిత్రాల‌ను అందిస్తూ ఎంట‌ర్‌టైన్‌మెంట్‌కు ఏకైక గ‌మ్యంగా ‘ఆహా’ మాధ్యమం ఉంది. ‘క్రాక్‌’, ‘ఖైదీ’, ‘సుల్తాన్‌’, ‘నాంది’, ‘జాంబీ రెడ్డి’, ‘ఇన్ ది నేమ్ ఆఫ్ గాడ్‌’, ‘చావు క‌బురు చ‌ల్ల‌గా’, ‘కుడి ఎడ‌మైతే’, ‘సామ్ సామ్ జామ్‌’, ‘లెవ‌న్త్ అవ‌ర్’ సహా ఎన్నో బ్లాక్‌బ‌స్ట‌ర్ చిత్రాలు, వెబ్ ఒరిజిన‌ల్స్‌, షోస్‌తో ప్రేక్ష‌కుల‌కు తిరుగులేని ఎంట‌ర్‌టైన్‌మెంట్‌ను అందిస్తోంది ‘ఆహా’.

Ramya Krishna Vijay Sethupathi

 

10TV Telugu News