యాక్షనా.. ఓవర్ యాక్షనా!! రైలు మీద రన్నింగ్.. రోబో, రావన్‌లను మించిపోయిన కూలీ నెం.1

Coolie No. 1: వరుణ్ ధావన్.. సారా అలీ ఖాన్ లు నటించిన Coolie No. 1 ఆన్‌లైన్‌లో శుక్రవారం రిలీజ్ అయింది. గోవిందా, కరిష్మా కపూర్ ప్రధాన పాత్రల్లో కనిపించిన 1995 కూలీ నెం.1 రీమేక్ ను ఇప్పుడు మళ్లీ రెడీ చేశారు. ఈ సినిమాలో ఎవరూ ఊహించనంత, నమ్మలేనంత సీన్‌ను తెరకెక్కించారు. అది చూసిన నెటిజన్లు యాక్షన్ సీన్‌కు ఫన్నీగా రియాక్ట్ అవుతున్నారు. కదులుతున్న ట్రైన్ పైకెక్కి దాని కంటే వేగంగా పరిగెత్తడమే కాకుండా రైల్వే ట్రాక్ మీద ఉన్న బుడ్డోడ్ని కాపాడతాడు.

ఈ సీన్ చూస్తుంటే రోబో.. రా వన్‌లకు మించిపోయినట్లు ఉందని కామెంట్లు చేస్తున్నారు. ఆ ఫీట్లు, స్టంట్లు ఏంటి బాబూ.. ఇది యాక్షనా.. ఓవర్ యాక్షనా కాస్త చెప్పండయ్యా అని ట్రోల్ చేస్తున్నారు. మీరేమనుకుంటున్నారు ఈ కూలీ నెం.1 సినిమా సీన్ గురించి..

అసలు ఆ సీన్ ఏంటంటే..
ఓ మహిళ రైల్వే ప్లాట్ ఫాం మీద నిలబడి బాధపడుతూ ఉంటుంది. ఆమె కొడుకు రైల్వే పట్టాల మీద కూర్చొని ఉండటం, అదే సమయానికి రైలు వస్తుందని అనౌన్స్ చేయడంతో ప్లాట్ ఫాం మీద ఉన్నవారు, ఆ మహిళ భయాందోళనలో ఉంటారు. అప్పుడే రైల్వే బ్రిడ్జి మీద వెళ్తున్న మన హీరో వరుణ్ ధావన్ సీన్ లోకి ఎంటర్ అవుతాడు. దాని పై నుంచే దూకడంతోనే నేరుగా రైలు మీద దొర్లుకుంటూ లేచి నిలబడి పరిగెత్తడం మొదలుపెడతాడు.

Waah kya scene hai bhai @Varun_dvn ??? pic.twitter.com/kEIFU7lpZE

— N (@NayabPokiri) December 24, 2020

ఆ ప్లాట్ ఫాం మీద ఉన్న వాళ్లంతా ఇక ఆ బాబును ఎవరూ కాపాడలేరని ఫిక్స్ అయిపోయి బాధపడుతుంటారు. ఆ సమయంలోనే రైలు కోచ్ లపైన మెరుపు వేగంతో పరిగెత్తుకుంటూ వచ్చిన వరుణ్ ధావన్ నేరుగా పట్టాల మీదకు దూకుతాడు. సెకను కంటే తక్కువ టైం గ్యాప్‌లో ఆ బుడ్డోడ్ని పట్టుకుని రైలు పట్టాల పక్కకు పెట్టేస్తాడు. ఆ తర్వాత ప్లాట్ ఫాంపైన ఉన్న వాళ్లమ్మ దగ్గరకు చేరుస్తాడు. ఈ సీన్ చూసిన వాళ్లంతా ముందు యాక్షన్ సీన్ అనుకున్నా పూర్తయ్యేసరికి ఫన్నీ రియాక్షన్లే ఇస్తున్నారట.