కోవిడ్-19 మెడిసిన్: కరోనా రోగులకు ఊరట.. ధర రూ.8వేలు మాత్రమే!

కరోనా వైరస్ సోకిన రోగులకు కాస్త ఊరట కలిగించే వార్త ఇది. తీవ్రమైన COVID-19 రోగులకు మితమైన చికిత్స కోసం బయోలాజిక్ మెడిసిన్ ఇటోలిజుమాబ్‌ను ప్రవేశపెడతామని బయోటెక్నాలజీ సంస్థ బయోకాన్ ప్రకటించింది. ఇది ఒక్కో సీసా రూ.8,000 ఖర్చు అవుతుంది.

COVID-19 కారణంగా సైటోకైన్ రిలీజ్ సిండ్రోమ్ మోడరేట్ నుండి తీవ్రమైన అక్యూట్ రెస్పిరేటరీ డిస్ట్రెస్ సిండ్రోమ్ (ARDS) చికిత్స కోసం భారతదేశంలో అత్యవసర ఉపయోగం కోసం ఇటోలిజుమాబ్ ఇంజెక్షన్ 25mg / 5mL ద్రావణాన్ని మార్కెట్ చేయడానికి డ్రగ్స్ కంట్రోలర్ జనరల్ ఆఫ్ ఇండియా(DCGI) నుండి సదరు కంపెనీ అనుమతి పొందింది.

తీవ్రమైన కోవిడ్ -19 సమస్యలతో బాధపడుతున్న రోగులకు చికిత్స చేసేందుకు ప్రపంచంలో ఆమోదించబడిన మొట్టమొదటి జీవ చికిత్స ఇటోలిజుమాబ్ అని బయోకాన్ రెగ్యులేటరీ నోటీసులో పేర్కొంది. టీకా వచ్చేవరకు మనకు ప్రాణాలను రక్షించే మందులు అవసరమని బయోకాన్ యాక్టింగ్ ప్రెసిడెంట్ కిరణ్ మజ్దార్-షా అన్నారు. ఈ అంటువ్యాధికి చికిత్స చేయడానికి మనం మెడిసిన్‌ను తిరిగి ఉపయోగించుకోవచ్చు.

ఈ సంవత్సరం చివరినాటికి లేదా వచ్చే ఏడాది ఆరంభంలో మనకు వ్యాక్సిన్ వచ్చినా, తిరిగి ఇన్ఫెక్షన్ ఉండదని ఎటువంటి హామీ లేదని మందులు కచ్చితంగా అవసరం అవుతాయని అభిప్రాయం వ్యక్తం చేస్తున్నారు. చాలా మంది రోగులకు నాలుగు సీసాలు అవసరం కాబట్టి, చికిత్స ఖర్చు సుమారు 32వేల రూపాయలు అవుతుందని చెబుతున్నారు.