Ceiling Fan: కరోనాకి కాదు సీలింగ్ ఫ్యాన్ చూసి భయపడుతున్న పేషెంట్లు

కరోనా మహమ్మారి విజృభిస్తున్న వేళ.. దానికి సంబందించిన ఎన్నో వీడియోలు బయటకు వస్తున్నాయి.. వీటిలో కొన్ని వీడియోలు మనుషులను కలచివేస్తుంటే మరికొన్ని మాత్రం నవ్వు తెప్పిస్తున్నాయి.

10TV Telugu News

Ceiling Fan: కరోనా మహమ్మారి విజృభిస్తున్న వేళ.. దానికి సంబందించిన ఎన్నో వీడియోలు బయటకు వస్తున్నాయి.. వీటిలో కొన్ని వీడియోలు మనుషులను కలచివేస్తుంటే మరికొన్ని మాత్రం నవ్వు తెప్పిస్తున్నాయి. తాజాగా ఓ కరోనా పేషెంట్ సోషల్ మీడియాలో పోస్ట్ చేసిన వీడియో వైరల్ అయింది. కరోనాతో ఆసుపత్రిలో చేరిన వ్యక్తి.. తనపై ఉన్న ఫ్యాన్ ను చూసి పయపడటం మనం ఈ వీడియోలో చూడొచ్చు.

మెయింటెనెన్స్ సరిగా లేకపోవడంతో సీలింగ్ కి ఉన్న ఫ్యాన్ గుండ్రంగా తిరుగుతుంది. అది ఎప్పుడు ఊడి మీదపడుతుందో అని ఆ వార్డులో చికిత్స పొందుతున్న కరోనా పేషెంట్లు భయపడుతున్నారు. ఆ ఫ్యాన్ కింద ఉన్న బెడ్ పై ఉన్న వ్యక్తి ఫ్యాన్ తిరిగే దృశ్యాలను తన ఫోన్ లో బందించి సోషల్ మీడియాలో పోస్ట్ చేశాడు. కరోనా కంటే ఈ ఫ్యాన్ తమను భయపెడుతుందని క్యాప్షన్ ఇచ్చాడు. ఈ విషయం పై అధికారులకు చెప్పిన పట్టించుకోవడం లేదని తెలిపాడు సదరు వ్యక్తి.. కాగా ఈ సంఘటన మధ్యప్రదేశ్ చింద్వారాలోని ఓ ఆసుపత్రిలో జరిగింది.

ఇక ఈ వీడియోలో సదరు వ్యక్తి మాట్లాడుతూ “మిత్రులారా నేను చింద్వారాలో అతి పెద్ద ఆస్పత్రిలో చేరాను. కానీ ఇక్కడ పరిస్థితి ఎలా ఉందో చూడండి” నా బెడ్‌కి పైన ఓ విదేశీ ఫ్యాన్ తిరుగుతోంది. దాన్ని చూస్తుంటే భయం వేస్తోంది. కరోనా వల్ల భయం లేదు… ఈ ఫ్యాన్ భయపెడుతోంది.. దయచేసి అధికారులు దీనిని మార్చాలని వేడుకున్నాడు.

 

×