Viral video: దళితుడి నోట్లో ఆహారం తీసుకుని తిన్న కర్ణాటక ఎమ్మెల్యే.. కంగుతిన్న స్థానిక ప్రజలు

Viral video: కర్ణాటక కాంగ్రెస్ ఎమ్మెల్యే అజమీర్ అహ్మద్ ఖాన్ ఇప్పుడు సోషల్ మీడియాలో హాట్ టాపిక్ గా మారారు. ఓ దళిత స్వామీజీ విషయంలో విచిత్రంగా ప్రవర్తించారు. ఆ దళితుడు నోట్లో పెట్టుకున్న ఆహారాన్ని తీసుకుని తిన్నాడు. కర్ణాటకలోని చామరాజపేట ఎమ్మెల్యే జమీర్ అహ్మద్ ఖాన్ దళితుడైన స్వామి నారాయణ వేదికపై భోజనం తినిపించారు. అలాగే నోటిలో పెట్టుకుని కాస్త నమిలిన ఆహారాన్ని స్వామీజీ నోటి నుంచి తీసి ఎమ్మెల్యే తిన్నారు. డాక్టర్ బీఆర్ అంబేద్కర్ జయంతి, ఈద్ మిలాద్ సందర్భంగా పాదరాయణపూర్‌లోని అల్ అజర్ ఫౌండేషన్ స్కూల్‌లో ఓ కార్యక్రమం జరిగింది. ఈ వేదికపై ఎమ్మెల్యే విచిత్రంగా ప్రవర్తించడంతో అక్కడికి వచ్చిన ప్రజలు ఒక్కసారిగా కంగుతిన్నారు.

#WATCH Bengaluru, Karnataka: In an attempt to set an example seemingly against caste discrimination, Congress Chamarajapete MLA BZ Zameer A Khan feeds Dalit community's Swami Narayana & then eats the same chewed food by making Narayana take it out from his mouth to feed him(22.5) pic.twitter.com/7XG0ZuyCRS

— ANI (@ANI) May 22, 2022

ఈ సందర్భంగా జరిగిన కార్యక్రమంలో ఎమ్మెల్యే మాట్లాడారు.. కులం, మతం కాదని, మానవత్వం మాత్రమే మిగిలి ఉందని అన్నారు. ‘మనమంతా ఒకే జాతి. మనిషిగా జీవించడమే నిజమైన మతం అని తెలిపారు. మానవ సంబంధాలకు కులం, మతం ఎప్పుడూ అడ్డుకాకూడదని, మనమందరం ప్రశాంతంగా జీవించాలని ఈ సందర్భంగా ఎమ్మెల్యే అహ్మద్ జమీర్ ఖాన్ సూచించాడు. తమ మధ్య కుల వివక్ష లేదని, తమ మధ్య బంధుత్వం ఎంతమాత్రం లేదని చాటుకునేందుకే ఇలా చేశానని బల్లగుద్ది మరీ చెప్పాడు.

Karnataka Uncertainty: ముస్లిం విద్యార్థులను మతపరమైన పాఠశాలలో చేర్పించాలంటూ దుబాయ్ నుంచి తల్లిదండ్రులకు కాల్స్

గత నెలలో జరిగిన హుబ్లీ అల్లర్లలో నిందితుల కుటుంబాలకు విరాళం, నిత్యావసర వస్తువులు అందించారని ఇటీవల ఎమ్మెల్యే జమీర్‌పై ఆరోపణలు వచ్చిన సంగతి తెలిసిందే. జమీన్ ఖాన్ అల్లర్లను “ప్రోత్సహిస్తున్నారని” బిజెపి ఆరోపించింది, అయితే సంఘటన జరిగినప్పుడు తాను మక్కాకు తీర్థయాత్రకు వెళ్లానని, తనపై వచ్చిన ఆరోపణలన్నింటిని ఆయన కొట్టిపారేశాడు. తాజాగా జమీర్ ఖాన్ మేమందరం ఒకటేనంటూ చాటిచెప్పేందుకు ఇలా ప్రవర్తించినట్లు తెలుస్తోంది. తాజాగా ఈ వీడియో సోషల్ మీడియాలో వైరల్ గామారింది.