One Side Love : గొడ్డలితో వరుడ్ని బెదిరించి..వ‌ధువుకు కుంకుమ దిద్దిన ప్రియుడు

వరుడ్ని గొడ్డలితో బెదిరించి ఠక్కుమని వధువుకు సింధూరం దిద్దాడు ప్రియుడు. దీంతో వధూవరులతో పాటు పెళ్లికొచ్చినవారంతా షాక్ అయ్యారు.

One Side Love : గొడ్డలితో వరుడ్ని బెదిరించి..వ‌ధువుకు కుంకుమ దిద్దిన ప్రియుడు

One Side Lover

Gorakhpur one Side Love : యూపీలోని గోర‌ఖ్‌పూర్‌లో ఓ క‌ల్యాణ మండ‌పంలో ఘ‌నంగా వివాహ వేడుక జ‌రుగుతోంది. వరుడు, వధువు పెళ్లి పీటల మీద కూర్చున్నారు. పెళ్లి తంతు జరుగుతోంది. పురోహితుడు మంత్రాలు చదువుతున్నాడు. వ‌ధూవ‌రులు పూల మాలు మార్చుకోండమ్మా అంటూ పురోహితుడు చెప్పాడు. వారు దండలు మార్చుకున్నారు. ఆ తరువాత వధువు నుదుట సింధూరం దిద్దు అని వరుడికి చెప్పాడు పురోహితుడు. అదే పనిలో వరుడు ఉన్నాడు. చేతిలోకి కుంకుమ తీసుకున్నాడు. ఇంత‌లో ఓ యువకుడు కళ్యాణమండపంలోకి దూసుకొచ్చాడు. వచ్చీరావటంతోనే పెళ్లి మండంపైకి ఎక్కి చేతిలో కుంకుమ తీసుకుని వధువు నుదుటి మీద దిద్దబోయాడు.. దీంతో వెంటనే తేరుకున్న వరుడు అతడిని అడ్డుకోబోయాడు. దాంతో అతను కదిలావంటే చంపేస్తానంటూ గొడ్డలితో బెదిరించి..వధువు నుదుట బొట్టు పెట్టేశఆడు.

ఇదంతా చాలా ఫాస్టుగా జరిగిపోవటంతో అందరూ షాక్ అయ్యారు. వధువుకూడా తేరుకునేలోపే జరగాల్సిందంతే జరిగింది. కాసేపటికి తేరుకున్న పెళ్లికొచ్చిన అతిధులు ‘‘ఎవడ్రా నువ్వు..అంటూ పట్టుకుని చితకబాదారు. అనంత‌రం అత‌నిని పోలీసుల‌కు అప్ప‌గించారు. తీవ్ర గాయాల‌పాలైన ఆ యువ‌కుడిని పోలీసులు ఆసుప‌త్రికి త‌ర‌లించారు.

అయితే ఈ ఘ‌ట‌న త‌రువాత వరుని త‌రుపువారు వ‌ధువును త‌మ‌తో పాటు తీసుకువెళ్లమనీ..ఆమెతో మాకు సంబంధం లేదనీ..సదరు యువకుడికి..వధువుకు మధ్య ఏదో ఉందని అందుకే అతను అంత చొరవగా వచ్చి అందరి ముందూ ఆమెకు బొట్టు పెట్టాడని మేం ఆమెను తీసుకెళ్లమని చెప్పారు. దీంతో పెద్ద‌ల పంచాయితీ జ‌రిగింది.

అతను ఆమెను ప్రేమించాడు గానీ ఆమెకు మాత్రం అతను ఎవరో తెలీదని చెప్పారు. దీంతో ఎట్ట‌కేల‌కు ఆ మ‌ర్నాడు అప్ప‌గింత‌ల కార్య‌క్ర‌మం జ‌రిగింది. వధువును వరుడు అతని బంధువులు వారి ఇంటికి తీసుకెళ్లారు. కాగా అదుపులోకి తీసుకున్న యువకుడు పిప్రాయిచ్ ప్రాంతానికి చెందిన గోలు విశ్వకర్మగా పోలీసులు గుర్తించారు. గతంలో వధువును ప్రేమించాడని..కానీ ఆమె మాత్రం అతడిని ప్రేమించలేదనీ.. గోలు విశ్వకర్మది వన్ సైడ్ లవ్ అని తెలిపారు.