Waltair Veerayya: ‘వాల్తేరు వీరయ్య’ శాటిలైట్ రైట్స్‌కు సాలిడ్ రేటు.. ఎవరు సొంతం చేసుకున్నారంటే..?
మెగాస్టార్ చిరంజీవి లేటెస్ట్ యాక్షన్ ఎంటర్‌టైనర్ మూవీ ‘వాల్తేరు వీరయ్య’ ఇప్పటికే ప్రేక్షకుల్లో అదిరిపోయే అంచనాలు క్రియేట్ చేసింది. ఈ సినిమాను సంక్రాంతి బరిలో రిలీజ్ చేస్తుండగా, జనవరి 13న ఈ మూవీ బాక్సాఫీస్ వద్ద ఎలాంటి సంచలనం సృష్టిస్తుందా అని అభిమానులు ఎంతో ఆసక్తిగా చూస్తున్నారు.
- Published By: 10TV Digital Team ,Published On : January 7, 2023 / 03:53 PM IST
Waltair Veerayya Satellite Rights Sold For Bomb
Waltair Veerayya: మెగాస్టార్ చిరంజీవి లేటెస్ట్ యాక్షన్ ఎంటర్‌టైనర్ మూవీ ‘వాల్తేరు వీరయ్య’ ఇప్పటికే ప్రేక్షకుల్లో అదిరిపోయే అంచనాలు క్రియేట్ చేసింది. ఈ సినిమాను సంక్రాంతి బరిలో రిలీజ్ చేస్తుండగా, జనవరి 13న ఈ మూవీ బాక్సాఫీస్ వద్ద ఎలాంటి సంచలనం సృష్టిస్తుందా అని అభిమానులు ఎంతో ఆసక్తిగా చూస్తున్నారు. ఇక ఈ సినిమాను దర్శకుడు బాబీ ఊరమాస్ కంటెంట్ తో తీసుకొస్తుండగా, చిరంజీవి చాలా రోజుల తరువాత ఇలాంటి మాస్ పాత్రలో కనిపిస్తుండటంతో, ఈ సినిమాతో ఆయన ఎలాంటి రికార్డులు క్రియేట్ చేస్తారా అని ప్రేక్షకులు సైతం ఆతృతగా చూస్తున్నారు.
Waltair Veerayya : ‘నీకేమో అందం ఎక్కువ, నాకేమో తొందర ఎక్కువ’ అంటూ మరో పాట లీక్ చేసిన చిరు..
ఈ సినిమా ట్రైలర్‌ను మరికొద్ది గంటల్లో రిలీజ్ చేసేందుకు చిత్ర యూనిట్ రెడీ అయ్యింది. ఈ క్రమంలో వాల్తేరు వీరయ్య చిత్రానికి సంబంధించిన శాటిలైట్ రైట్స్‌ను ప్రముఖ టీవీ ఛానల్ జెమెని భారీ రేటుకు సొంతం చేసుకున్నట్లుగా తెలుస్తోంది. చిరంజీవి గత మూడు చిత్రాల శాటిలైట్ రైట్స్‌ను కూడా ఈ ఛానల్ సొంతం చేసుకోవడంతో, ఇప్పుడు వాల్తేరు వీరయ్య శాటిలైట్ రైట్స్ కోసం భారీ రేటును ఆఫర్ చేసిందట. దీంతో చిరు నెక్ట్స్ మూవీని కూడా జెమిని టీవీలోనే బుల్లితెర ప్రేక్షకులు చూడనున్నారు.
కాగా, వాల్తేరు వీరయ్య మూవీలో మెగాస్టార్ చిరంజీవితో పాటు మాస్ రాజా రవితేజ ఓ కీలక పాత్రలో నటిస్తుండగా, ఈ సినిమాలో అందాల భామ శ్రుతి హాసన్ హీరోయిన్‌గా నటిస్తోంది. దేవిశ్రీ ప్రసాద్ సంగీతం అందిస్తున్న ఈ సినిమాను మైత్రీ మూవీ మేకర్స్ ప్రొడ్యూస్ చేస్తున్నారు. మరి వాల్తేరు వీరయ్య మూవీకి బాక్సాఫీస్ వద్ద ఎలాంటి రెస్పాన్స్ దక్కుతుందో తెలియాలంటే జనవరి 13 వరకు వెయిట్ చేయాల్సిందే.
