Vijay: విజయ్ కోసం నాగ్ టైటిల్‌ను వాడేస్తున్న పైడిపల్లి..? | Title Locked For Vijay Vamsi Paidipalli Movie

Vijay: విజయ్ కోసం నాగ్ టైటిల్‌ను వాడేస్తున్న పైడిపల్లి..?

తమిళ స్టార్ హీరో విజయ్ ఇటీవల బీస్ట్ చిత్రంతో ప్రేక్షకుల ముందుకు వచ్చాడు. అయితే ఈ సినిమా బాక్సాఫీస్ వద్ద యావరేజ్ మూవీగా నిలవడంతో, తన నెక్ట్స్ మూవీపై....

Vijay: విజయ్ కోసం నాగ్ టైటిల్‌ను వాడేస్తున్న పైడిపల్లి..?

Vijay: తమిళ స్టార్ హీరో విజయ్ ఇటీవల బీస్ట్ చిత్రంతో ప్రేక్షకుల ముందుకు వచ్చాడు. అయితే ఈ సినిమా బాక్సాఫీస్ వద్ద యావరేజ్ మూవీగా నిలవడంతో, తన నెక్ట్స్ మూవీపై ఫోకస్ పెట్టాడు ఈ హీరో. విజయ్ కెరీర్‌లో 66వ సినిమాగా రాబోతున్న ఈ సినిమాను టాలీవుడ్ డైరెక్టర్ వంశీ పైడిపల్లి తెరకెక్కిస్తుండటం విశేషం. ఇక ఈ సినిమాను స్టార్ ప్రొడ్యూసర్ దిల్ రాజు అత్యంత భారీ బడ్జెట్‌తో ప్రొడ్యూస్ చేస్తుండటంతో ఈ సినిమాపై తమిళంతో పాటు తెలుగులో కూడా భారీ అంచనాలు క్రియేట్ అయ్యాయి.

అయితే ఈ సినిమా షూటింగ్ శరవేగంగా జరుపుకుంటున్న చిత్ర యూనిట్, త్వరలోనే ఈ సినిమా నుండి ఓ అదిరిపోయే అప్‌డేట్ రాబోతున్నట్లు తెలుస్తోంది. ఈ సినిమా షూటింగ్ ఇప్పటికే శరవేగంగా జరుగుతుండగా, ఈ సినిమాకు టైటిల్‌ను లాక్ చేసినట్లుగా చిత్ర వర్గాల్లో టాక్ వినిపిస్తోంది. ఈ సినిమాకు ‘వారసుడు’ అనే టైటిల్‌ను చిత్ర యూనిట్ లాక్ చేసినట్లుగా వార్తలు వినిపిస్తున్నాయి. అయితే ఇది కేవలం తెలుగుకు మాత్రమే టైటిల్‌గా ఉండబోతుందని తెలుస్తోంది. తమిళ వర్షన్‌కు వేరొక టైటిల్‌ను చిత్ర యూనిట్ ఫిక్స్ చేయబోతుందట.

గతంలో నాగార్జున హీరోగా తెరకెక్కిన ‘వారసుడు’ ప్రేక్షకులను ఆకట్టుకోవడంలో సక్సెస్ అయ్యింది. మరి విజయ్ కోసం ఇదే టైటిల్‌ను పట్టుకొస్తున్న వంశీ పైడిపల్లి, ఈ సినిమాతో ఎలాంటి విజయాన్ని అందుకుంటాడో చూడాలి. ఇక ఈ సినిమాలో అందాల భామ రష్మిక మందన హీరోయిన్‌గా నటిస్తున్న సంగతి తెలిసిందే. మరి ఈ సినిమాకు తమిళంలో ఏ టైటిల్ పెడతారా.. ఈ సినిమాలో విజయ్ ఎలాంటి పాత్రలో నటిస్తాడా అనేది చూడాలి.

×