Parliament : లోక్‌సభ పోడియంలో TRS నిరసన.. రాజ్యసభలో ఏపీ వర్షాలపై చర్చ Live Updates

పార్లమెంట్ శీతాకాల సమావేశాలు- డే 02

10TV Telugu News

Parliament winter session Day-02 Live Updates

వర్షాకాల సమావేశాల చివరి రోజున అనుచితంగా వ్యవహరించిన 12మంది రాజ్యసభ సభ్యులపై సస్పెన్షన్ వేటు సహా రైతులు, విద్యుత్ బిల్లులు, పలు హాట్ హాట్ ఇష్యూలపై పార్లమెంట్ లో రచ్చ జరుగుతోంది. లోక్ సభ నుంచి విపక్షాలు కాంగ్రెస్, డీఎంకే, నేషనల్ కాన్ఫరెన్స్ వాకౌట్ చేశాయి. రాజ్యసభలో నిరసన తెలిపిన ప్రతిపక్ష పార్టీలపై చైర్మన్ వెంకయ్య ఫైరయ్యారు. తప్పు చేసి దిద్దుకోకుండా తమకే పాఠాలు చెబుతారా అని క్లాస్ తీసుకున్నారు. గందరగోళం మధ్యే రాజ్యసభ ప్రొసీడింగ్స్ కొనసాగించే ప్రయత్నం చేశారు రాజ్యసభ చైర్మన్. ఐతే.. విపక్షాలు పట్టు వీడలేదు. వరుస వాయిదాలతో పార్లమెంట్ రెండోరోజు కూడా కార్యకలాపాలు స్తంభించిపోయిన పరిస్థితి.

  • దేశంలో ఒమిక్రాన్ కేసులు లేవు- రాజ్యసభలో కేంద్రం ప్రకటన

    ఒమిక్రాన్ వేరియంట్ పై కేంద్ర ఆరోగ్య శాఖ మంత్రి రాజ్యసభలో వివరణ ఇచ్చారు. దేశంలో ఇప్పటివరకు ఒమిక్రాన్ కేసులు బయటపడలేదన్నారు.

  • లోక్ సభలో పోడియం దగ్గర టీఆర్ఎస్ నిరసన

    లోక్ సభ మ.2 గంటలకు వాయిదాపడింది. టీఆర్ఎస్ ఎంపీలు నిరసన డోసు పెంచారు. వరి ధాన్యం కొనుగోళ్లపై స్పష్టత ఇవ్వాలని ఫ్లకార్డులు ప్రదర్శించారు. స్పీకర్ పోడియం దగ్గరికి వెళ్లి నినాదాలు చేశారు గులాబీ ఎంపీలు. విపక్షాల ఆందోళన తోడవడంతో.. స్పీకర్ లోక్ సభను మ.2గంటలకు వాయిదా వేశారు.

  • రాజ్యసభలో ఏపీ అకాల వర్షాలపై చర్చ

    రాజ్య సభ జీరో అవర్ లో అకాల వర్షాలపై చర్చ జరుగుతోంది. ఏపీలో అకాల వర్షాల పరిస్థితులను రాజ్యసభ ద్వారా కేంద్రం దృష్టికి తెచ్చారు ఎంపీలు విజయసాయిరెడ్డి, సీఎం రమేష్.

  • నాకు పాఠాలు చెప్పొద్దు- వెంకయ్య

    విపక్ష ఎంపీల సస్పెన్షన్ నిర్ణయంపై రాజ్యసభ చైర్మన్ వెంకయ్యనాయుడు వెనక్కి తగ్గలేదు. రాజ్యసభ ప్రతిపక్ష నేత విజ్ఞప్తిని పరిగణలోకి తీసుకోవడం లేదని తెలిపారు వెంకయ్యనాయుడు. వర్షాకాల సమావేశాల్లో సభను అగౌరవపరిచే విధంగా వ్యవహరించినందుకే సభ్యులపై చర్యలు తీసుకున్నామని చెప్పారు. అనుచితంగా వ్యవహరించిన సభ్యులు తాము చేసిన పనికి తప్పని ఒప్పుకోకుండా దానిని సమర్ధించుకుంటున్నారని ఫైరయ్యారు వెంకయ్య. మీరు తప్పు చేసి ..నాకు పాఠాలు చెప్పొద్దని వెంకయ్య అన్నారు.

  • లోక్ సభ మ.2 గంటలకు వాయిదా

    లోక్ సభ మద్యాహ్నం 2 గంటలకు వాయిదా పడింది. సభ మొదలు కాగానే.. పలు అంశాలపై విపక్షాలు నినాదాలు చేశాయి. నిరసన తెలిపాయి. సభ నుంచి  కాంగ్రెస్, డీఎంకే, నేషనల్ కాన్ఫరెన్స్ వాకౌట్ చేశాయి.

  • ఖర్గే ఆధ్వర్యంలో విపక్షాల మీటింగ్

    పార్లమెంట్ లో 14 విపక్ష పార్టీల రాజ్యసభా పక్ష నేతల సమావేశం జరుగుతోంది. రాజ్యసభ లో ప్రతిపక్ష నేత మల్లిఖార్జున ఖర్గే నేతృత్వంలో ఈ మీటింగ్ ప్లాన్ చేశారు. విపక్షాలతో ఖర్గే నిర్వహించిన సమావేశంలో టిఆర్ఎస్ ఎంపీ కేకే కూడా పాల్గొన్నారు. పార్లమెంట్ లో అనుసరించాల్సిన వ్యూహం,భవిష్యత్ కార్యాచరణపై చర్చిస్తున్నారు విపక్ష నేతలు. గత సెషన్ లో రాజ్యసభలో జరిగిన పరిణామాలకు క్షమాపణ చెప్పే ప్రశ్నే లేదని ఎంపీలు తీర్మానించినట్టు తెలుస్తోంది. సభ నిబంధనలకు విరుద్ధంగా ఎంపీలను సస్పెండ్ చేశారని… 12 మంది ఎంపీల సస్పెన్షన్‌ రాజ్యసభలో విపక్షాల గొంతు నొక్కడమేనని మల్లికార్జున ఖర్గే చెప్పారు.

  • విపక్షాల సమావేశానికి టీఆర్ఎస్ హాజరు

    కాంగ్రెస్ నిర్వహించిన విపక్ష పార్టీల సమావేశంలో  టీఆర్ఎస్ పాల్గొంది. టీఆర్ఎస్ తరఫున కేకే, నామా నాగేశ్వరరావు పాల్గొన్నారు. రాహుల్ గాంధీ పక్కనే కేకే కూర్చున్నారు.

  • కీలక కేంద్రమంత్రులతో ప్రధాని భేటీ

    ఢిల్లీ : పార్లమెంట్లో కీలకమైన కేంద్రమంత్రులతో ప్రధాని మోడీ భేటీ అయ్యారు. పార్లమెంట్ సమావేశాల్లో అనుసరించాల్సిన వ్యూహంపై చర్చించారు. ప్రధానితో సమావేశం లో పాల్గొన్నవారిలో రక్షణ మంత్రి రాజ్‌నాథ్ సింగ్, కేంద్ర హోంశాఖ మంత్రి అమిత్ షా, వ్యవసాయ శాఖ మంత్రి నరేంద్ర సింగ్ తోమర్‌, మరికొందరు కేంద్రమంత్రులు ఉన్నారు.

×