UP bulldozer baraat: యోగి ఇలాకాలో.. ముస్లిం జంట వివాహంలో ‘బుల్డోజర్ బరాత్’..

UP bulldozer baraat: దేశవ్యాప్తంగా ప్రస్తుతం ప్రముఖంగా వినిపిస్తున్న పదం ‘బుల్డోజర్’. ముఖ్యంగా ఉత్తర్​ప్రదేశ్​లో ‘బుల్డోజర్’ అనే మాట ప్రతిరోజూ వినిపిస్తుంది. రాష్ట్రంలో యోగి ముఖ్యమంత్రిగా బాధ్యతలు తీసుకున్న తరువాత బుల్డోజర్ కు ప్రాధాన్యత ఏర్పడింది. అక్రమ కట్టడాలను కూల్చివేయడంలో బుల్డోజర్ ను వినియోగిస్తూ అక్రమార్కుల గుండెల్లో యోగి రైళ్లు పరుగెత్తిస్తున్నారు. ఇటీవల జరిగిన అసెంబ్లీ ఎన్నికల్లోనూ మళ్లీ ఆ రాష్ట్రంలో బీజేపీ విజయం సాధించడంతో సీఎంగా యోగి బాధ్యతలు చేపట్టారు. దీంతో బీజేపీ బుల్డోజర్ అనే పదాన్ని దేశవ్యాప్తంగా ఉపయోగిస్తుంది.

Viral Video: అదృష్టవంతులు.. మ్యాన్‌హోల్‌లో పడిపోయిన జంట.. వీడియో వైరల్

అయితే నేరస్థుల ఇళ్లను ప్రభుత్వాలు కూల్చేయడానికే పరిమితం అనుకుంటే పొరపాటే.. ఓ ముస్లిం జంట వివాహ వేడుకలోనూ బుల్డోజర్ కనిపించింది. శనివారం బహ్రాయీచ్ జిల్లాలో ఈ వినూత్న వేడుక జరిగింది. బాద్షా-రుబీనా వివాహం ఘనంగా జరిగింది. అయితే పెళ్లి బరాత్​లో బుల్డోజర్​ను ఉపయోగించి అందరినీ ఆశ్చర్య పర్చారు. బాద్షాను కుటుంబ సభ్యులు అందంగా అలంకరించిన బుల్డోజర్​పై ఊరేగించారు. దీన్ని చూసి స్థానికులు ‘బుల్డోజర్ బాబాకీ జై’అంటూ నినాదాలు చేశారు. దీంతో గ్రామమంతా పండుగ వాతావరణం నెలకొంది. ఇక్కడ మరో విషయం ఏమిటంటే .. ‘బుల్డోజర్ బారాత్’ లక్ష్మణ్‌పూర్-శంకర్‌పూర్ గ్రామానికి వచ్చినప్పుడు, దాదాపు గ్రామం మొత్తం సెల్ఫీ తీసుకోవడానికి వేదిక వద్దకు పరుగెత్తారు. వరుడితో కాదు.. అతను వచ్చిన అలంకరించిన బుల్‌డోజర్‌తో సెల్పీలు దిగారు.

PM Modi: మంచి పనులకు రాజకీయ రంగు పులుముకోవడం మన దేశ దురదృష్టం
ఈ విషయంపై పెళ్లి పెద్దలు మాట్లాడుతూ.. బాద్షా-రుబీనా వివాహాన్ని గుర్తుండిపోయేలా చేసేందుకు ఇలా బుల్డోజర్​ను ఉపయోగించినట్లు తెలిపారు. ఇదిలాఉంటే ఈ ఘటనపై బహ్రాయీచ్ సదర్ నియోజకవర్గ ఎమ్మెల్యే, బీజేపీ నేత అనుపమా జయస్​వాల్ స్పందించారు. రాష్ట్రంలో సుపరిపాలనకు బుల్డోజర్ చిహ్నంలా మారిందని పేర్కొన్నారు. బుల్డోజర్​ను చూసి నేరస్థులే భయపడుతున్నారని అన్నారు. పెళ్లి కొడుకు ఈ విషయంపై మాట్లాడుతూ.. నేను నా వివాహాన్ని ఒక చిరస్మరణీయ సంఘటనగా మార్చాలనుకున్నా, ఈ ఆలోచన కూడా భిన్నంగా ఉంటుందని నేను అనుకున్నానని చెప్పాడు. ఇప్పుడు బుల్డోజర్ వీడియోలు సోషల్ మీడియాలో వైరల్ అవుతున్నాయి.