కేరళ విద్యార్థినులకు రాహుల్ మార్షల్ ఆర్ట్స్ శిక్షణ..వీడియో
సోమవారం కేరళ ఎన్నికల ప్రచారంలో కాంగ్రెస్ నేత రాహుల్ గాంధీ పాల్గొన్నారు. రెండు రోజుల కేరళ పర్యటనలో ఉన్న రాహుల్ గాంధీ.. మహిళల స్వీయరక్షణ కోసం ఉపయోగపడే ఓ మార్షల్ ఆర్ట్స్ టెక్నిక్స్ ను ఓ కాలేజీలోని విద్యార్థినులకు నేర్పించి అందరినీ ఆశ్చర్యపరిచారు.
Rahul సోమవారం కేరళ ఎన్నికల ప్రచారంలో కాంగ్రెస్ నేత రాహుల్ గాంధీ పాల్గొన్నారు. రెండు రోజుల కేరళ పర్యటనలో ఉన్న రాహుల్ గాంధీ.. మహిళల స్వీయరక్షణ కోసం ఉపయోగపడే ఓ మార్షల్ ఆర్ట్స్ టెక్నిక్స్ ను ఓ కాలేజీలోని విద్యార్థినులకు నేర్పించి అందరినీ ఆశ్చర్యపరిచారు. ఎవరైనా తమను నెట్టివేస్తే.. నేల ఆధారం చేసుకుని, ఎలా పడిపోకుండా ఉండాలో విద్యార్థినులకు రాహుల్ నేర్పించారు.
కేరళ ఎన్నికల ప్రచారంలో భాగంగా.. కొచ్చిలోని సెయింట్ థెరిస్సా మహిళా కళాశాలను సోమవారం రాహుల్ సందర్శిచారు. కాలేజీ విద్యార్థినులతో ముచ్చటించిన రాహుల్ తనకు తెలిసిన జపనీస్ మార్షల్ ఆర్ట్స్ ‘ఐకిడో’ను వారికి నేర్పించారు. ముందుగా.. ఒక విద్యార్థినిని నేలపై కూర్చోమని చెప్పారు. ఆమెను నెట్టమని మరో విద్యార్థినికి చెప్పి, ఎలా పడిపోకుండా ఉండాలో సూచించారు. అనంతరం.. మరో ఐదారుగురు విద్యార్థినులు ఆమెను నెట్టేందుకు ప్రయత్నించినా.. ఆ విద్యార్థిని పడిపోకుండా ఉండడం అక్కడి వారిని ఆశ్చర్యానికి గురి చేసింది. ఇదే ఐకిడో టెక్నిక్ అని రాహుల్ వివరించారు. ఈ వీడియోను కాంగ్రెస్.. తన సోషల్ మీడియా అకౌంట్స్ లో షేర్ చేసింది.
పురుషుల కంటే మహిళలు చాలా శక్తిమంతులు అని కితాబిచ్చారు రాహుల్. పురుషుల కంటే మహిళలు చాలా శక్తిమంతమైనవారని,కానీ వారికి తమ శక్తి ఎంతటిదో తెలియక మగవారి చేతిలో మోసపోతుంటారని అన్నారు. ఈ సమాజం మహిళలకు తగిన ప్రాధాన్యత ఇవ్వడం లేదన్నారు. తమ శక్తితో ఎదురవుతున్న ప్రతి సవాల్ను దీటుగా తిప్పికొట్టాలని పిలుపునిచ్చారు. ఈ సందర్బంగా ఓ విద్యార్థిని మాట్లాడుతూ.. సమాజంలో పురుషులు, మహిళలు సమానమని వ్యాఖ్యానించింది. ఈ వ్యాఖ్యలతో రాహుల్ విభేదించారు.
Women in India have to get strength from inside. For that to happen you must understand the way that you are being pushed, understand the forces that are hurting you, and then position yourself properly.: Shri @RahulGandhi#SwagathamRahulGandhi pic.twitter.com/UqvD7tCtUf
— Congress (@INCIndia) March 22, 2021