UP Election : మరణించిన ఒక్కో రైతు కుటుంబానికి రూ.25లక్షలు..అఖిలేష్ ఎన్నికల హామీ

వచ్చే ఏడాది ప్రారంభంలో జరిగే యూపీ అసెంబ్లీ ఎన్నికల్లో తమ పార్టీ గెలిచి అధికారంలోకి వ‌స్తే వ్యవసాయ చ‌ట్టాల‌కు వ్య‌తిరేకంగా పోరాడి మ‌ర‌ణించిన రైతుల

10TV Telugu News

Akhilesh Yadav వచ్చే ఏడాది ప్రారంభంలో జరిగే యూపీ అసెంబ్లీ ఎన్నికల్లో తమ పార్టీ గెలిచి అధికారంలోకి వ‌స్తే వ్యవసాయ చ‌ట్టాల‌కు వ్య‌తిరేకంగా పోరాడి మ‌ర‌ణించిన రైతుల కుటుంబాల‌కు ఒక్కొక్కరికి రూ 25 ల‌క్ష‌ల ప‌రిహారం అంద‌చేస్తామ‌ని స‌మాజ్‌వాది పార్టీ (SP) చీఫ్‌, యూపీ మాజీ సీఎం అఖిలేష్ యాద‌వ్ హామీ ఇచ్చారు.

ఈ మేరకు బుధవారం హిందీలో అఖిలేష్ ఓ ట్వీట్ చేశారు. “దేశ ప్ర‌జ‌ల ఆక‌లి తీర్చే అన్న‌దాత జీవితం అమూల్య‌మైన‌ది. 2022లో సమాజ్ వాదీ పార్టీ అధికారంలోకి రాగానే వ్య‌వ‌సాయ చ‌ట్టాల‌కు వ్య‌తిరేకంగా పోరాడి ప్రాణాలు కోల్పోయిన రైతుల‌కు రూ 25 ల‌క్ష‌ల చొప్పున అంద‌చేస్తాం”అని ట్వీట్ లో అఖిలేష్ పేర్కొన్నారు.

అయితే వ్యవసాయ చట్టాలకు వ్యతిరేకంగా ఏడాదిపాటు జరిగిన నిరసనలో ప్రాణాలు కోల్పోయిన రైతులకు పరిహారం చెల్లించాలని దేశవ్యాప్తంగా పలువురు నాయకులు కేంద్రాన్ని డిమాండ్ చేసినప్పటికీ..ఎన్నికల హామీల జాబితాలో నష్టపరిహారాన్ని చేర్చిన మొదటి వ్యక్తిగా అఖిలేష్ నిలిచాడు.

ఇక,నూతన వ్యవసాయ చట్టాలను రద్దు చేస్తున్నట్లు గత వారం ప్రధాని మోదీ ప్రకటించడం,ఆ చట్టాల రద్దు బిల్లుకి బుధవారం(నవంబర్-24,2021)కేంద్ర కేబినెట్ ఆమోదం తెలిపిన విషయం తెలిసిందే.
అయితే వివాదాస్ప‌ద వ్య‌వ‌సాయ చ‌ట్టాల‌ను కేంద్ర ప్ర‌భుత్వం వెన‌క్కితీసుకోవ‌డంపై ఇటీవల అఖిలేష్ యాద‌వ్ స్పందిస్తూ త‌మ పార్టీ చేప‌ట్టిన విజ‌య్ యాత్ర‌కు ప్ర‌జ‌ల నుంచి విశేష స్పంద‌న రావడంతో భ‌య‌ప‌డిన కేంద్రం సాగు చ‌ట్టాల ర‌ద్దు నిర్ణ‌యం తీసుకుంద‌న్నారు. రైతుల‌పై వాహ‌నాల‌ను ఎక్కించి, వారిని అడుగ‌డుగునా అవ‌మానించే బీజేపీ పూర్వాంచ‌ల్‌లో ఎస్సీ చేప‌ట్టిన విజ‌య్ యాత్ర‌కు ప్ర‌జ‌ల మ‌ద్ద‌తును చూసి బెంబేలెత్తి సాగు చ‌ట్టాల‌ను వెన‌క్కితీసుకుంద‌ని వ్యాఖ్యానించారు.

ALSO READ Woman Beggar : ఆంజనేయస్వామి గుడికి రూ.20వేలు విరాళం ఇచ్చిన యాచకురాలు

ALSO READ UP Election : ఎస్పీ-ఆప్ మధ్య కుదిరిన పొత్తు!