Rape: టీలో మత్తు మందు..మూడేళ్లుగా లైంగికదాడి

సోషల్ మీడియా ద్వారా పరిచయమైన యువతికి టీలో మత్తుమందు కలిపి ఇచ్చి మూడేళ్ళ పాటు అనేక సార్లు లైంగిక దాడికి పాల్పడ్డాడో దుర్మార్గుడు. ఈ ఘటన ముంబై మహానగరంలో చోటుచేసుకుంది. వివరాల్లోకి వెళితే 35 ఏళ్ల వ్యక్తికీ సోషల్ మీడియాలో ఓ యువతి పరిచయమైంది. కొద్దికాలానికి ఇద్దరు మంచి స్నేహితులయ్యారు.

Rape: సోషల్ మీడియా ద్వారా పరిచయమైన యువతికి టీలో మత్తుమందు కలిపి ఇచ్చి మూడేళ్ళ పాటు అనేక సార్లు లైంగిక దాడికి పాల్పడ్డాడో దుర్మార్గుడు. ఈ ఘటన ముంబై మహానగరంలో చోటుచేసుకుంది. వివరాల్లోకి వెళితే 35 ఏళ్ల వ్యక్తికీ సోషల్ మీడియాలో ఓ యువతి పరిచయమైంది. కొద్దికాలానికి ఇద్దరు మంచి స్నేహితులయ్యారు. ఒకరోజు యువతిని తన ఇంటికి అహ్వాహించాడు సదరు వ్యక్తి.. ఇంట్లోకి రాగానే తన భార్య ఇప్పుడే గొడవపడి బయటకు వెళ్లిందని కాకమ్మకబుర్లు చెప్పాడు. కొద్దీ సేపటితర్వాత అతిధి మర్యాదగా యువతికి టీ ఇచ్చాడు. అయితే అందులో మత్తుమందు కలిపాడు.. ఆ టీ తాగిన యువతి సృహతప్పి పడిపోయింది.

ఆమె స్పృహ కోల్పోయిన తరువాత ఆమెపై లైంగిక దాడికి పాల్పడ్డాడు. మత్తు వీడిన తరువాత స్పృహలోకి వచ్చిన యువతి అసలు విషయం తెలుసుకుని అక్కడి నుంచి వెళ్లిపోయేందుకు సిద్ధమైంది. దీంతో సదరు వ్యక్తి ఆమెను అడ్డుకున్నాడు.. ఓ వీడియో చూపించాడు.. దీంతో యువతి షాక్ కి గురైంది. లైంగిక దాడికి పాల్పడిన వ్యక్తి ఆ దృశ్యాలను తన ఫోన్ లో బంధించాడు. దీంతో యువతి దిక్కుతోచని స్థితిలో పడిపోయింది. వీడియో డిలీట్ చెయ్యాలని బ్రతిమాలింది అయినా అతడు వినలేదు. బాధతో యువతి ఇంటికి వెళ్ళిపోయింది. వీడియోను అడ్డంపెట్టుకొని అనేక సార్లు యువతిపై లైంగికదాడి చేశాడు.

కొన్నిసార్లు మళ్లీ వీడియో తీసి ఆమెను బెదిరించడం మొదలుపెట్టాడు. శారీరకంగా హింసించాడు. దీంతో వేధింపులు తట్టుకొని యువతి కుటుంబ సభ్యులకు తెలిపింది. వారు పోలీసులను ఆశ్రయించడంతో రంగంలోకి దిగిన పోలీసులు సదరు వ్యక్తిని అదుపులోకి తీసుకోని విచారణ చేపట్టారు. విచారణలో తాను చేసిన తప్పు ఒప్పుకున్నాడు.

అతడు నేరాలకు పాల్పడిన తీరును చూసి.. మరికొందరిపై కూడా ఇతడు ఇలాంటి ఘాతుకాలకు పాల్పడి ఉంటాడని అనుమానిస్తున్నారు పోలీసులు. ఫోన్ లో మరికొందరి వీడియోలు కనిపించడమే అతడిపై అనుమానం రావడానికి కారణంగా తెలుస్తుంది.