Debit Card Rules: జులై 1నుంచి మారనున్న డెబిట్ కార్డు వివరాలు

Debit Card Rules: క్రెడిట్, డెబిట్ కార్డు హోల్డర్లకు గుడ్ న్యూస్. 2022 జులై 1 నుంచి ఆన్‌లైన్ వ్యాపారులు కార్డ్ డేటాను స్టోర్ చేసే వీల్లేకుండా చేసింది. కస్టమర్లను సేఫ్టీ దృష్టిలో ఉంచుకుని రిజర్వ్ బ్యాంక్ ఆఫ్ ఇండియా గతేడాదే డెబిట్ కార్డ్, క్రెడిట్ కార్డ్ టోకనైజేషన్ రూల్స్ ఇష్యూ చేసింది.

దేశీయ ఆన్‌లైన్ కొనుగోళ్ల కోసం ఆర్‌బీఐ కార్డ్-ఆన్-ఫైల్ టోకెన్‌లను స్వీకరించడం తప్పనిసరి చేసింది. దేశవ్యాప్తంగా కార్డ్ టోకెన్‌లను స్వీకరించడానికి గడువు జనవరి 1, 2022 నుంచి జూలై 1, 2022 వరకు ఆరు నెలల పాటు పొడిగించారు. కస్టమర్‌లు సురక్షితమైన లావాదేవీలు చేయడంలో సహాయపడేందుకు ఇది ఎన్‌క్రిప్టెడ్ “టోకెన్”గా నిల్వ చేయనున్నారు.

ఈ టోకెన్లు కస్టమర్ వివరాలను బహిర్గతం చేయకుండా చెల్లింపు చేయడానికి మాత్రమే అనుమతిస్తాయి. ఆర్‌బీఐ గైడ్‌లైన్స్ ఒరిజినల్ కార్డ్ డేటాను ఎన్‌క్రిప్టెడ్ డిజిటల్ టోకెన్‌తో భర్తీ చేయడం తప్పనిసరి చేసింది.

Read Also : ఆర్బీఐ కొత్త రూల్స్.. ఇండియాలో ఆపిల్ పేమెంట్లకు బ్రేక్..!

ఈ కారణంతోనే జూలై 1, 2022 నుంచి వ్యాపారులు తమ రికార్డుల నుండి కస్టమర్‌ల డెబిట్, క్రెడిట్ కార్డ్‌ల డేటాను తొలగించాల్సి ఉంటుంది.

కార్డ్ టోకనైజేషన్ సిస్టమ్ తప్పనిసరి కాదు. అందువల్ల కస్టమర్ తన కార్డు టోకనైజేషన్ కోసం అప్రూవల్ ఇవ్వనట్లయితే, కస్టమర్ ఆన్‌లైన్ చేస్తున్నప్పుడు ప్రతిసారీ కార్డ్ ధ్రువీకరణ లేదా CVVని నమోదు చేయడానికి బదులుగా పేరు, కార్డ్ నంబర్, కార్డ్ చెల్లుబాటు వంటి అన్ని కార్డ్ వివరాలను నమోదు చేయాలి.

కస్టమర్ కార్డ్ టోకనైజేషన్ పట్ల అంగీకరించినట్లయితే, లావాదేవీ చేస్తున్నప్పుడు CVV లేదా OTP వివరాలను మాత్రమే నమోదు చేయాలి.

టోకనైజేషన్ సిస్టమ్ పూర్తిగా ఉచితం, ఒకరి కార్డ్ డేటాను సురక్షితంగా ఉంచేటప్పుడు సున్నితమైన చెల్లింపు అనుభవాన్ని అందిస్తుంది.