CBSE : సీబీఎస్ఈ 12వ తరగతి ఫలితాలు విడుదల..బాలికలదే పైచేయి
సీబీఎస్ఈ 12వ తరగతి ఫలితాలు విడుదలయ్యాయి.
- Published By: 10TV Digital Team ,Published On : July 30, 2021 / 03:00 PM IST
CBSE సీబీఎస్ఈ 12వ తరగతి ఫలితాలు విడుదలయ్యాయి. విద్యార్థులు.. సీబీఎస్ఈ అధికారిక వెబ్ సైట్ cbseresults.nic.inలో ఫలితాలను చూసుకోవచ్చు. ఈ నెలాఖరులోగా పరీక్ష ఫలితాలను విడుదల చేయాలని సీబీఎస్ఈ, ఇతర రాష్ట్ర బోర్డులను సుప్రీంకోర్టు ఇటీవల ఆదేశించించిన నేపథ్యంలో సీబీఎస్ఈ ఈ రోజు ఫలితాలను విడుదల చేసింది. 10 వ తరగతి, 11 వ తరగతి, ప్రీ-బోర్డ్ పరీక్షలలో సాధించిన మార్కుల ఆధారంగా ఫలితాలను విడుదల చేశారు. 10 వ తరగతి పరీక్ష ఆధారంగా 30 శాతం మార్కులు, 11 వ తరగతి ఆధారంగా 40 శాతం మార్కులు 12 వ తరగతి యూనిట్, మిడ్ టర్మ్, ప్రీ-బోర్డ్ పరీక్షల ఆధారంగా మార్కులు నిర్ణయించారు.
ఈ ఏడాది మొత్తంగా 99.37శాతం ఉత్తీర్ణత శాతం 99.37శాతంగా ఉంది. ఈ ఏడాది 70 వేల మందికిపైగా విద్యార్థులు 95శాతంకన్నా ఎక్కువ మార్కులతో ఉత్తీర్ణులైనట్లు సీబీఎస్ఈ వెల్లడించింది. మరో లక్షన్నర మందికిపైగా 90శాతం మార్కులు సాధించినట్లు తెలిపింది. మొత్తం బాలురుకన్నా బాలికలే అధిక ప్రతిభ కనబరిచారని చెప్పింది. మరో 65 వేల మంది విద్యార్థుల గ్రేడ్లు ఇంకా నిర్ణయించాల్సి ఉందని, వాటిని ఆగస్టు 5న ప్రకటిస్తామని సీబీఎస్ఈ తెలిపింది. కాగా,ఈ ఏడాది కరోనా కారణంగా సీబీఎస్ఈ పరీక్షలు రద్దు చేసిన విషయం తెలిసిందే.
