PM Narendra Modi : 2022లో ప్రధాని మోదీ తొలి విదేశీ పర్యటన.. ఏయే దేశాల్లో ఎప్పుడంటే?
PM Narendra Modi : 2022 ఏడాదిలో ప్రధాని నరేంద్ర మోదీ తొలిసారి విదేశీ పర్యటన చేయనున్నారు. వచ్చేవారమే ప్రధాని మోదీ విదేశాల్లో పర్యటించనున్నారు.
- Published By: 10TV Digital Team ,Published On : April 27, 2022 / 01:15 PM IST
In His First Overseas Visit Of 2022, Pm Narendra Modi To Travel To Germany
PM Narendra Modi : 2022 ఏడాదిలో ప్రధాని నరేంద్ర మోదీ తొలిసారి విదేశీ పర్యటన చేయనున్నారు. వచ్చేవారమే ప్రధాని మోదీ విదేశాల్లో పర్యటించనున్నారు. మే 2-4 తేదీల్లో జర్మనీ, డెన్మార్క్, ఫ్రాన్స్‌లలో మోదీ పర్యటించనున్నారు. ఈ మేరకు విదేశీ వ్యవహారాల మంత్రిత్వ శాఖ వెల్లడించింది. బెర్లిన్‌లో జర్మనీ ఫెడరల్ ఛాన్సలర్ ఒలాఫ్ స్కోల్జ్‌తో ప్రధాని మోదీ ద్వైపాక్షిక చర్చలు జరుపనున్నారు. ఇండియా జర్మనీ ఇంటర్-గవర్నమెంటల్ కన్సల్టేషన్స్ (IGC) 6వ ఎడిషన్‌‌లో ప్రధాని మోడీ, జర్మనీ ఫెడరల్ ఛాన్సలర్ ఒలాఫ్ స్కోల్జ్‌ పాల్గొననున్నారు.
డెన్మార్క్ ప్రధాని మెట్టె ఫ్రెడరిక్సన్ ఆహ్వానం మేరకు కోపెన్‌హాగన్‌కు ప్రధాని మోదీ వెళ్లనున్నారు. అలాగే డెన్మార్క్ ఆతిథ్యమిస్తున్న 2వ ఇండియా-నార్డిక్ సమ్మిట్‌లోనూ మోదీ పాల్గొననున్నారు. మే 4 సాయంత్రం ప్రధాని మోదీ తిరుగు ప్రయాణం కానున్నారు. మార్గం మధ్యలో కొద్దిసేపు పారిస్‌లో మోదీ ఆగనున్నారు. అక్కడి ఫ్రెంచ్ అధ్యక్షుడు ఇమ్మాన్యుయేల్ మాక్రాన్‌ను ప్రధాని మోదీ కలవనున్నారు.
In His First Overseas Visit Of 2022, Pm Narendra Modi To Travel To Germany
గత ఆదివారం జరిగిన అధ్యక్ష ఎన్నికల్లో ఇమ్మాన్యుయేల్ భారీ విజయాన్ని సాధించారు. ఈ సందర్భంగా ప్రధాని మోదీ మాక్రాన్‌ను అభినందించనున్నారు. అంతేకాకుండా భారత్ ఫ్రాన్స్ దేశాల మధ్య వ్యూహాత్మక సంబంధాలను బలోపేతం చేసే దిశగా చర్చలు జరుపనున్నారు. ఉగ్రవాదాన్ని రూపుమాపడంలో రక్షణపరంగా భారత్ కు ఫ్రాన్స్ చాలా ప్రాధానమైనది కూడా. ఫ్రాన్స్‌కు మోదీ వెళ్లనున్నడం ఇది రెండోసారి కానుంది. జీ7 సదస్సు 2019 సందర్భంగా ఆగస్టులో మొదటిసారి మోదీ ప్రధాని హోదాలో వెళ్లారు.
Read Also : PM Modi : మోడీజీ మౌనం వీడండీ..ద్వేష రాజకీయాలకు ముగింపు పలకండీ : ప్రధానికి 100కిపైగా మాజీ బ్యూరోక్రాట్ల లేఖ
