Tamannaah: రిలీజ్ డేట్ ఫిక్స్ చేసుకున్న తమన్నా కొత్త మూవీ

Tamannaah: టాలీవుడ్ మిల్కీ బ్యూటీ తమన్నా నటిస్తున్న తాజా చిత్రం ఎఫ్3 ఇప్పటికే రిలీజ్ డేట్‌ను ఫిక్స్ చేసుకుని రెడీగా ఉంది. ఈ సినిమాలో అమ్మడు స్టార్ హీరో విక్టరీ వెంకటేష్‌కు భార్యగా నటిస్తున్న సంగతి తెలిసిందే. ఈ సినిమాలో ఆమె పాత్ర చాలా ఫన్నీగా ఉండబోతున్నట్లు ఇప్పటికే తమన్నా తెలిపింది. అయితే ఈ సినిమా రిలీజ్‌కు రెడీ చేసిన తమన్నా, తన నెక్ట్స్ మూవీని కూడా రిలీజ్‌కు రెడీ చేసింది. టాలీవుడ్ విలక్షణ నటుడు సత్యదేవ్‌తో కలిసి తమన్నా ‘‘గుర్తుందా శీతాకాలం’’ అనే రొమాంటిక్ ఎంటర్‌టైనర్ మూవీలో నటిస్తున్న సంగతి తెలిసిందే.

Tamannaah: రెడ్ డ్రెస్‌లో మనసు అడ్రెస్ గల్లంతు చేస్తున్న తమన్నా!

ఈ సినిమా షూటింగ్ ఇప్పటికే పూర్తి కాగా, ఈ సినిమా రిలీజ్‌కు రెడీ అయ్యింది. అయితే తాజాగా ఈ చిత్ర రిలీజ్ డేట్‌ను చిత్ర యూనిట్ అనౌన్స్ చేసింది. ఈ సినిమాను జూన్ నెలలో రిలీజ్ చేయబోతున్నట్లు చిత్ర యూనిట్ ప్రకటించింది. కన్నడలో తెరకెక్కిన ‘లవ్ మాక్‌టేల్’ సినిమాకు తెలుగు రీమేక్‌గా ఈ సినిమా రాబోతుంది. ఇక ఈ సినిమాలో సత్యదేవ్, తమన్నాల పాత్ర చాలా ఫీల్ గుడ్‌గా ఉంటుందని చిత్ర యూనిట్ అంటోంది. దర్శకుడు నాగశేఖర్ ఈ సినిమాను తెరకెక్కించిన విధానం ప్రేక్షకులకు ఖచ్చితంగా నచ్చుతుందని చిత్ర యూనిట్ ధీమా వ్యక్తం చేస్తోంది.

Tamannaah: టైట్ ఫిట్‌లో బౌండరీలు బ్రేక్ చేసిన తమ్మూ!

ఫీల్ గుడ్ లవ్‌స్టోరీ మూవీగా ఈ సినిమాను చిత్ర యూనిట్ తెరకెక్కించగా ఇందులో మరో బ్యూటీ మేఘా ఆకాష్ కూడా నటిస్తోంది. మరి ఇలా బ్యాక్ టు బ్యాక్ సినిమాలను రిలీజ్ చేస్తున్న తమన్నా, బాక్సాఫీస్ వద్ద ఎలాంటి విజయాలను అందుకుంటుందో చూడాలి. ఈ సినిమాను నాగశేఖర్ మూవీస్, మణికంట ఎంటర్‌టైన్‌మెంట్స్, శ్రీవేదాక్షర మూవీస్ బ్యానర్లు సంయుక్తంగా ప్రొడ్యూస్ చేస్తుండగా, కాలభైరవ ఈ సినిమాకు సంగీతాన్ని అందిస్తున్నాడు.