భారత్-బంగ్లా మ్యాచ్ కి మోడీ,హసీనా
- Published By: venkaiahnaidu ,Published On : October 17, 2019 / 04:47 AM IST
కోల్ కతాలోని చారిత్రాత్మక ఈడెన్ గార్డోన్స్ వేదికగా జరగనున్న భారత్-బంగ్లాదేశ్ మ్యాచ్ చూసేందుకు భారత ప్రధాని మోడీ,బంగ్లాదేశ్ ప్రధాని షేక్ హసీనా రానున్నట్లు సమాచారం. ఈ మేరకు ఇప్పటికే ఇద్దరు నేతలకు క్రికెట్ అసోసియేషన్ ఆప్ బెంగాల్ నుంచి ఆహ్వానం అందినట్లు తెలుస్తోంది.
ఈ ఇద్దరు ప్రధానులు కలిసి భారత్-బంగ్లాదేశ్ మధ్య జరిగే టెస్ట్ మ్యాచ్ చూడనున్నారు. త్వరలో దీనికి సంబంధించి అధికారికి ప్రకటన వెలువడనుంది. నవంబర్-22నుంచి నవంబర్-6వరకు ఈ డెన్ గార్డెన్స్ లో టెస్ట్ మ్యాచ్ జరగనుంది. బెంగాల్ క్రికెట్ అసోసియేషన్ ప్రెసిడెంగ్ గా ఉన్న టీమిండియా మాజీ కెప్టెన్ సౌరవ్ గంగూలి త్వరలో బీసీసీఐ అధ్యక్ష బాధ్యతలు చేపట్టబోతున్న విషయం తెలిసిందే.
