PNB: అకౌంట్‌లో మినిమమ్ బ్యాలెన్స్ ఉంచలేదని రూ.170కోట్లు వసూలు

పంజాబ్ నేషనల్ బ్యాంక్(PNB) ఖాతాలలో మినిమమ్ బ్యాలెన్స్ ఉంచని కస్టమర్‌లకు ఛార్జ్ వేయడం ద్వారా 2020-21లో సుమారు రూ.170 కోట్లు సంపాదించింది.

Punjab National Bank: పంజాబ్ నేషనల్ బ్యాంక్(PNB) ఖాతాలలో మినిమమ్ బ్యాలెన్స్ ఉంచని కస్టమర్‌లకు ఛార్జ్ వేయడం ద్వారా 2020-21లో సుమారు రూ.170 కోట్లు సంపాదించింది. ఈ సమాచారం RTI ద్వారా బయటకు వచ్చింది. మినిమం బ్యాలెన్స్ ఉంచని కస్టమర్లకు ఛార్జీలు వేయడం ద్వారా బ్యాంక్ అంతకుముందు సంపాదించిన మొత్తం 2019-20లో రూ.286.24కోట్లుగా ఉంది. ఆర్థిక సంవత్సరంలో బ్యాంకులు త్రైమాసిక ప్రాతిపదికన ఛార్జీలను విధిస్తూ ఉంటాయి.

2020-21 ఏప్రిల్-జూన్ కాలంలో త్రైమాసిక సగటు బ్యాలెన్స్(QAB) రూ. 35.46 కోట్లు (పొదుపు మరియు కరెంట్ ఖాతాలపై); FY 2021 రెండవ త్రైమాసికంలో ఎటువంటి రుసుము విధించబడలేదు. మూడవ మరియు నాల్గవ త్రైమాసికాల్లో QAB నాన్-మెయింటెనెన్స్ ఛార్జీలు వరుసగా రూ.48.11 కోట్లు మరియు రూ. 86.11 కోట్లుగా ఉన్నాయని మధ్యప్రదేశ్‌కు చెందిన సామాజిక కార్యకర్త చంద్రశేఖర్ గౌర్ కోరిన RTIకి సమాధానంగా PNB తెలిపింది.

సంవత్సరంలో ATM లావాదేవీల ఛార్జీలుగా బ్యాంక్ రూ.74.28 కోట్లు సంపాదించింది. గతంలో 2019-20లో ఇది రూ .114.08 కోట్లుగా ఉంది. 2020-21 మొదటి త్రైమాసికంలో ఐటిఎ లావాదేవీ ఛార్జీలను మినహాయించినట్లు బ్యాంక్ తెలిపింది. ఆపరేటివ్ మరియు నిద్రాణమైన ఖాతాల సంఖ్యపై అడిగిన ప్రశ్నకు ప్రతిస్పందిస్తూ, జూన్ 30, 2021 నాటికి 4,27,59,597 ఖాతాలు ఎటువంటి లావాదేవీలు లేకుండా ఉన్నాయని, మొత్తం 13,37,48,857 ఖాతాలు పనిచేస్తున్నట్లు బ్యాంక్ తెలిపింది.

పంజాబ్ నేషనల్ బ్యాంకు (Punjab National Bank – PNB)ను 1895లో లాహోర్‌లో లాలా లజపతి రాయ్ స్థాపించారు. ప్రస్తుతం దేశవ్యాప్తంగా 4500 పైగా బ్రాంచ్‌లతో రెండో అతిపెద్ద ప్రభుత్వరంగ వాణిజ్య బ్యాంకుగా పంజాబ్ నేషనల్ బ్యాంకు ఉంది. భారతీయులు భారతదేశంలో స్థాపించిన బ్యాంకులలో ఇదే మొదటిది.