Covishield and Covaxin: డెల్టా ప్లస్‌పై బలంగా పనిచేస్తున్న కోవిషీల్డ్, కొవాక్సిన్
భారతదేశంలో తయారైన కోవాక్సిన్ మరియు కోవిషీల్డ్ రెండూ కూడా కరోనా వైరస్ చింతిస్తున్న డెల్టా వేరియంట్‌కు వ్యతిరేకంగా ప్రభావవంతంగా పనిచేస్తున్నట్లు ప్రభుత్వం ప్రకటించింది. ప్రభుత్వం చెప్పిన వివరాల ప్రకారం, ఈ రెండు టీకాలు కరోనా అన్ని రకాలపై వ్యతిరేకంగా గట్టిగా పనిచేస్తున్నట్లు చెప్పాయి.
- Published By: 10TV Digital Team ,Published On : June 27, 2021 / 01:47 PM IST
Covishield And Covaxin Against Delta Plus Report In 7 10 Days
Covishield and Covaxin against Delta Plus: భారతదేశంలో తయారైన కోవాక్సిన్ మరియు కోవిషీల్డ్ రెండూ కూడా కరోనా వైరస్ చింతిస్తున్న డెల్టా వేరియంట్‌కు వ్యతిరేకంగా ప్రభావవంతంగా పనిచేస్తున్నట్లు ప్రభుత్వం ప్రకటించింది. ప్రభుత్వం చెప్పిన వివరాల ప్రకారం, ఈ రెండు టీకాలు కరోనా అన్ని రకాలపై వ్యతిరేకంగా గట్టిగా పనిచేస్తున్నట్లు చెప్పాయి.
కరోనా రకాల్లో ఆల్ఫా, బీటా, గామా మరియు డెల్టా వేరియంట్‌లకు వ్యతిరేకంగా రెండు టీకాలు ప్రభావవంతంగా ఉన్నట్లు ప్రభుత్వం పేర్కొంది. డెల్టా ప్లస్ గురించి అధ్యయనం ఇంకా కొనసాగుతోండగా.. కరోనా డెల్టా వేరియంట్‌కు వ్యతిరేకంగా కోవాక్సిన్ మరియు కోవిషీల్డ్ ప్రభావవంతంగా ఉన్నాయని, ఇండియన్ కౌన్సిల్ ఆఫ్ మెడికల్ రీసెర్చ్ నివేదించింది.
కరోనాకు చెందిన డెల్టా ప్లస్ వేరియంట్‌కు సంబంధించిన ప్రశ్నపై, డెల్టా ప్లస్ వేరియంట్‌కు వ్యతిరేకంగా ల్యాబ్‌లో పరీక్ష జరుగుతోందని వెల్లడించారు. ఈ పరీక్ష ఫలితాలు వారం నుంచి 10 రోజుల్లో వస్తాయని చెప్పారు. డెల్టా ప్లస్ వేరియంట్‌కు సంబంధించి దేశంలో ఆందోళన వాతావరణం ఉండగా.. ఈ వేరియంట్ వైరస్ సోకిన వారి సంఖ్య ఇంకా తక్కువగా ఉందని, కానీ ఇది ప్రతిరోజూ పెరిగే అవకాశాలే ఎక్కువగా కనిపిస్తున్నట్లు చెబుతున్నారు.
ఇండియన్ కౌన్సిల్ ఆఫ్ మెడికల్ రీసెర్చ్ డైరెక్టర్ జనరల్ బలరామ్ భార్గవ మాట్లాడుతూ, “ప్రపంచంలోని వివిధ ప్రాంతాల నుంచి వస్తున్న నివేదికల ప్రకారం, వైరస్ కొత్త వైవిధ్యాలను తటస్తం చేయడానికి వివిధ వ్యాక్సిన్ల సామర్థ్యం తగ్గుతోంది. కానీ కోవాక్సిన్ మాత్రం బలంగా పనిచేస్తుందని చెప్పారు. డెల్టా వేరియంట్‌పై కోవాక్సిన్ ప్రభావవంతంగా ఉండగా.. యాంటీబాడీ ఉత్పత్తి తక్కువగా ఉంటుందని చెబుతున్నారు.
కోవిషీల్డ్ వ్యాక్సిన్ పొందినవారిలో కూడా ప్రతిరోధకాల ఉత్పత్తిలో వ్యత్యాసం కనిపిస్తుంది. అయినప్పటికీ, రెండు టీకాలు కరోనా వైరస్ ఆల్ఫా, బీటా, గామా మరియు డెల్టా వేరియంట్ల పోరాడడంలో విజయవంతం అవుతున్నాయి.
కరోనా వైరస్ యొక్క డెల్టా ప్లస్ వేరియంట్ ఇప్పటివరకు ప్రపంచంలోని 12 దేశాలలో కనుగొనబడింది. భారతదేశంలో, 12 రాష్ట్రాల్లో ఈ వైరస్ వెలుగులోకి రాగా.. 51 మందికి వైరస్ వేరియంట్ సోకింది.
