Rahul Gandhi: “ఈడీ విచారణపై రాహుల్.. ఆ ఐదు రోజులను మెడల్లా భావిస్తా”
కాంగ్రెస్ సీనియర్ లీడర్ రాహుల్ గాంధీ.. ప్రస్తుతం కేరళ పర్యటనలో ఉన్నారు. ఆ రాష్ట్ర సీఎం పినరయి విజయన్పై విమర్శలు గుప్పిస్తూ.. సీపీఎం పార్టీకి బీజేపీతో సంబంధాలున్నాయని.. అందుకే కేంద్ర ప్రభుత్వంపై ఎప్పుడూ ఆరోపణలు లాంటివి చేయలేదని విమర్శించారు.
Rahul Gandhi: కాంగ్రెస్ సీనియర్ లీడర్ రాహుల్ గాంధీ.. ప్రస్తుతం కేరళ పర్యటనలో ఉన్నారు. ఆ రాష్ట్ర సీఎం పినరయి విజయన్పై విమర్శలు గుప్పిస్తూ.. సీపీఎం పార్టీకి బీజేపీతో సంబంధాలున్నాయని.. అందుకే కేంద్ర ప్రభుత్వంపై ఎప్పుడూ ఆరోపణలు లాంటివి చేయలేదని విమర్శించారు. అంతేకాకుండా బీజేపీ, సీపీఎం అవగాహన ఉండటంతో కేరళ సీఎంపై కేంద్రం సీబీఐ, ఈడీని ఉపయోగించదంటూ ఎద్దేవా చేశారు.
ఎన్ఫోర్స్మెంట్ డైరెక్టరేట్తో తనకు రీసెంట్గా జరిగిన ఐదు రోజుల గ్రిల్లింగ్ గురించి మాట్లాడిన వయనాడ్ ఎంపీ.. విచారణను తాను మెడల్లా భావిస్తున్నానని చెప్పారు.
“నన్ను 5 రోజులు విచారించినప్పుడు, 10 రోజులు కాకుండా 5 రోజులే ఎందుకు విచారించారా అని ఆశ్చర్యపోయాను. నా 5 రోజుల విచారణను మెడల్లా భావిస్తాను. వారు మళ్ళీ చేస్తారని ఆశిస్తున్నాను” అని పేర్కొన్నారు.
50 గంటలకు పైగా గ్రిల్లింగ్
మనీలాండరింగ్ నిరోధక చట్టం కింద రాహుల్ను పలు సెషన్లలో విచారించి, స్టేట్మెంట్ను రికార్డ్ చేశారు. ఐదు సిట్టింగ్లతో కాంగ్రెస్ ఎంపీ ఈడీ కార్యాలయంలో మొత్తం 54 గంటల పాటు గడిపారు. నేషనల్ హెరాల్డ్ వార్తాపత్రికను కలిగి ఉన్న కాంగ్రెస్ ప్రమోట్ చేసిన యంగ్ ఇండియన్ ప్రైవేట్ లిమిటెడ్లో ఆర్థిక అవకతవకలు జరిగాయనే ఆరోపణలపై ఈ విచారణ జరిగింది.
యంగ్ ఇండియన్ ప్రైవేట్ లిమిటెడ్ను విలీనం చేయడం, నేషనల్ హెరాల్డ్ కార్యకలాపాలు, వార్తాపత్రిక పబ్లిషర్ అసోసియేటెడ్ జర్నల్స్ లిమిటెడ్ (AJL)కి పార్టీ ఇచ్చిన రుణం, వార్తా మీడియా సంస్థలో నిధుల బదిలీ గురించి ED గాంధీని అడిగినట్లు తెలిసింది. .
యంగ్ ఇండియన్ ప్రమోటర్లు, మెజారిటీ వాటాదారులలో సోనియా గాంధీ, రాహుల్ గాంధీ ఉన్నారు. ఆమె కుమారుడిలాగే, కాంగ్రెస్ అధ్యక్షుడికి కూడా 38 శాతం వాటా ఉంది.
కేరళ పర్యటన
కాల్పేటలోని రాహుల్ కార్యాలయాన్ని అధికార సీపీఐ(ఎం) విద్యార్థి విభాగం ఎస్ఎఫ్ఐ కార్యకర్తలు ధ్వంసం చేసిన వారానికి తన నియోజకవర్గం వయానాడ్కు వచ్చారు. సీఎం పినరయి విజయన్కు తెలిసే వయనాడ్ ఎంపీ కార్యాలయాన్ని ధ్వంసం చేశారని కాంగ్రెస్ ఆరోపించింది.