పెళ్లి సంబంధం మాట్లాడుకోవడానికి వెళ్లి కత్తులతో పొడుచుకుని చంపుకున్నారు!!

పెళ్లి మాటల కోసం వెళ్లిన వారు తీపి కబురుతో వస్తారనుకుంటారు. ఇక్కడ కథ అడ్డం తిరిగింది. అమ్మాయి తండ్రి కత్తిపోటుకు గురై చనిపోయాడు. గురువారం సాయంత్రం జరిగిన ఘటనతో ఆ ప్రీ వెడ్డింగ్ ఈవెంట్.. హింసాత్మకంగా మారింది. రాజస్థాన్ లోని సోనా ప్రాంతంలో రాత్రి 7గంటల సమయంలో ఈ ఘటన జరిగింది.

ఇద్దరు కొడుకులతో పాటు భార్యను తీసుకుని బాధితుడు తన కూతురికి సంబంధం కోసమని పెళ్లికొడుకు ఇంటికి వెళ్లారు. కొడుకుకు తెలిసిన వాళ్లు కావడంతో అటువైపు కుటుంబాన్ని పరిచయం చేశాడు. గుర్‌గావ్‌లో ఆ వ్యక్తి కార్మికుడిగా పనిచేస్తున్నాడు.

‘పెళ్లి మాటలు ముగిసి వివాదం చెలరేగింది. తన కూతుర్ని ఆ కుటుంబానికి ఇచ్చేది లేదంటూ మొండికేసి చెప్పాడు. ఆ తర్వాత ఆర్గ్యూమెంట్ వేడెక్కింది. పెళ్లికొడుకు తండ్రి కత్తితీసుకుని వియ్యంకుడు కావాలసిన వ్యక్తి పొట్టలో పలుమార్లు పొడిచాడు’ అని గుర్‌గావ్ పోలీసు అధికారి పీఆర్ఓ సుభాష్ చెప్పారు.

బాధితుడ్ని దగ్గర్లోని హాస్పిటల్ కు తరలించారు. ఆరుగురిపై ఎఫ్ఐఆర్ నమోదు చేశారు. ఆ ఆరుగురి వల్లనే హింస చెలరేగిందని.. వారందరినీ పోలీసులు అరెస్టు చేశారు.