అమెరికా, రష్యా, చైనా తర్వాత మనమే: హైపర్​సోనిక్​ మిసైల్ ప్రయోగం విజయవంతం

  • Published By: venkaiahnaidu ,Published On : September 7, 2020 / 03:43 PM IST
అమెరికా, రష్యా, చైనా తర్వాత మనమే: హైపర్​సోనిక్​ మిసైల్ ప్రయోగం విజయవంతం

India joins US, Russia, China hypersonic Missile club: రక్షణ పరిశోధన, అభివృద్ధి సంస్థ (DRDO) మరో అరుదైన ఘనతను సొంతం చేసుకుంది. హైపర్ సోనిక్ టెక్నాలజీ డెమోన్ స్త్రేషన్ వెహికిల్ ‌ని విజయవంతంగా పరీక్షించింది.  దేశీయంగా అభివృద్ధి చేసిన ‘హైపర్​సోనిక్​ సాంకేతిక క్షిపణి వాహక నౌక’ (HSTDV)ను సోమవారం ఒడిశా వీలర్ ఐలాండ్​లోని డాక్టర్​ ఏపీజే అబ్దుల్​ కలాం లాంచ్ కాంప్లెక్స్​ నుంచి ప్రయోగించారు.



ఈ ప్రయోగం విజయవంతం అవడం వల్ల దేశం సాంకేతిక రంగంలో కీలక ముందడుగు వేసినట్లైందని రక్షణ మంత్రి రాజ్​నాథ్​ సింగ్​ తెలిపారు. ఇందుకు కృషిచేసిన శాస్త్రవేత్తలకు అభినందనలు తెలిపారు. స్వ‌దేశీ ప‌రిజ్ఞానంతో త‌యారైన స్క్రామ్‌జెట్ ప్రొప‌ల్ష‌న్ సిస్ట‌మ్‌తో హైప‌ర్‌సోనిక్ వెహికిల్‌ను డీఆర్‌డీవో ప‌రీక్షించిన‌ట్లు  రాజ్‌నాథ్ సింగ్ త‌న ట్విట్ట‌ర్‌లో పేర్కొన్నారు.  గొప్ప విజయాన్ని సాధించిన డీఆర్​డీఓకు శుభాకాంక్షలు. ప్రధాని మోడీ కల- ఆత్మనిర్భర్‌ భారత్‌ వాస్తవ రూపం దాల్చడానికి ఇది కీలక పరిణామం. డీఆర్‌డీఓ శాస్త్రవేత్తలను చూసి దేశం గర్విస్తోంది అని రాజ్ నాథ్ ట్వీట్ చేశారు
https://10tv.in/chinas-cnbg-sinovac-find-more-countries-to-test-coronavirus-vaccines/
భవిష్యత్తులో సుదూర లక్ష్యాలను ఛేదించే క్షిపణి వ్యవస్థలకు ఇది ఆసరాగా నిలిచి, వైమానిక అవసరాలను తీర్చగలదని శాస్త్రవేత్తలు తెలిపారు. ఈ ప్రయోగం విజయవంతం అవడం వల్ల అత్యంత సంక్లిష్టమైన సాంకేతికత భారత్​ సొంతమైందని డీఆర్​డీఓ అధికారి ఒకరు చెప్పారు. దేశీయ రక్షణ పరిశ్రమల భాగస్వామ్యంతో కొత్త తరం హైపర్​సోనిక్​ వాహక నౌకల నిర్మాణానికి ఇది అవకాశం కల్పిస్తుందని పేర్కొన్నారు.



ఇప్పటికే హైపర్‌సోనిక్‌ టెక్నాలజీ ఆయుధాలు సమకూర్చుకోవడంలో అమెరికాతోపాటు రష్యా, చైనా దేశాలు ముందున్నాయి. తరువాత ఫ్రాన్స్‌, భారత్‌, ఆస్ట్రేలియా కూడా ఈ తరహా టెక్నాలజీ పరీక్షల్లో నిమగ్నమయ్యాయి. తాజాగా స్వదేశీ పరిజ్ఞానంతో డీఆర్‌డీఓ అభివృద్ధి చేసిన ఈ హైపర్‌సోనిక్‌ టెక్నాలజీతో భారత్‌ ఆ మూడు దేశాల సరసన చేరింది.