కరోనా కారణంగా సమన్లు పాటించలేరు…రెవెన్యూ డిపార్ట్మెంట్ కు కంపెనీలు,బ్యాంకులు,NBFC నోటీసులు
- Published By: venkaiahnaidu ,Published On : March 18, 2020 / 11:23 AM IST
కొరోనా వైరస్ భయం కారణంగా రెవెన్యూ శాఖ అందించే సమన్లు పాటించటానికి చాలా కంపెనీలు, ఎగుమతిదారులు, బ్యాంకులు మరియు ఎన్‌బిఎఫ్‌సిలు నిరాకరించాయి. COVID-19 భయం కారణంగా ఎగ్జిక్యూటివ్స్ ఎవరూ రెవెన్యూ అధికారులను కలవలేరు అని పేర్కొంటూ ఈ కంపెనీలు ట్యాక్స్ డిపార్ట్మెంట్ కు లీగల్ రెస్పాన్స్(చట్టపరమైన ప్రతిస్పందనలను)అందించాయి. కంపెనీలు దాఖలు చేసిన చట్టపరమైన స్పందనలు లేదా నోటీసులు….చాలా మంది సీనియర్ అధికారులు ఇప్పటికే ఇంటి నుండి పనిచేస్తున్నారని, వారు ప్రయాణించాలని ఆశించడం వారి జీవితాలను ప్రమాదంలో పడేస్తుందని పేర్కొంది.
సమన్లు విచారణకు అనుగుణంగా, మా సిబ్బంది ప్రయాణించాల్సిన అవసరం ఉందని గమనించాలి. COVID-19 అనేది వ్యాక్సిన్ లేని ప్రాణాంతక వ్యాధి మరియు కంపెనీ సిబ్బంది ప్రయాణం, తప్పకుండా నిరుత్సాహపరుస్తుందని ఓ ఆటోమొబైల్ దిగ్గజం ఇన్ డైరక్ట్ ట్యాక్స్ (పరోక్ష పన్ను) అధికారులకు పంపిన నోటీసులలో తెలిపారు.
కొన్ని వస్తువుల మరియు సేవల పన్ను పరిధికి ఇన్పుట్ టాక్స్ క్రెడిట్‌లో అసమతుల్యతతో సహా కొన్ని పన్ను వివాదాలపై తమ స్థానాన్ని క్లియర్ చేయమని కోరుతూ….గత కొన్ని రోజులుగా పరోక్ష పన్ను అధికారులు…కంపెనీలు మరియు బ్యాంకులకు అనేక సమన్లు జారీ చేశారు. నిబంధనలు పాటించని సంస్థలపై ట్యాక్స్ డిపార్ట్మెంట్ చర్యలు తీసుకుంటుందని చాలా మంది భయపడుతున్నారు.
See Also | 6-10 వారాల్లోగా భారత్ చేతిలో కరోనా వ్యాక్సీన్.. Cipla, CSIR, IICT కలిసి పరిశోధనలు!
అటువంటి సమయంలో పన్ను చెల్లింపుదారు మరియు రెవెన్యూ అధికారుల మధ్య గొడవ ఉండేందుకు అదనపు వ్యాజ్యం లేదని భావిస్తున్నారు. న్యాయస్థానాలు ప్రస్తుతం కరోనా దృష్ట్యా అత్యవసర విషయాలను మాత్రమే పరిష్కరిస్తున్నందున…ఈ సమస్యలు పన్ను చెల్లింపుదారులకు మరియు న్యాయస్థానాలకు భారం కలిగించవచ్చు అని ఖైతాన్ & కో భాగస్వామి అభిషేక్ రాస్తోగి అన్నారు.
వస్తు, సేవల పన్ను (GST) వసూళ్ల ఆదాయ లక్ష్యాలను చేరుకోవాల్సిన ట్యాక్స్ అధికారులకు కూడా ఇది మంచి పరిస్థితి అని ట్యాక్స్ నిపుణులు అంటున్నారు. మార్చి చివరి నాటికి రెవెన్యూ టర్గెట్స్(ఆదాయ లక్ష్యాలు) చేరుకోవటానికి పన్ను అధికారులపై ఖచ్చితంగా ఒత్తిడి ఉంటుంది. కానీ బ్యాంక్ ఖాతాలను అటాచ్ చేయడం లేదా ఇన్పుట్ క్రెడిట్ల బ్లాకింగ్ వంటి బలవంతపు చర్యలు ఇప్పుడు అసాధారణమైన పరిస్థితులలో మాత్రమే తీసుకోబడతాయని మేము ఆశిస్తున్నాము. చాలా కంపెనీలు ఇప్పుడు….వర్క్ ఫ్రం హోం(ఇంటి నుండి పని)విధానాన్ని అమలు చేస్తున్నాయి. కోర్టులు కూడా అత్యవసర కేసులను వినడం లేదు. చాలా దేశాలలో వ్యాట్ చెల్లించడానికి మరియు రిటర్న్స్ దాఖలు చేయడానికి ప్రభుత్వం పొడిగింపును అందించిందని పరోక్ష పన్ను, పిడబ్ల్యుసి ఇండియా నేషనల్ లీడర్ ప్రతీక్ జైన్ అన్నారు.
ఫిబ్రవరికి జీఎస్టీ కలెక్షన్లు 1.05లక్షల కోట్లుగా ఉన్నాయి. అయితే ప్రభుత్వం టార్గెట్ గా పెట్టుకున్న 1.15లక్షల కోట్లు కంటే తక్కువగా ఉంది. GST వసూలు లక్ష్యాన్ని రెవెన్యూ శాఖ ఫిబ్రవరిలో రూ .1.15 లక్షల కోట్లకు, మార్చిలో రూ .1.25 లక్షల కోట్లకు రీసెట్ చేసింది. సీనియర్ అధికారులు తమ స్థానాన్ని వ్యక్తిగతంగా పన్ను అధికారులకు వివరిస్తారని భావిస్తున్న సంస్థలపై రెవెన్యూ శాఖ ఒత్తిడి తెచ్చే మార్గాల్లో సమన్లు జారీ చేయడం ఒకటి. ట్యక్స్ డిపార్ట్ మెంట్ చివరలో కంపెనీ అధికారులను అరెస్టు చేయవచ్చు లేదా వారు కనిపించడంలో విఫలమైతే వారి బ్యాంక్ ఖాతాలను అటాచ్ చేయవచ్చు. మేము అన్ని సమాచారాన్ని ఈ మెయిల్ ద్వారా లేదా మరే ఇతర మార్గం ద్వారా అందించడానికి సిద్ధంగా ఉన్నాము అని ఒక ఆటోమొబైల్ సంస్థ ట్యాక్స్ డిపార్ట్ మెంట్ కు ఇచ్చిన రెస్ఫాన్స్(ప్రతిస్పందన)లో తెలిపింది.
ఈ సమస్యను పరిష్కరించడానికి మాకు తగిన చట్టపరమైన పరిష్కారాలు ఉన్నాయి. కాని అలాంటి పరిష్కారాలను చివరి ప్రయత్నంగా మాత్రమే ఉపయోగిస్తాము అని ఇటువంటి వివాదాలలో అనేక కంపెనీలు మరియు ఎన్‌బిఎఫ్‌సిలకు ప్రాతినిధ్యం వహిస్తున్న రస్తోగి అన్నారు.
