India Open Foreign Aid : 16ఏళ్ల తర్వాత విదేశాల సాయాన్ని కోరిన భారత్.. చైనాకు కూడా ఓకే చెప్పేసిందట!

India Open to Foreign Aid : భారతదేశంలో కరోనా సంక్షోభం తలెత్తింది. కరోనా సెకండ్ వేవ్ తీవ్రతతో కేసుల సంఖ్య లక్షల్లో పెరిగాయి. మరణాలు కూడా వేలసంఖ్యలో నమోదవుతున్నాయి. ప్రస్తుత పరిస్థితుల్లో దేశవ్యాప్తంగా ఆక్సిజన్ సరఫరా కొరతను ఎదుర్కొంటోంది. కరోనా రోగులకు ఆక్సిజన్ సరఫరా అందించడంలో తీవ్ర ఇబ్బందులు ఎదుర్కోవాల్సి వస్తోంది. ఈ విపత్క పరిస్థితుల్లో భారత్ 16ఏళ్ల మొదటి పాలసీ విధానంలో భారీ మార్పులు చేసింది.. విదేశాల నుంచి సాయాన్ని కోరేందుకు భారత్ సమ్మతించింది. కోవిడ్ కేసుల మధ్య ఆక్సిజన్, డ్రగ్స్, సంబంధిత మెడికల్ కొరత ఏర్పడింది. దాంతో విదేశీ నుంచి బహుమతులు, విరాళాలు, సహాయాన్ని స్వీకరించడం ప్రారంభించింది.

భారత మొదటి పాలసీలో మరో రెండు మార్పులు కనిపిస్తున్నాయి. చైనా నుంచి ఆక్సిజన్ సంబంధిత పరికరాలు, కరోనా రోగుల ప్రాణాలను రక్షించే ఔషధాలను కొనుగోలు చేసేందుకు భారత్ అంగీకరించినట్టు తెలుస్తోంది. పాకిస్తాన్ నుంచి సహాయాన్ని అంగీకరించాలా వద్దా అనే దానిపై ఢిల్లీ ఇంకా నిర్ణయం తీసుకోలేదని వినిపిస్తోంది. మన్మోహన్ సింగ్ నేతృత్వంలోని యూపీఏ ప్రభుత్వం విదేశీ వనరుల సహాయాన్ని అంగీకరించకూడదని నిర్ణయించుకున్నప్పటి నుంచి గత 16 ఏళ్ల మొదటి పాలసీలో గణనీయమైన మార్పు చోటుచేసుకుంది. అప్పటి వరకు, భారతదేశం విదేశీ ప్రభుత్వాల సహాయాన్ని అంగీకరించింది. ఉత్తరకాశి భూకంపం (1991), లాతూర్ భూకంపం (1993), గుజరాత్ భూకంపం (2001), బెంగాల్ తుఫాను (2002), బీహార్ వరదలు (జూలై 2004) విపత్తు సమయాల్లోనూ సహాయాన్ని స్వీకరించింది.

డిసెంబర్ 2004 సునామీ తరువాత, అప్పటి ప్రధాని మన్మోహన్ సింగ్.. ‘మేము పరిస్థితిని సొంతంగా ఎదుర్కోగలమని భావిస్తున్నాము. అవసరమైతే మేం విదేశాల సహాయం తీసుకుంటాము’ అని పేర్కొన్నారు. గత 16 ఏళ్లలో 2013లో ఉత్తరాఖండ్ వరదలు, 2005లో కాశ్మీర్ భూకంపం, 2014లో కాశ్మీర్ వరదలు వచ్చిన తరువాత భారతదేశం విదేశీ సహాయాన్ని నిరాకరించింది.

ఇప్పటివరకు, 20కి పైగా దేశాలు భారతదేశానికి సాయం చేయడానికి ముందుకు వచ్చాయి. భూటాన్ ఆక్సిజన్ సరఫరా చేయగా, అమెరికా వచ్చే నెలలో ఆస్ట్రాజెనెకా వ్యాక్సిన్లను అందించే అవకాశం ఉంది. భారత్ కు మద్దతునిచ్చే దేశాలలో యుఎస్, యుకె, ఫ్రాన్స్, జర్మనీ, రష్యా, ఐర్లాండ్, బెల్జియం, రొమేనియా, లక్సెంబర్గ్, పోర్చుగల్, స్వీడన్, ఆస్ట్రేలియా, భూటాన్, సింగపూర్, సౌదీ అరేబియా, హాంకాంగ్, థాయిలాండ్, ఫిన్లాండ్, స్విట్జర్లాండ్, నార్వే , ఇటలీ, యుఎఇ ఉన్నాయి.

విరాళాలు లేదా సహాయం కాదని సంబంధిత వర్గాలు చెబుతున్నాయి. భారతదేశం సహాయం కోసం విజ్ఞప్తి చేయలేదని, సేకరణ నిర్ణయాలు మాత్రమేనని అంటున్నాయి. కొన్ని ప్రభుత్వాలు లేదా ప్రైవేట్ సంస్థలు బహుమతిగా విరాళం ఇవ్వాలనుకుంటే, కృతజ్ఞతతో అంగీకరిస్తామని అంటున్నాయి. ఇండియన్ రెడ్‌క్రాస్ సొసైటీకి విరాళం ఇవ్వమని భారత ప్రభుత్వం అన్ని విదేశీ ప్రభుత్వాలు, ఏజెన్సీలను కోరుతోంది. ఆ తర్వాత వాటిని ఎలా ముందుకు పంపించాలో ఎంపవర్డ్ గ్రూప్ పిలుపునిస్తుందని వర్గాలు తెలిపాయి. మరోవైపు ఇండియాలో చైనా రాయబారి సన్ వీడాంగ్ 25 వేల ఆక్సిజన్లను భారత్‌కు సరఫరా చేయనున్నట్లు ధృవీకరించారు.