Tammareddy Bharadwaja : RRR పై సంచలన కామెంట్స్ చేసిన తమ్మారెడ్డి.. కౌంటర్ ఇచ్చిన రాఘవేంద్రరావు, నాగబాబు..
టాలీవుడ్ సీనియర్ దర్శకుడు, నిర్మాత తమ్మారెడ్డి భరద్వాజ RRR సినిమా యూనిట్ పై సంచలన వ్యాఖ్యలు చేశాడు. RRR టీం ఆస్కార్ ప్రమోషన్స్ కోసం 80 కోట్లు ఖర్చుపెడుతున్నారు. సూట్లు వేసుకొని, ఫ్లైట్స్ టికెట్స్ వేసుకొని డబ్బులు ఖర్చు చేస్తున్నారు. అదే 80 కోట్లు నాకు ఇస్తే............
- Published By: 10TV Digital Team ,Published On : March 10, 2023 / 10:01 AM IST
Tammareddy Bharadwaja Sensational comments on RRR Raghavendrarao and nagababu conter attack
Tammareddy Bharadwaja : RRR సినిమా ప్రపంచవ్యాప్తంగా పేరుప్రఖ్యాతలు,కలెక్షన్స్ సాధించడమే కాక అవార్డులు కూడా సాధిస్తుంది. ఏకంగా ఆస్కార్ బెస్ట్ ఒరిజినల్ సాంగ్ విభాగంలో నాటు నాటు సాంగ్ నిలిచి సరికొత్త చరిత్ర సృష్టించింది. దీంతో గత కొన్ని రోజులుగా RRR యూనిట్ అమెరికాలోనే ఉంటూ సినిమాని మరింత ప్రమోట్ చేస్తూ బిజీగా ఉన్నారు. రాజమౌళి, కీరవాణి, రామ్ చరణ్, ఎన్టీఆర్, సెంథిల్ కుమార్, మరికొంతమంది చిత్రయూనిట్ అమెరికాలోనే ఉండి ఆస్కార్ అయ్యేవరకు సందడి చేయనున్నారు. అక్కడి మీడియాకు వరుసగా ఇంటర్వ్యూలు ఇస్తూ RRR సినిమా గురించి, నాటు నాటు సాంగ్ గురించి పలు ఆసక్తికర విషయాలు తెలియచేస్తున్నారు.
అయితే ఈ ప్రమోషన్స్ అన్నిటికి డబ్బులు బాగానే ఖర్చు అవుతాయి. రాజమౌళి ఇండియన్ సినిమాకు గ్లోబల్ మార్కెట్ తెచ్చేందుకు, ఎలాగైనా ఆస్కార్ సాధించాలని సినిమా ప్రమోషన్స్ కి ఖర్చుకి వెనకాడకుండా చేస్తున్నాడు. మన RRR సినిమా ఆస్కార్ వరకు వెళ్లిందని అంతా సంతోషిస్తుంటే కొంతమంది మాత్రం విమర్శలు చేస్తున్నారు. తాజాగా జరిగిన ఓ ప్రెస్ మీట్ లో టాలీవుడ్ సీనియర్ దర్శకుడు, నిర్మాత తమ్మారెడ్డి భరద్వాజ RRR సినిమా యూనిట్ పై సంచలన వ్యాఖ్యలు చేశాడు. RRR టీం ఆస్కార్ ప్రమోషన్స్ కోసం 80 కోట్లు ఖర్చుపెడుతున్నారు. సూట్లు వేసుకొని, ఫ్లైట్స్ టికెట్స్ వేసుకొని డబ్బులు ఖర్చు చేస్తున్నారు. అదే 80 కోట్లు నాకు ఇస్తే ఓ 8 సినిమాలు తీసి మొహాన కొడతాను అని అనడంతో ఈ వ్యాఖ్యలు వైరల్ గా మారాయి. దీంతో అభిమానులు, పలువురు నెటిజన్లు తమ్మారెడ్డిని విమర్శిస్తున్నారు, ట్రోల్ చేస్తున్నారు.
తాజాగా తమ్మారెడ్డి చేసిన వ్యాఖ్యలపై దర్శకేంద్రుడు రాఘవేంద్రరావు ట్విట్టర్ వేదికగా స్పందించారు. రాఘవేంద్రరావు తన ట్విట్టర్ లో.. మిత్రుడు భరద్వాజ్ కి, తెలుగు సినిమాకు, తెలుగు సాహిత్యానికి, తెలుగు దర్శకుడికి, తెలుగు నటులకి ప్రపంచ వేదికలపై మొదటి సారి వస్తున్న పేరుని చూసి గర్వపడాలి. అంతే కానీ 80 కోట్ల ఖర్చు అంటూ చెప్పడానికి నీ దగ్గర అకౌంట్స్ ఇన్ఫర్మేషన్ ఏమైనా ఉందా..? జేమ్స్ కామెరూన్, స్పీల్ బర్గ్ వంటి వారు డబ్బు తీసుకొని మన సినిమా గొప్పతనాన్ని పొగుడుతున్నారని నీ ఉద్దేశమా ? అంటూ ట్వీట్ చేశారు. దీంతో రాఘవేంద్రరావు ట్వీట్ వైరల్ గా మారింది.
ఇక తమ్మారెడ్డి వ్యాఖ్యలపై నటుడు నాగబాబు కూడా కౌంటర్ ఇచ్చాడు. నాగబాబు కూడా తన ట్విట్టర్ లో.. “నీయమ్మ మొగుడు ఖర్చు పెట్టాడారా 80 కోట్లు R R R కి ఆస్కార్ కోసం” (#RRR మీద కామెంటుకు వై.సీ.పీ. వారి భాషలో సమాధానం) అంటూ ట్వీట్ చేయడంతో ఇది కూడా వైరల్ గా మారింది. మరింతమంది ప్రముఖులు కూడా తమ్మారెడ్డి వ్యాఖ్యలని విమర్శిస్తున్నారు. మరి దీనిపై తమ్మారెడ్డి భరద్వాజ స్పందిస్తారేమో చూడాలి.
— Raghavendra Rao K (@Ragavendraraoba) March 9, 2023
To Whomever It May Concern :
“నీయమ్మ మొగుడు ఖర్చు పెట్టాడారా 80 కోట్లు R R R కి ఆస్కార్ కోసం”
(#RRR మీద కామెంటుకు వై.సీ.పీ. వారి భాషలో సమాధానం)
— Naga Babu Konidela (@NagaBabuOffl) March 9, 2023
