CDS Rawat Pre-Recorded Video : రావత్ చివరి సందేశం వీడియో రిలీజ్
1971లో పాకిస్థాన్‌పై జరిగిన యుద్ధంలో భారత విజయానికి గుర్తుగా,భారత్-బంగ్లాదేశ్ 50 ఏళ్ల స్నేహానికి గుర్తుగా 'స్వర్ణిమ్ విజయ్ పర్వ్' వేడుకలను ఢిల్లీలోని ఇండియా గేట్ వద్ద
- Published By: 10TV Digital Team ,Published On : December 12, 2021 / 01:19 PM IST
Rawat
CDS Rawat Pre-Recorded Video : 1971లో పాకిస్థాన్‌పై జరిగిన యుద్ధంలో భారత విజయానికి గుర్తుగా,భారత్-బంగ్లాదేశ్ 50 ఏళ్ల స్నేహానికి గుర్తుగా ‘స్వర్ణిమ్ విజయ్ పర్వ్’ వేడుకలను ఢిల్లీలోని ఇండియా గేట్ వద్ద నిర్వహించారు. కేంద్ర రక్షణశాఖ మంత్రి రాజ్నాథ్ సింగ్ ఆదివారంఉదయం ఈ కార్యక్రమాన్ని ప్రారంభించగా…ఈ కార్యక్రమంలో దేశ తొలి త్రివిధ దళాధిపతి బిపిన్ రావత్ చివరి వీడియో రికార్డును ప్రసారం చేశారు. డిసెంబర్ 7న రికార్డు చేసిన ఈ వీడియోను భారత సైన్యం విడుదల చేసింది. డిసెంబరు 7న రికార్డు చేసిన ఈ వీడియో ద్వారా.. ఆ యుద్ధంలో అమరులైన సైనికులకు నివాళులు అర్పించారు రావత్. ఈ కార్యక్రమంలో పాల్గొన్న రక్షణ మంత్రి రాజ్నాథ్ సింగ్.. వీరసైనికులకు సేవలను స్మరించుకున్నారు.
కాగా, 1971లో తూర్పు పాకిస్థాన్‌లో స్వతంత్ర పోరు మొదలై భారత్-పాక్‌ మధ్య యుద్ధానికి దారితీసింది. ఇందులో పాక్‌ను భారత్ ఓడించింది. ఆ తర్వాత బంగ్లాదేశ్ ఏర్పడింది. ఆ విజయానికి గుర్తుగా ఏటా డిసెంబరు 16న విజయ్ దివస్‌ నిర్వహిస్తున్నారు. ఆ యుద్ధంలో భారత్ విజయానికి 50 ఏళ్లు పూర్తయిన సందర్భంగా ‘స్వర్ణ విజయ సంవత్సరం’గా పేర్కొంటూ ఏడాది పాటు దేశవ్యాప్తంగా వేడుకలను నిర్వహిస్తున్నారు.
ఆదివారం ఉదయం ఇండియా గేట్ వద్ద స్వర్ణిమ్ విజయ్ పర్వ్ ప్రారంభోత్సవ కార్యక్రమంలో పాల్గొన్నరక్షణ మంత్రి రాజ్నాథ్ సింగ్.. అమరవీరులకు నివాళులర్పించారు. ఈ కార్యక్రమాన్ని తొలుత ఘనంగా నిర్వహించాలని భావించినా.. దేశ తొలి సీడీఎస్ జనరల్ బిపిన్ రావత్ అకాల మరణంతో నిరాడంబరంగా జరుపుతున్నట్లు రాజ్నాథ్ తెలిపారు. ఈ సందర్భంగా రావత్ను స్మరించుకుంటూ నివాళులర్పించారు. స్వర్ణిమ్ విజయ్ పర్వ్ వేడుక దక్షిణాసియా చరిత్ర, భౌగోళిక స్థితిని మార్చిన భారత సైన్యం అద్భుతమైన విజయాన్ని గుర్తు అని, 1971 యుద్ధంలో అమరులైన ప్రతి సైనికుడి ధైర్యానికి, పరాక్రమానికి, త్యాగానికి నమస్కరిస్తున్నాను అని రాజ్నాథ్ తెలిపారు. ఆ ధైర్యవంతులందరి త్యాగానికి దేశం ఎప్పుడూ రుణపడి ఉంటుందన్నారు.
ఈ యుద్ధం మన నైతికతకు, మన ప్రజాస్వామ్య సంప్రదాయాలకు, న్యాయంగా వ్యవహరించడానికి అద్భుతమైన ఉదాహరణ అని అన్నారు. యుద్ధంలో మరొక దేశాన్ని ఓడించిన తర్వాత.. మనలాంటి దేశం దానిపై ఆధిపత్యాన్ని ప్రదర్శించలేదని, ఆ అధికారాన్ని దానికే అప్పగించిందని, ఇది చరిత్రలో చాలా అరుదుగా కనిపిస్తుందని రాజ్నాథ్ తెలిపారు.
ALSO READ Swarnim Vijay Parv : ఇండియా గేట్ వద్ద “స్వర్ణిమ్ విజయ్ పర్వ్” ప్రారంభించిన రాజ్నాథ్
#WATCH Late CDS General Bipin Rawat's pre-recorded message played at an event on the occasion 'Swarnim Vijay Parv' inaugurated today at India Gate lawns in Delhi. This message was recorded on December 7.
(Source: Indian Army) pic.twitter.com/trWYx7ogSy
— ANI (@ANI) December 12, 2021
