Open Bore well : మృత్యుంజయురాలు.. బోరుబావిలో పడి ప్రాణాలతో బయటకు వచ్చింది.
ప్రమాదవశాత్తు బోరుబావిలో పడిన చిన్నారిని ప్రాణాలతో బయటకు తీశారు అధికారులు. ఈ ఘటన మధ్యప్రదేశ్లో చోటుచేసుకుంది
Open Bore well : బోరుబావిలో పడితే ప్రాణాలతో తిరిగిరావడం పునర్జన్మ అనే చెప్పొచ్చు. దేశంలో చాలామంది చిన్నారులు బోరుబావుల్లో పడి ప్రాణాలు విడిచిన సంఘటనలు చాలానే ఉన్నాయి. అయితే గురువారం ఏడాదిన్నర చిన్నారి బోరుబావిలో పడి ప్రాణాలతో బయటపడింది. ఈ ఘటన మధ్యప్రదేశ్లోని ఛత్తర్పుర్ జిల్లా దౌనీ గ్రామంలో జరిగింది. గురువారం మధ్యాహ్నం పొలంలో ఆడుకుంటున్న దివ్యాన్షి అనే చిన్నారి ప్రమాదవశాత్తు బోరుబావిలో పడింది.
చదవండి : Madhya Pradesh : వ్యాక్సినేషన్ లక్ష్యాన్ని చేరుకోవాలి..లేకపోతే..ఉరి తీస్తా
పాప కనిపించకపోవడంతో తల్లి ఆ పరిసరాలు మొత్తం గాలించింది. బోరుబావిలోంచి ఏడుపు వినిపించడంతో బయటకు తీసేందుకు ప్రయత్నించింది. ఫలితం లేకపోవడంతో గ్రామస్తులకు సమాచారం అందించింది. వెంటనే వారు పోలీసులకు విషయం చేరవేయడంలో పోలీసులు, రెవెన్యూ సిబ్బంది ఘటనా స్థలానికి చేరుకుని సహాయక చర్యలు ప్రారంభించారు. గురువారం సాయంత్రం 4 గంటలకు ప్రారంభమైన రెస్క్యూ ఆపరేషన్.. శుక్రవారం తెల్లవారుజామున 2గంటల వరకు కొనసాగింది.
చదవండి : Madhya Pradesh : స్కూల్ బస్సు మిస్.. చెట్టుకు ఉరేసుకుని విద్యార్థి ఆత్మహత్య!
అధికారులు చిన్నారిని సురక్షితంగా బయటకు తీసుకొచ్చారు. అనంతరం ఆమెను ఆసుపత్రికి తరలించారు. ప్రస్తుతం బాలిక ఆరోగ్యపరిస్థితి నిలకడగా ఉన్నట్లు అధికారులు తెలిపారు.
#WATCH | One-year-old girl was rescued following an operation after she fell into nearly 15 feet deep borewell in Chhatarpur, Madhya Pradesh yesterday
Army personnel have also extended their hands to local police and district administration in the rescue operation pic.twitter.com/AiIhsL4b7D
— ANI (@ANI) December 16, 2021