Venkatesh: మరో రెండు ప్రాజెక్టులకు వెంకీ సై! | Venkatesh Signs Two Projects In Telugu

Venkatesh: మరో రెండు ప్రాజెక్టులకు వెంకీ సై!

స్టార్ హీరో విక్టరీ వెంకటేష్ ప్రస్తుతం తన లేటెస్ట్ మల్టీస్టారర్ మూవీ ‘ఎఫ్3’ని రిలీజ్‌కు రెడీ చేశాడు. దర్శకుడు అనిల్ రావిపూడి తెరకెక్కించిన...

Venkatesh: మరో రెండు ప్రాజెక్టులకు వెంకీ సై!

Venkatesh: స్టార్ హీరో విక్టరీ వెంకటేష్ ప్రస్తుతం తన లేటెస్ట్ మల్టీస్టారర్ మూవీ ‘ఎఫ్3’ని రిలీజ్‌కు రెడీ చేశాడు. దర్శకుడు అనిల్ రావిపూడి తెరకెక్కించిన ఈ ఔట్ అండ్ ఔట్ కామెడీ ఎంటర్‌టైనర్ మూవీలో మెగా ప్రిన్స్ వరుణ్ తేజ్ మరో హీరోగా నటిస్తుండగా, గతంలో వచ్చిన ఎఫ్2 చిత్రానికి సీక్వెల్‌గా ఎఫ్3 రాబోతుంది. ఇక రిలీజ్‌కు మూడు రోజులే మిగిలి ఉండటంతో ఎఫ్3 మూవీ టీమ్ ఈ సినిమా ప్రమోషన్స్‌లో బిజీగా ఉంది. పలు ఇంటర్వ్యూలు ఇస్తూ ఎఫ్3 మూవీ టీమ్ సందడి చేస్తోంది. అయితే ఈ క్రమంలోనే విక్టరీ వెంకటేష్ తన నెక్ట్స్ ప్రాజెక్టుల గురించి కొన్ని ఆసక్తికరమైన విషయాలను మీడియాతో పంచుకున్నాడు.

Venkatesh: జాతిరత్నాలు డైరెక్టర్‌తో వెంకటేష్ మూవీ..?

వెంకటేష్ తన నెక్ట్స్ చిత్రాల విషయంలో చాలా కథలు విన్నాక రెండు ప్రాజెక్టులకు ఓకే చెప్పినట్లుగా తెలుస్తోంది. మైత్రీ మూవీ మేకర్స్, సితార ఎంటర్‌టైన్‌మెంట్స్ బ్యానర్‌లో తన నెక్ట్స్ రెండు సినిమాలు రాబోతున్నట్లు వెంకీ వెల్లడించారు. అయితే ఈ సినిమాలకు సంబంధించిన దర్శకులు, మిగతా విషయాలను త్వరలోనే అఫీషియల్‌గా అనౌన్స్ చేస్తామంటూ వెంకీ చెప్పుకొచ్చారు. దీంతో వెంకీ తన నెక్ట్స్ చిత్రాలను ఎవరి డైరెక్షన్‌లో చేయబోతున్నారా అనే ఆసక్తి అందరిలోనూ నెలకొంది. గతంలో వెంకీకి దర్శకులు తరుణ్ భాస్కర్, అనుదీప్ వంటి వారు కథలు వినిపించగా, వారితో సినిమాలపై ఎలాంటి అప్డేట్స్ లేవు.

Venkatesh: పాతికేళ్ల తర్వాత బాలీవుడ్‌లోకి వెంకీ.. సల్లుభాయ్‌తో రీ ఎంట్రీ!

దీంతో వెంకీ నెక్ట్స్ ప్రాజెక్టులు ఎవరితో చేస్తున్నాడా అనేది సస్పెన్స్‌గా మారింది. ఇక బాలీవుడ్ స్టార్ హీరో సల్మాన్ ఖాన్ నటిస్తున్న కభీ ఈద్ కభీ దివాలీ సినిమాలో వెంకీ ఓ కీలక పాత్రలో నటిస్తున్నాడు. జూన్‌లో ఈ సినిమా షూటింగ్‌లో వెంకీ జాయిన్ అవుతాడని తెలుస్తుంది. ఏదేమైనా వెంకీ మళ్లీ స్పీడు పెంచడంతో ఆయన అభిమానులు సంతోషం వ్యక్తం చేస్తున్నారు. ఇక ఎఫ్3 మూవీలో వెంకీ పర్ఫార్మెన్స్ ప్రేక్షకులను కడుపుబ్బా నవ్వించడం ఖాయమని ఆయన అభిమానులు ధీమా వ్యక్తం చేస్తున్నారు.

×