Manmohan Singh : మాజీ ప్రధానికి సెలవులు మంజూరు చేసిన వెంకయ్య

దేశ మాజీ ప్రధానమంత్రి మన్మోహన్ సింగ్(89)కు సెలవులు మంజూరు చేశారు రాజ్యసభ చైర్మన్​ వెంకయ్య నాయుడు. ప్రస్తుతం రాజ్యసభ సభ్యుడిగా కొనసాగుతున్న మన్మోహన్ కి ఆరోగ్య పరిస్థితి దృష్ట్యా పార

Manmohan Singh :  దేశ మాజీ ప్రధానమంత్రి మన్మోహన్ సింగ్(89)కు సెలవులు మంజూరు చేశారు రాజ్యసభ చైర్మన్​ వెంకయ్య నాయుడు. ప్రస్తుతం రాజ్యసభ సభ్యుడిగా కొనసాగుతున్న మన్మోహన్ కి ఆరోగ్య పరిస్థితి దృష్ట్యా పార్లమెంటు శీతాకాల సమావేశాలకు  గైర్హాజరయ్యేందుకు వెంకయ్యనాయుడు అనుమతించారు. సెలవులకు సంబంధించిన దరఖాస్తు​ చైర్మన్​ టేబుల్​ దగ్గరికి వచ్చిన తర్వాత వెంకయ్య ఈ ప్రకటన చేశారు.

“డాక్టర్​ మన్మోహన్​ సింగ్​ నుంచి లేఖ అందింది. అనారోగ్య కారణాలతో శీతాకాల సమావేశాలకు హాజరుకాలేనని అందులో పేర్కొన్నారు. అందుకు అనుమతిస్తున్నాం. నవంబర్​ 29 నుంచి డిసెంబర్​ 23 వరకు జరుగుతున్న మొత్తం శీతాకాల సమావేశాలకు సెలవులు మంజూరు చేస్తున్నాం”అని వెంకయ్య నాయుడు తెలిపారు.

కాగా, రెండు నెలల క్రితం గుండె సంబంధింత సమస్యలతో ఢిల్లీ ఎయిమ్స్​లో మన్మోహన్ సింగ్ కొద్ది రోజులు ట్రీట్మెంట్ పొందిన విషయం తెలిసిందే.

ALSO READ AAP MLA : ఎమ్మెల్యే భర్తమీద కేసు పెట్టిందని ‘తల్లీబిడ్డల్ని’ దారుణంగా కొట్టిన దుండగులు.. వీడియో