Bihar : చీకట్లో గర్ల్‌ ఫ్రెండ్‌ ను కలిసేందుకు గ్రామానికే కరెంట్‌ కట్ చేశాడు

అయితే కరెంట్ లేకుండా చేస్తోంది ఆ ఊరి ఎలక్ట్రీషియన్‌ అని తెలుసుకున్న ప్రజలంతా ఒక్కసారిగా షాక్ అయ్యారు. కేవలం తన గర్ల్‌ఫ్రెండ్‌ని చీకటిలో కలిసేందుకు మొత్తం గ్రామంలో విద్యుత్‌ సరఫరా నిలిపేస్తున్నాడని తెలుసుకుని ఆశ్చర్యపోయారు.

Bihar : చీకట్లో గర్ల్‌ ఫ్రెండ్‌ ను కలిసేందుకు గ్రామానికే కరెంట్‌ కట్ చేశాడు

Power Cut

cuts off the electricity : ప్రేమ మైకంలో ప్రేమికులు వెర్రి పనులు చేస్తుంటారు. ఒక్కొక్కసారి అవి ప్రమాదకరంగా ఉంటాయి. కొంతమంది ప్రేమ కోసం ఇతరులను ఇబ్బంది పెడుతుంటారు. పిచ్చి పనులు చేస్తుంటారు. ఓ యువకుడు గర్ల్‌ ఫ్రెండ్‌ కోసం గ్రామానికి కరెంట్‌ లేకుండా చేశాడు. మొత్తం గ్రామాన్ని అంధకారంలో ఉంచాడు. ఈ ఘటన బిహార్‌లో చోటుచేసుకుంది.

బిహార్‌ పూర్నియ జిల్లా గణేశ్‌పూర్‌లోని ప్రజలు తరుచూ కరెంట్‌ కోతలతో బాధపడుతున్నారు. అయితే తమ చుట్టుపక్కల గ్రామాల వాళ్లకి కరెంట్ కోతల సమస్య లేదు… మా గ్రామానికి మాత్రమే ఎందుకీ దుస్థితి అని ఆందోళన చెందారు. దీంతో గ్రామస్తులంతా ఎలాగైన ఈ సమస్యకు పరిష్కారం తెలుసుకోవాలనుకున్నారు. గ్రామ ప్రజలంతా కలిసి నిఘా పెట్టడం మొదలు పెట్టారు.

Living Together : ప్రేమ జంటకు రూ.25వేలు ఫైన్..కొద్ది రోజులు కలిసుంటే సహజీవనం అయిపోదన్న హైకోర్టు

అయితే కరెంట్ లేకుండా చేస్తోంది ఆ ఊరి ఎలక్ట్రీషియన్‌ అని తెలుసుకున్న ప్రజలంతా ఒక్కసారిగా షాక్ అయ్యారు. కేవలం తన గర్ల్‌ఫ్రెండ్‌ని చీకటిలో కలిసేందుకు మొత్తం గ్రామంలో విద్యుత్‌ సరఫరా నిలిపేస్తున్నాడని తెలుసుకుని ఆశ్చర్యపోయారు. దీంతో గ్రామస్తులంతా పథకం వేసి ఆ ప్రేమికులిద్దరిని పట్టుకున్నారు. అంతేకాకుండా ఆ ఎలక్ట్రీషియన్‌ని చితకొట్టి, గ్రామంలో ఊరేగించారు.

ఈ సమస్య మళ్లీ తలెత్తకుండా ఉండేలా ఆ ఊరిలోని గ్రామస్తులు, సర్పంచ్‌, ఇతర గ్రామ కౌన్సిల్‌ సభ్యుల సమక్షంలోనే ఆ ప్రేమికులిద్దరికి వివాహం చేశారు. అయితే ఆ గ్రామస్తులు ఆ ఎలక్ట్రీషియన్‌ పై ఎలాంటి కేసు పెట్టలేదు. ఫిర్యాదు చేస్తే మాత్రం కఠిన చర్యలు తీసుకుంటామని పోలీసులు పేర్కొన్నారు.