భారతదేశంలో వరుసగా రెండవ రోజు 83 వేలకు పైగా కరోనా కేసులు.. సెకెండ్ ప్లేస్‌లో ఆంధ్రప్రదేశ్
- Published By: vamsi ,Published On : September 4, 2020 / 10:52 AM IST
భారతదేశంలో కరోనావైరస్ సంక్రమణ కేసులు క్రమంగా పెరిగిపోతూ ఉండగా.. ఆందోళన కలిగిస్తున్నాయి. గత 24 గంటల్లో దేశంలో 83 వేల 341 కొత్త కరోనా కేసులు రాగా.. ఇదే సమయంలో 1096 మంది చనిపోయారు. భారతదేశంలో ఇప్పటివరకు కరోనా సోకిన వారి సంఖ్య 39 లక్షలకు చేరుకోగా, కరోనా కారణంగా మరణించిన వారి సంఖ్య 68 వేలకు పైగా ఉంది. ఇబ్బందికరమైన విషయం ఏమిటంటే, ఇప్పుడు భారతదేశంలో చురుకైన కేసుల సంఖ్య సుమారు 8.31 లక్షలకు చేరుకుంది. అయితే, ఆసుపత్రి నుంచి రోగులు 3 మిలియన్లకు పైగా కోలుకున్నారు.
దేశంలో ఎక్కువగా ప్రభావితమైన రాష్ట్రాల గురించి మాట్లాడితే మహారాష్ట్ర పరిస్థితి చాలా ఘోరంగా ఉంది. ఇప్పుడు బాధితుల సంఖ్య 8 లక్షలు 43 వేలు దాటింది. అదే సమయంలో, 24 గంటల్లో 391 కొత్త మరణాలతో మరణించిన వారి సంఖ్య ఇప్పుడు 25,586 కు పెరిగింది. దేశం మొత్తం మరణాలలో మూడింట ఒక వంతు మహారాష్ట్రలోనే ఉన్నాయి.
కరోనా సోకిన రాష్ట్రాలలో ఆంధ్రప్రదేశ్ రెండవ స్థానంలో ఉంది, ఇక్కడ ఒక రోజులో 10,199 కొత్త కేసులు వస్తున్నాయి. దీంతో రాష్ట్రంలో బాధితుల సంఖ్య ఇప్పుడు 4 లక్షల 65 వేల 730 కి చేరుకుంది. 4 లక్షలకు పైగా 45 వేల కేసులతో తమిళనాడు మూడో స్థానంలో ఉండగా.. కర్ణాటకలో నాలుగవ స్థానంలో 3 లక్షల 70 వేల కేసులతో ఉంది. కర్ణాటకలో 6054 మంది రోగులు మరణించగా, తమిళనాడులో 7608 మంది మరణించారు. ప్రస్తుతానికి, భారతదేశానికి ఓదార్పునిచ్చే వార్త ఏమిటంటే, ఇప్పటివరకు, మొత్తం రోగులలో 78%, సుమారు 30.37 లక్షల మంది ప్రజలు కోలుకొన్నారు. గత 24 గంటల్లో 65 వేలకు పైగా రోగులు డిశ్చార్జ్ అయ్యారు.
మరణాల విషయంలో స్థిరమైన క్షీణత మరియు క్రియాశీల కేసు రేటు నమోదు కావడం ఉపశమనం కలిగించే విషయం కాగా.. మరణాల రేటు 1.74శాతానికి పడిపోయింది. ఇది కాకుండా, చికిత్స పొందుతున్న క్రియాశీల కేసుల రేటు కూడా 21% కి పడిపోయింది. దీంతో, రికవరీ రేటు 77% గా ఉంది. భారతదేశంలో రికవరీ రేటు నిరంతరం పెరుగుతోంది.
https://10tv.in/with-nearly-79000-new-cases-of-covid-19-india-sets-grim-world-record/
ఐసిఎంఆర్ ప్రకారం, కరోనా వైరస్ కేసులలో 54% 18 సంవత్సరాల నుండి 44 సంవత్సరాల వయస్సు వరకు ఉన్నాయి. అయితే 51% కరోనా వైరస్ మరణాలు 60 సంవత్సరాలు మరియు అంతకంటే ఎక్కువ వయస్సు ఉన్నవారిలో సంభవిస్తున్నాయి. సెప్టెంబర్ 3వ తేదీ నాటికి మొత్తం 466.6 మిలియన్ కరోనా వైరస్ నమూనాలను పరీక్షించగా, అందులో 11 లక్షల నమూనాలను నిన్న పరీక్షించారు. పాజిటివిటీ రేటు 7 శాతం కన్నా తక్కువ.
