కరోనా కరాళ నృత్యం: ఒకే రోజులో 57 వేలకు పైగా కేసులు

కరోనా భారతదేశంలో వినాశనం కొనసాగిస్తోంది. రోజురోజుకు దేశంలో కరోనా కేసులు పెరుగిపోతూ ఉన్నాయి. దేశంలో కరోనా సోకిన వారి సంఖ్య ఇప్పుడు 16.5 మిలియన్లు దాటేసింది. ఆరోగ్య మంత్రిత్వ శాఖ తాజా లెక్కల ప్రకారం, దేశంలో ఇప్పటివరకు 16 లక్షల 95 వేల 989 మందికి కరోనా సోకింది. వీరిలో 36,511 మంది చనిపోగా, 10 లక్షల 94 వేల 374 మంది కోలుకున్నారు. భారతదేశంలో గత 24 గంటల్లో కొత్తగా 57,117 కరోనా వైరస్ కేసులు నమోదయ్యాయి. ఇదే సమయంలో 764మంది చనిపోయారు.



ప్రపంచంలో మూడవ అత్యంత ప్రభావిత దేశంగా భారత్:
భారతదేశం కరోనా కేసుల్లో మూడవ అత్యంత ప్రభావిత దేశంగా ఉంది. ప్రపంచంలో కరోనా మహమ్మారి వల్ల యునైటెడ్ స్టేట్స్ ఎక్కువగా ప్రభావితం అవుతుంది. పది లక్షల జనాభాకు సోకిన కేసులు, మరణాల గురించి మాట్లాడితే, ఇతర దేశాల కంటే భారతదేశం చాలా మెరుగ్గా ఉంది. భారతదేశం కంటే ఎక్కువ కేసులు అమెరికా (4,705,847), బ్రెజిల్ (2,666,298) లో ఉన్నాయి. దేశంలో కరోనా కేసులు పెరిగే వేగం ప్రపంచంలో మూడవ స్థానంలో ఉంది.



వరుసగా మూడవ రోజు 50 వేలకు పైగా కరోనా కేసులు దేశంలో నమోదయ్యాయి. గణాంకాల ప్రకారం, దేశంలో ప్రస్తుతం 5 లక్షల 65 వేల 103 కరోనా యాక్టివ్ కేసులు ఉన్నాయి. అత్యంత చురుకైన కేసులు మహారాష్ట్రలో ఉన్నాయి. మహారాష్ట్రలో, 93 వేలకు పైగా కరోనా సోకినవారు ఆసుపత్రులలో చికిత్స పొందుతున్నారు. తమిళనాడు రెండో స్థానంలో, ఢిల్లీ మూడో స్థానంలో, గుజరాత్ నాలుగవ స్థానంలో, పశ్చిమ బెంగాల్ ఐదవ స్థానంలో ఉన్నాయి.