RSS Offices: లక్నోలో ఆర్ఎస్ఎస్ ఆఫీసులు పేల్చేస్తానని బెదిరించిన వ్యక్తి అరెస్ట్

పుదుక్కొట్టాయ్ జిల్లాకు చెందిన వ్యక్తిని తమిళనాడు పోలీసులు అరెస్ట్ చేశారు. వాట్సప్ లో రాష్ట్రీయ స్వయంసేవక్ సంఘ్ కార్యాలయాలను పేల్చేస్తానంటూ బెదిరింపు మెసేజ్ చేయడంతో అదుపులోకి తీసుకున్నారు.

RSS Offices: పుదుక్కొట్టాయ్ జిల్లాకు చెందిన వ్యక్తిని తమిళనాడు పోలీసులు అరెస్ట్ చేశారు. వాట్సప్ లో రాష్ట్రీయ స్వయంసేవక్ సంఘ్ కార్యాలయాలను పేల్చేస్తానంటూ బెదిరింపు మెసేజ్ చేయడంతో అదుపులోకి తీసుకున్నారు.

ఉత్తరప్రదేశ్ పోలీసుల నుంచి సమాచారం అందుకున్న తమిళనాడు పోలీసులు నిందితుడ్ని రాజ్ మొహమ్మద్ గా గుర్తించారు. అరెస్ట్ అయిన వ్యక్తి ఉత్తరప్రదేశ్‌లోని లక్నో, ఉన్నావో ఇతర పట్టణాల్లోని ఆర్‌ఎస్‌ఎస్ కార్యాలయాలను పేల్చివేస్తానని బెదిరించాడు.

సైబర్ సెల్ సహాయంతో వాట్సాప్ ద్వారా సందేశం పంపిన నంబర్‌ను గుర్తించినట్లు లక్నో పోలీసులు తెలిపారు. పోలీసులు తమిళనాడు కౌంటర్‌కు సమాచారం అందించి, త్వరితగతిన చర్యలు తీసుకోవాలని అభ్యర్థించారు.

బెదిరింపుకు సంబంధించి రాష్ట్ర రాజధానిలోని మడియాన్ పోలీస్ స్టేషన్‌లో ఎఫ్‌ఐఆర్ నమోదు చేశారు. లక్నో & ఉన్నావ్‌లోని ఆర్‌ఎస్‌ఎస్ కార్యాలయాలకు వాట్సాప్ ద్వారా బాంబు బెదిరింపు వచ్చిందని సంబంధిత సెక్షన్లలో కేసు నమోదు చేసినట్లు లక్నో పోలీస్ నార్త్ డీసీపీ ఎస్ చన్నప్ప తెలిపారు.

Read Also : సీఎం ఇంటికి బాంబు బెదిరింపు