Election Results 2021 : బెంగాల్‌లో టీఎంసీ, తమిళనాడులో డీఎంకే, కేరళలో ఎల్డీఎఫ్, పుదుచ్చేరిలో ఎన్డీయే కూటమి, అసోంలో బీజేపీ కూటమి ఆధిక్యం
దేశం మొత్తం ఆసక్తిగా ఎదురుచూస్తున్న 5 రాష్ట్రాల అసెంబ్లీ ఎన్నికల ఫలితాలు నేడు వెలువడనున్నాయి. ఆదివారం(మే 2,2021) ఉదయం 8గంటలకు కౌంటింగ్ ప్రారంభమైంది. కౌంటింగ్ ప్రక్రియ కొనసాగుతోంది. ఇప్పటివరకు ఫలితాల సరళిని గమనిస్తే ఎగ్జిట్ పోల్స్ అంచనాలు నిజమయ్యేలా కనిపిస్తున్నాయి. వెస్ట్ బెంగాల్ లో అధికార తృణమూల్ కాంగ్రెస్ ఆధిక్యంలో ఉంది. తమిళనాడు డీఎంకే దూసుకెళ్తోంది. డీఎంకే లీడ్ లో ఉంది. ఇక కేరళలో ఎల్డీఎఫ్ కూటమి, పుదుచ్చేరిలో ఆల్ ఇండియా అన్నా కాంగ్రెస్ ఎన్డీయే కూటమి, అసోంలో బీజేపీ కూటమి ముందంజలో ఉన్నాయి.
- Published By: 10TV Digital Team ,Published On : May 2, 2021 / 09:12 AM IST
Results
Election Results 2021 : దేశం మొత్తం ఆసక్తిగా ఎదురుచూస్తున్న 4 రాష్ట్రాలు, ఒక కేంద్ర పాలిత ప్రాంతం అసెంబ్లీ ఎన్నికల కౌంటింగ్ ఆదివారం(మే 2,2021) ఉదయం 8గంటలకు ప్రారంభమైంది. కౌంటింగ్ ప్రక్రియ కొనసాగుతోంది. వెస్ట్ బెంగాల్, కేరళ, తమిళనాడు, అసోం రాష్ట్రాలకు, కేంద్రపాలిత ప్రాంతమైన పుదుచ్చేరికి వేర్వేరు విడతల్లో ఎన్నికలు జరిగాయి.
కాగా, ఇప్పటివరకు ఫలితాల సరళిని గమనిస్తే ఎగ్జిట్ పోల్స్ అంచనాలు నిజమయ్యేలా కనిపిస్తున్నాయి. వెస్ట్ బెంగాల్ లో అధికార తృణమూల్ కాంగ్రెస్ ఆధిక్యంలో ఉంది. తమిళనాడు డీఎంకే దూసుకెళ్తోంది. డీఎంకే లీడ్ లో ఉంది. ఇక కేరళలో ఎల్డీఎఫ్ కూటమి, పుదుచ్చేరిలో ఆల్ ఇండియా అన్నా కాంగ్రెస్ ఎన్డీయే కూటమి, అసోంలో బీజేపీ కూటమి ముందంజలో ఉన్నాయి.
బెంగాల్ లో బీజేపీ కూడా గట్టి పోటీ ఇస్తోంది. బెంగాల్ లో టగ్ ఆఫ్ వార్ నడుస్తోంది. తృణమూల్, బీజేపీ మధ్య పోటాపోటీ నెలకొంది. ఎగ్జిట్ పోల్స్ ఫలితాలు నిజమయ్యేలా రెండు పార్టీల మధ్య హోరాహోరి నెలకొంది. నువ్వా నేనా అన్నట్టు రెండు పార్టీలు లీడ్ కోసం పోటీ పడుతున్నాయి. కౌంటింగ్ కొనసాగుతోంది. ట్రెండ్స్ చూస్తే టీఎంసీ లీడ్ లో ఉంది. బీజేపీ సెకండ్ ప్లేస్ లో ఉంది.
తొలి నుంచి అంతా భావిస్తున్నట్టుగానే తమిళనాడులో డీఎంకే లీడ్ లో ఉంది. స్టాలిన్ సారథ్యంలోని డీఎంకే స్పష్టమైన మెజార్టీ సాధిస్తోంది. తొలి రౌండ్ నుంచే డీఎంకే అభ్యర్థులు లీడ్ లో ఉన్నారు. అన్నాడీఎంకే పార్టీ రెండో స్థానంలో ఉంది.
ఇక తెలుగు రాష్ట్రాల్లో తిరుపతి లోక్ సభ, నాగార్జున సాగర్ అసెంబ్లీ ఎన్నికల కౌంటింగ్ కొనసాగుతోంది. తిరుపతి పోస్టల్ బ్యాలెట్ లో వైసీపీ ముందంజలో ఉంది. నాగార్జున సాగర్ లో టీఆర్ఎస్ లీడ్ లో ఉంది. తొలి రౌండ్ లో టీఆర్ఎస్ అభ్యర్థి భగత్ 1475 ఓట్ల ఆధిక్యంలో ఉన్నారు.
