Ram Gopal Varma: వైఎస్ జగన్ అంటే నాకు చాలా అభిమానం.. ఎట్టకేలకు వివాదానికి ఫుల్స్టాప్!
సినిమా టిక్కెట్ల విషయంలో ఆంధ్రప్రదేశ్ సినిమాటోగ్రఫీ మంత్రి నాని, దర్శకుడు రామ్గోపాల్ వర్మకు మధ్య ట్వీట్ వార్ నడుస్తోంది.
Ram Gopal Varma: సినిమా టిక్కెట్ల విషయంలో ఆంధ్రప్రదేశ్ సినిమాటోగ్రఫీ మంత్రి నాని, దర్శకుడు రామ్గోపాల్ వర్మకు మధ్య ట్వీట్ వార్ నడుస్తోంది. రామ్గోపాల్ వర్మ సంధించిన ప్రశ్నలకు పేర్ని నాని ట్వట్టర్ వేదికగా సమాధానం ఇవ్వడం.. నాని ట్వీట్కు మళ్లీ సమాధానం ఇచ్చారు వర్మ.
లేటెస్ట్గా ట్విట్టర్లో.. “ప్రభుత్వంతో గొడవ పెట్టుకోవాలన్నది మా ఉద్దేశం కాదని, పర్సనల్గా వై.ఎస్.జగన్ అంటే నాకు చాలా అభిమానం” అని చెప్పుకొచ్చారు వర్మ. “కేవలం మా సమస్యలు మేము సరిగా చెప్పుకోలేక పోవడం వల్లో.. లేక మీరు మా కోణం నుంచి అర్థం చేసుకోకపోవడం వల్లో మిస్ అండర్స్టాండింగ్ ఏర్పడి ఉండొచ్చు” అని అన్నారు.
. @perni_nani garu ప్రభుత్వం తో గొడవ పెట్టుకోవాలి అన్నది మా ఉద్దేశం కాదు ..పర్సనల్ గా వై.ఎస్.జగన్ అంటే నాకు చాలా అభిమానం..కేవలం మా సమస్యలు మేము సరిగా చెప్పుకోలేక పోవడం వల్లో లేక , మీరు మా కోణం నుంచి అర్థం చేసుకోకపోవడం వల్లో ఈ మిస్ అండర్ స్టాండింగ్ ఏర్పడింది …To be continued
— Ram Gopal Varma (@RGVzoomin) January 5, 2022
“నా రిక్వెస్ట్ ఏంటంటే మీరు అనుమతిస్తే నేను మిమ్మల్ని కలిసి మా సమస్యలను వివరిస్తాను. అది విన్న తర్వాత ప్రభుత్వపరంగా ఆలోచించి సరైన పరిష్కారం ఇస్తారని ఆశిస్తున్నాను” అంటూ ట్విట్టర్లో రాసుకొచ్చారు. అంతకుముందు ఇతర నేతల్లా పరుష పదజాలంతో కాకుండా.. డిగ్నిటీతో సమాధానం ఇచ్చినందుకు థ్యాంక్స్ చెప్పారు వర్మ.
వర్మ చేసిన ట్వీట్లపై స్పందించిన మంత్రి నాని, తప్పకుండా త్వరలో కలుద్దాం అంటూ ట్వీట్ చేశారు. పేర్ని నాని ట్వీట్పై స్పందించిన వర్మ.. నాని సానుకూలంగా స్పందించడంతో అనవసర వివాదానికి ముగింపు పలకాలని నిర్ణయించుకున్నట్లు తెలిపారు.
To all concerned , since there is a favourable response from the honourable cinematography minister @perni_nani I wish to put this needless controversy to an end
— Ram Gopal Varma (@RGVzoomin) January 5, 2022