NITI Aayog’s MPI : దేశంలో పేద రాష్ట్రాలు ఇవే..బీహార్ లో సగానికి పైగా జనాభా పేదరికంలోనే
బీహార్, జార్ఖండ్ మరియు ఉత్తరప్రదేశ్ భారతదేశంలోని పేద రాష్ట్రాలుగా అవతరించాయి. గురువారం నీతి ఆయోగ్ విడుదల చేసన బహుముఖ పేదరిక సూచీ(MPI)పేరుతో గురువారం నీతి ఆయోగ్ విడుదల చేసిన
- Published By: 10TV Digital Team ,Published On : November 26, 2021 / 07:38 PM IST
Poverty
NITI Aayog’s MPI : బీహార్, జార్ఖండ్ మరియు ఉత్తరప్రదేశ్ భారతదేశంలోని పేద రాష్ట్రాలుగా అవతరించాయి. గురువారం నీతి ఆయోగ్ విడుదల చేసన బహుముఖ పేదరిక సూచీ(MPI)పేరుతో గురువారం నీతి ఆయోగ్ విడుదల చేసిన రిపోర్ట్ ప్రకారం…దేశంలో అత్యంత పేద రాష్ట్రంగా బిహార్ నిలవగా ఆ తర్వాత జార్ఘండ్, ఉత్తర్ప్రదేశ్ రెండు, మూడు స్థానాల్లో ఉన్నాయి.
2015-16లో చేపట్టిన జాతీయ కుటుంబ ఆరోగ్య సర్వే ఆధారంగా తొలిసారి రాష్ట్రాల వారీగా పేదరిక సూచీని విడుదల చేసింది నీతి ఆయోగ్. ప్రపంచవ్యాప్తంగా అనుసరించే ఆక్స్ఫర్డ్ పావర్టీ, హ్యూమన్ డెవలప్మెంట్ ఇనీషియేటివ్(OPHI), ద యునైటెడ్ నేషన్స్ డెవలప్మెంట్ ప్రోగ్రామ్(UNDP) పద్ధతులను ఉపయోగించి భారత జాతీయ MPI(Multidimensional Poverty Index)ని రూపొందించినట్లు నీతి ఆయోగ్ తెలిపింది. ముఖ్యంగా ప్రజల ఆరోగ్యం, విద్య, జీవన విధానం వంటి మూడు కీలక అంశాలను పరిగణలోకి తీసుకున్నట్లు తెలిపింది. అందులో పోషకాహారం, పిల్లలు, పెద్దవారి మరణాలు, పాఠశాల హాజరు, వంట గ్యాస్, పారిశుద్ధ్యం, తాగునీరు, విద్యుత్తు, పక్కా ఇళ్లు, బ్యాంకు ఖాతాలు వంటి 12 అంశాలను పరిగణనలోకి తీసుకున్నారు.
నీతి ఆయోగ్ రిపోర్ట్ ప్రకారం..బిహార్లో 51.91 శాతం(సగానికి పైగా జనాభా), జార్ఖండ్లో 42.16శాతం, ఉత్తర్ప్రదేశ్లో 37.79 శాతం, మధ్యప్రదేశ్లో 36.65, మేఘాలయలో 32.67శాతం మంది పేదరికంలోకి జారుకున్నారు. 13.74 శాతం మంది పేదవారితో సూచీలో 18వ స్థానంలో తెలంగాణ నిలవగా… 12.31 శాతం మందితో సూచీలో 20వ స్థానంలో ఆంధ్రప్రదేశ్ నిలిచింది. గోవాలో 3.76శాతం, సిక్కింలో 3.82శాతం, తమిళనాడులో 4.89శాతం, పంజాబ్ లో 5.59శాతం మంది పేదరికంలోకి జారుకున్నారు. ఈ రిపోర్ట్ లో చివరిస్థానంలో కేరళ నిలిచింది. పేదవారు అత్యంత తక్కువగా ఉన్న రాష్ట్రంగా కేరళ(0.71 శాతం) సూచీలో చివరిస్థానంలో నిలిచింది.
ఇక,కేంద్రపాలిత ప్రాంతాల విషయానికొస్తే…దాద్రనగర్ హవేలీ అత్యధికంగా 27.36 శాతంతో పేదరికంలో మొదటి ప్లేస్ లో నిలిచింది. ఆ తర్వాత జమ్ముకశ్మీర్, లద్దాఖ్లో 12.58 శాతం, దామన్ దియూలో 6.82 శాతం, ఛండీగఢ్లో 5,97శాతం, ఢిల్లీలో 4.79శాతం, అండమాన్ నికోబార్ లో 4.30శాతం, లక్షద్వీప్లో 1.82శాతం, పుదుచ్చేరిలో 1.72శాతం మంది పేదరికంలో ఉన్నట్లు నీతి ఆయోగ్ రిపోర్ట్ పేర్కొంది.
ALSO READ International Flights : డిసెంబర్-15 నుంచే అంతర్జాతీయ విమాన సర్వీసుల పునఃప్రారంభం
