జైళ్లలో కరోనా వ్యాప్తి.. ఖైదీలను విడుదల చేయాలి.. : సుప్రీంకోర్టు

జైళ్లలో కరోనా ఇన్‌ఫెక్షన్ వ్యాప్తి చెందుతోండగా.. ఇంకా ప్రమాదకరంగా మారే అవకాశం ఉన్నందున పెద్ద సంఖ్యలో ఖైదీలను విడుదల చేయాలని సుప్రీంకోర్టు జైళ్ల శాఖను ఆదేశించింది. గత ఏడాది జారీ చేసిన సూచనల మేరకు అన్ని రాష్ట్రాల్లో ఏర్పాటు చేసిన హైపవర్డ్ కమిటీ ఖైదీల విడుదలపై నిర్ణయం తీసుకోవాలని కోర్టు పేర్కొంది.

గత సంవత్సరం కూడా కోర్టు ఆదేశాల మేరకు ఖైదీలను మధ్యంతర బెయిల్‌పై విడుదల చేశారు. అప్పుడు విడుదలైన ఖైదీలందరూ ఇప్పుడు తిరిగి జైలులో ఉన్నారు. రద్దీగా ఉండే జైళ్లలో ఖైదీలు, సిబ్బందికి విస్తృతంగా కరోనా సోకుతుండగా.. ఈ విషయాన్ని చీఫ్ జస్టిస్ NV రమణ ముందు ఉంచగా.. ఈ మేరకు ఆర్డర్ వచ్చింది.

అన్నీ రాష్ట్రాల్లోని ఖైదీలను విడుదల చేయడంపై నిర్ణయం తీసుకోవాలని సుప్రీంకోర్టు గత ఏడాది మార్చి 23న ఉన్నత స్థాయి కమిటీని ఆదేశించింది. దోషులుగా నిర్ధారించబడినవారిని, కొంతకాలం విడుదల చేయవచ్చని కమిటీ నిర్ణయించింది. 7 సంవత్సరాలలోపు ఖైదీలను పెరోల్‌పై విడుదల చేయడం.. చిన్న నేరాలలో విచారణను ఎదుర్కొంటున్నవారిని విడుదల చెయ్యాలని కోర్టు సూచించింది. ఈ ఉత్తర్వు తరువాత, కోర్టు నెలలుగా ఖైదీలను విడుదల చేయడంపై రాష్ట్రాల నుండి సమాచారాన్ని తీసుకుంటుంది.

ఈ క్రమంలోనే.. చాలాకాలం తరువాత కోర్టులో ఇదే అంశంపై ప్రశ్న తలెత్తగా.. కరోనా తగ్గిన తరువాత దాదాపు ఖైదీలు అందరూ జైలుకు తిరిగి వచ్చారని సీనియర్ న్యాయవాది కోలిన్ గొంజాల్విస్ ప్రధాన న్యాయమూర్తికి వివరించారు. ఆ కారణంగానే జైళ్లు రద్దీగా మారాయని, దీనిపై కోర్టు వెంటనే ఆదేశాలు జారీ చెయ్యాలని కోరారు.

హై పవర్ కమిటీ సమయాన్ని వృథా చేయకుండా.. గత ఏడాది విడుదలైన ఖైదీలను ఈ ఏడాది కూడా విడుదల చేయాలని కోర్టు చెబితే బాగుంటుందని సీనియర్ న్యాయవాది కోరారు. సుప్రీంకోర్టు ప్రధాన న్యాయమూర్తి రమణ ఈ సమస్యను హైకోర్టు ప్రధాన న్యాయమూర్తులందరితో కూడా చర్చిస్తానని వారికి హామీ ఇచ్చారు.

రాష్ట్రాల్లో ఏర్పాటు చేసిన హైపవర్ కమిటీ గత ఏడాది జారీ చేసిన ఆదేశాన్ని పాటించాలని పేర్కొంది. గతేడాది విడుదలైన ఖైదీలను మళ్లీ మధ్యంతర విడుదల చేయాలి. గతేడాది పెరోల్ పొందిన ఖైదీలను 90 రోజులు విడుదల చేయాలి. ప్రస్తుతానికి చాలా ముఖ్యమైన కేసులలో మాత్రమే నేరస్థులను అరెస్ట్ చేయాలని సుప్రీంకోర్టు కోరింది.