దేశంలో 61వేలకు పైగా కరోనా కొత్త కేసులు

భారతదేశంలో కరోనా కేసులు రోజురోజుకు పెరిగిపోతూ ఉండగా.. రోగుల సంఖ్య 31 లక్షలు దాటి కంటి మీద కునుకు లేకుండా చేస్తుంది. గత 24 గంటల్లో కొత్తగా 61,408 మందికి కరోనా సోకగా.. ఇదే సమయంలో దేశంలో 836 మంది చనిపోయారు. దేశంలో నమోదైన ఈ కరోనా కేసులు ప్రపంచంలో ఒక రోజులో నమోదైన అత్యధిక కేసులు.



అమెరికా, బ్రెజిల్‌లో వరుసగా 32,718 మరియు 23,085 కొత్త కేసులు నమోదయ్యాయి. అంతకుముందు ఆగస్టు 22 న భారతదేశంలో రికార్డు స్థాయిలో 69,878 కరోనా కేసులు నమోదయ్యాయి. ఇక గత 24గంటల్లో 57,468 మంది కోలుకున్నారని కేంద్ర వైద్య, ఆరోగ్య మంత్రిత్వ శాఖ ప్రకటించింది.

దేశంలో కరోనా కేసుల సంఖ్య ఇప్పటివరకు మొత్తం 31,06,349 కు చేరగా, మృతుల సంఖ్య మొత్తం 57,542కి పెరిగింది. దేశంలో కరోనా నుంచి ఇప్పటివరకు 23,38,036 మంది కోలుకున్నారు. దేశంలో మొత్తం 3,59,02,137 కరోనా పరీక్షలు నిర్వహించినట్లు భారతీయ వైద్య పరిశోధన మండలి (ఐసీఎంఆర్) తెలిపింది. నిన్న ఒక్కరోజులోనే 6,09,917 శాంపిళ్లను పరీక్షించారు.



దేశంలో క్రియాశీల కేసుల సంఖ్య 7 లక్షల 10 వేలకు పెరిగింది. 23 లక్షల 38 వేల మంది కోలుకున్నారు. కోలుకున్న వ్యక్తుల సంఖ్య చురుకైన కేసుల సంఖ్య కంటే దాదాపు మూడు రెట్లు ఎక్కువ. ఇక దేశంలో మరణాల రేటు 1.85% కి పడిపోయింది. ఇది కాకుండా, చికిత్స పొందుతున్న క్రియాశీల కేసుల రేటు కూడా 23% కి పడిపోయింది. దీంతో, రికవరీ రేటు 75% గా మారింది. భారతదేశంలో రికవరీ రేటు నిరంతరం పెరుగుతోంది.

క్రియాశీల కేసుల విషయంలో టాప్ -5 రాష్ట్ర గణాంకాల ప్రకారం, దేశంలో అత్యధిక సంఖ్యలో కేసులు మహారాష్ట్రలో ఉన్నాయి. తమిళనాడు రెండో స్థానంలో, ఆంధ్రప్రదేశ్ మూడో స్థానంలో, కర్ణాటక నాలుగవ స్థానంలో, ఉత్తరప్రదేశ్ ఐదవ స్థానంలో ఉన్నాయి. ఈ ఐదు రాష్ట్రాల్లో అత్యంత చురుకైన కేసులు ఉన్నాయి. క్రియాశీల విషయంలో భారతదేశం ప్రపంచంలో మూడవ స్థానంలో ఉంది.