వరుసగా 5వ రోజు 20వేలకు పైగా కేసులు.. 20వేల మార్క్ దాటిన మరణాలు

నేడు(07 జూలై 2020), వరుసగా ఐదవ రోజు, భారత్‌లో 20 వేలకు పైగా కరోనా కేసులు నమోదయ్యాయి. కరోనా వైరస్ కేసులలో భారతదేశం ప్రపంచంలో మూడవ స్థానానికి చేరుకుంది. కరోనా వైరస్ కేసులు భారత్‌లో వేగంగా పెరుగుతుండగా.. మొత్తం కరోనా సోకిన వారి సంఖ్య ఏడు లక్షలు దాటింది.

ఆరోగ్య మంత్రిత్వ శాఖ గణాంకాల ప్రకారం.. ఇప్పటివరకు 7 లక్షల 20 వేల మందికి కరోనా సోకింది. వీరిలో 20,160 మంది మరణించగా, నాలుగు లక్షల 40 వేల మంది కోలుకున్నారు. గత 24 గంటల్లో, 22 వేల 252 కొత్త కరోనా వైరస్ కేసులు నమోదయ్యాయి. మొత్తం 467 మరణాలు సంభవించాయి.

ప్రపంచంలో మూడవ అత్యంత ప్రభావిత దేశంగా భారత్:
భారతదేశం కరోనా విషయంలో మూడవ అత్యంత ప్రభావిత దేశంగా ప్రపంచంలో నిలిచింది. అమెరికా, బ్రెజిల్ తరువాత భారతదేశంలో ఒకే రోజులో అత్యధిక కేసులు నమోదవుతున్నాయి. భారతదేశం కంటే ఎక్కువ కేసులు అమెరికా (3,039,913), బ్రెజిల్ (1,626,071) లో ఉన్నాయి. అదే సమయంలో, రష్యా (687,862) నాల్గవ ప్లేస్‌లో ఉంది.