PM Modi: ఇండియా చిప్ మేకర్ నుంచి చిప్ టేకర్‌‌లా మారాలనుకుంటుంది – పీఎం మోదీ

ప్రధాని మోదీ గుజరాత్ లోని గాంధీ నగర్ వేదికగా డిజిటల్ ఇండియా భాషిణి, డిజిటల్ ఇండియా జెనెసిస్, చిప్స్ టూ స్టార్టప్ ప్రోగ్రాంను లాంచ్ చేశారు. వీటితో పాటుగా http://IndiaStack.Global, మైస్కీం, మేరీ పెహ్‌చాన్ - నేషనల్ సింగిల్ సైన్ ఆన్ లను కూడా లాంచ్ చేశారు.

PM Modi: ఇండియా చిప్ మేకర్ నుంచి చిప్ టేకర్‌‌లా మారాలనుకుంటుంది – పీఎం మోదీ

PM Modi: ప్రధాని మోదీ గుజరాత్ లోని గాంధీ నగర్ వేదికగా డిజిటల్ ఇండియా భాషిణి, డిజిటల్ ఇండియా జెనెసిస్, చిప్స్ టూ స్టార్టప్ ప్రోగ్రాంను లాంచ్ చేశారు. వీటితో పాటుగా http://IndiaStack.Global, మైస్కీం, మేరీ పెహ్‌చాన్ – నేషనల్ సింగిల్ సైన్ ఆన్ లను కూడా లాంచ్ చేశారు.

ఈ కార్యక్రమంలో ప్రధాని మోదీ మాట్లాడుతూ, “ఇండియా రాబోయే మూడు-నాలుగేళ్లలో ఎలక్ట్రానిక్స్ తయారీని 300 బిలియన్ డాలర్లకు పైగా తీసుకెళ్లే లక్ష్యంతో పని చేస్తోంది. చిప్ టేకర్ నుండి చిప్ మేకర్‌గా మారాలని భారతదేశం కోరుకుంటోంది. భారతదేశంలో సెమీకండక్టర్ల ఉత్పత్తిని వేగంగా పెంచడానికి పెట్టుబడులు కూడా పెరుగుతున్నాయి”

“అది స్పేస్, మ్యాపింగ్, డ్రోన్లు, గేమింగ్, యానిమేషన్ ఏదైనా కావొచ్చు, డిజిటల్ టెక్నాలజీ భవిష్యత్‌ను విస్తరించబోయే అనేక రంగాలు, ఆవిష్కరణల కోసమే తెరిచి ఉంచాం. IN-SPAce, కొత్త డ్రోన్ విధానం వంటి నిబంధనలు భారతదేశంలో అమలు చేస్తాం. ఈ దశాబ్దంలోనే టెక్ పొటెన్షియల్‌కి కొత్త శక్తిని ఇవ్వగలుగుతాం” అని ఆయన అన్నారు.

Read Also: నేటి నుంచి డిజిటల్ ఇండియా వీక్.. ప్రారంభించనున్న మోదీ

“ఫిన్‌టెక్ ప్రయత్నం నిజంగా ప్రజల కోసం, ప్రజల కోసం ఒక పరిష్కారంగా మారుతుంది. ఇందులోని టెక్నాలజీ ఇండియాకు చెందినదే. దేశప్రజలు దీనిని తమ జీవితంలో భాగం చేసుకున్నారు” అని ప్రధాన మంత్రి అన్నారు.

ఆన్‌లైన్‌ వాడకం వల్ల భారతదేశంలోని ప్రజలు క్యూలను తగ్గించారని ప్రధాని మోదీ అన్నారు. దేశంలోని ప్రజల జీవితాలను మార్చడంలో డిజిటల్ టెక్నాలజీ పాత్రను మరింత ప్రశంసిస్తూ, విభిన్న సేవలను వాడుకోవడానికి ఆన్‌లైన్‌లోకి వెళ్లడం ద్వారా క్యూ తంటాలు తగ్గాయని ప్రధాని మోదీ అన్నారు. మారుతున్న కాలానికి అనుగుణంగా భారతదేశం కొత్త టెక్నాలజీని అవలంబించకపోతే, వెనుకబడి పోయేవాళ్లమని తెలిపారు.

డిజిటల్ ఇండియా వీక్ 2022ను ప్రారంభించిన అనంతరం జరిగిన సభలో మోదీ మాట్లాడుతూ.. ‘‘ఎనిమిదేళ్ల నుంచి పదేళ్ల కిందట అన్నింటికీ లైన్లలో (క్యూలు) నిలబడాల్సి వచ్చేది. జనన ధృవీకరణ పత్రాల కోసం, బిల్లుల కోసం, రేషన్ కోసం, అడ్మిషన్ల కోసం, పరీక్ష ఫలితాల కోసం, సర్టిఫికెట్ల కోసం, బ్యాంకుల్లో నిలబడాల్సి వచ్చేది. ఆన్‌లైన్‌లోకి వెళ్లడం ద్వారా ఇండియా అన్ని లైన్లను తొలగించింది” అని పేర్కొన్నారు.

కేంద్ర ప్రభుత్వ ఫ్లాగ్‌షిప్ ప్రోగ్రామ్ డిజిటల్ ఇండియా పేదలకు అవినీతి నుండి ఉపశమనం కలిగించిందని, అన్ని రంగాలలో మధ్యవర్తుల నిర్మూలనకు కృషి చేస్తుందని ఈ కార్యక్రమంలో మోదీ వివరించారు.