Nitish Kumar : మహిళా ఎమ్మెల్యేపై అనుచిత వ్యాఖ్యలు.. వివాదంలో బీహార్ సీఎం నితీష్ కుమార్

సోమవారం ఎన్డీయే లెజిస్లేచర్ పార్టీ సమావేశం జరిగింది. ఈ సమావేశంలో బీజేపీ మహిళా గిరిజన ఎమ్మెల్యే నిక్కీ హేంబ్రామ్‌పై ముఖ్యమంత్రి నితీశ్‌ కుమార్‌ తప్పుడు పదాలు వాడారని ఆరోపణలు.

Nitish Kumar : బీహార్ శాసనసభ శీతాకాల సమావేశాలు కొనసాగుతున్నాయి. సోమవారం ఎన్డీయే లెజిస్లేచర్ పార్టీ సమావేశం జరిగింది. ఈ సమావేశంలో బీజేపీ మహిళా గిరిజన ఎమ్మెల్యే నిక్కీ హేంబ్రామ్‌పై ముఖ్యమంత్రి నితీశ్‌ కుమార్‌ తప్పుడు పదాలు వాడారని ఆరోపణలు వెల్లువెత్తుతున్నాయి. వాస్తవానికి, ముఖ్యమంత్రి నితీష్ కుమార్ మద్యం నిషేధం గురించి మాట్లాడుతున్నారు. అదే సమయంలో బీజేపీ ఎమ్మెల్యే నిక్కీ హెంబ్రామ్ మహువా సాగులో నిమగ్నమై ఉన్న ప్రజలకు ప్రత్యామ్నాయ ఉపాధి చూపాలని సీఎం దృష్టికి తీసుకొచ్చారు. అయితే నిక్కీ హెంబ్రామ్ మాట్లాడుతున్నప్పుడు, ముఖ్యమంత్రి నితీష్ కుమార్ ఆమెను అడ్డుకొని అభ్యంతరకరమైన వ్యాఖ్యలు చేశారు. మహిళా ఎమ్మెల్యేను ఉద్దేశించి నితీష్ కుమార్ మాట్లాడుతూ- మీరు చాలా అందంగా ఉన్నారు, కానీ గిరిజనుల కోసం మేము చేపట్టిన ఉపాధి కార్యక్రమాలు మీకు తెలియదని అన్నారు.

చదవండి : Nitish Kumar : బీహార్ సీఎంపై ఆర్జేడీ ఎమ్మెల్యే ఆరోపణలు

మహిళా ఎమ్మెల్యేపై అనుచిత వ్యాఖ్యలు చేసిన వ్యవహారంలో నితీష్ కుమార్ వివాదాల్లో కూరుకుపోయారు. ఈ మొత్తం వ్యవహారంపై శుక్రవారం మౌనం వీడిన నిక్కీ హేంబ్రామ్.. తనపై ముఖ్యమంత్రి చేసిన అనుచిత వ్యాఖ్యలపై బీజేపీ హైకమాండ్‌కు తెలియజేసినట్లు చెప్పారు. నిక్కీ హెంబ్రామ్ మాట్లాడుతూ, “నితీష్ కుమార్ ప్రవర్తనతో నేను చాలా బాధపడ్డాను. వారు పరిమితి పాటించాలి. సీఎం చెప్పిన విషయాలు చాలా అభ్యంతరకరంగా ఉన్నాయని, దానిపై పదే పదే మాట్లాడటం సరికాదనిపిస్తోంది ఆమె వ్యాఖ్యానించారు. పార్టీ అగ్ర నాయకత్వానికి తెలియజేశని వివరించారు.

చదవండి : Nitish Kumar : బీజేపీకి నితీష్ బిగ్ ఝలక్..’పెగాసస్”పై దర్యాప్తు జరగాల్సిందే

అదే సమయంలో, నితీష్ కుమార్‌ను సమర్థిస్తూ, సొంత పార్టీ నేత లేసీ సింగ్, “ మహిళా ఎమ్మెల్యేను కించపరచాలనే ఉద్దేశంతో నితీష్ ఆ వ్యాఖ్యలు చేయలేదని అన్నారు. ఆయనకు మహిళలంటే చాలా గౌరవమని వివరించారు. ఈ వివాదంపై ఆర్జేడీ అధినేత లాలూ ప్రసాద్ కుమార్తె రోహిణి ఆచార్య కూడా ట్వీట్ ద్వారా ముఖ్యమంత్రిపై విరుచుకుపడ్డారు. RJD ట్విట్టర్ హ్యాండిల్‌ను ఉటంకిస్తూ, ‘మహిళల అందం ఆరాధిస్తూనే ఉంది. ఈ వయసులో కూడా చాచా అపఖ్యాతి పాలయ్యాడంటూ రాసుకొచ్చారు.