Imran Khan : శాంతి కోసం ఎప్పటి నుంచో ఎదురుచూస్తున్నాం..కానీ RSS సిద్ధాంతం అడ్డొచ్చింది
భారత్తో శాంతి చర్చలపై అడిగిన ప్రశ్నకు మరోమారు దాటవేసే ప్రయత్నం చేశారు పాకిస్థాన్ ప్రధానమంత్రి ఇమ్రాన్ ఖాన్.
- Published By: 10TV Digital Team ,Published On : July 16, 2021 / 04:03 PM IST
Imran
Imran Khan భారత్తో శాంతి చర్చలపై అడిగిన ప్రశ్నకు మరోమారు దాటవేసే ప్రయత్నం చేశారు పాకిస్థాన్ ప్రధానమంత్రి ఇమ్రాన్ ఖాన్. ఆప్గనిస్తాన్ లో ప్రస్తుత ఘర్షణలకు కారణమైన తాలిబన్ల విషయంపై స్పందించేందుకు నిరాకరించిన పాకిస్తాన్ ప్రధాని ఇమ్రాన్ ఖాన్.. రాష్ట్రీయ స్వయం సేవక్ సంఘ్(RSS)సిద్ధాంతపై విమర్శలు గుప్పించారు. రెండు రోజుల ఉజ్బెకిస్తాన్ పర్యటనలో ఉన్నపాక్ ప్రధాని..శుక్రవారం తాష్కెంట్ లో జరుగుతున్న సెంట్రల్- సౌత్ ఆసియా కాన్ఫరెన్స్ కు హాజరైన సందర్భంగా ఆయనను ఏఎన్ఐ రిపోర్టర్ పలు ప్రశ్నలు అడిగారు.
విలేఖరి ప్రశ్న : ఉగ్రవాదానికి అడ్డుకట్ట వేయకుండా శాంతి చర్చలు సాధ్యమా? భారత్ తరఫున మీకు ఇది సూటి ప్రశ్న
ఇమ్రాన్ ఖాన్: శాంతి స్థాపన కోసం మేము ఎప్పటినుంచో ఎదురుచూస్తున్నామని భారత్కు చెప్పాలనుకుంటున్నాం. కానీ మధ్యలో ఆర్ఎస్ఎస్ సిద్ధాంతం అడ్డు వచ్చింది. ఇక చేసేదేం ఉంది
విలేఖరి : తాలిబన్లను పాకిస్తాన్ కంట్రోల్ చేస్తుందని వస్తున్న ఆరోపణలపై మీరు ఏమంటారు?
అయితే తాలిబన్లపై ప్రశ్నించగానే.. ఎలాంటి సమాధానం ఇవ్వకుండా అక్కడి నుంచి వెళ్లిపోయారు ఇమ్రాన్ ఖాన్. పలుమార్లు సమాధానం చెప్పాలని కోరినప్పటికీ స్పందించలేదు.
