ప్రమాదకర రోడ్లు ఉన్న దేశాల్లో భారత్ కు 4వ స్థానం
ఇంటర్నేషనల్ డ్రైవర్ ఎడ్యుకేషన్ కంపెనీ "జుటోబీ"తాజాగా చేపట్టిన తాజా అధ్యయనం ప్రకారం..ప్రపంచంలోనే అత్యంత ప్రమాదకర రహదారులు కలిగి ఉన్న దేశాల జాబితాలో దక్షిణాఫ్రికా తొలి స్థానంలో నిలిచింది.
South Africa ఇంటర్నేషనల్ డ్రైవర్ ఎడ్యుకేషన్ కంపెనీ “జుటోబీ”తాజాగా చేపట్టిన తాజా అధ్యయనం ప్రకారం..ప్రపంచంలోనే అత్యంత ప్రమాదకర రహదారులు కలిగి ఉన్న దేశాల జాబితాలో దక్షిణాఫ్రికా తొలి స్థానంలో నిలిచింది. 56 దేశాలతో చేపట్టిన ఈ సర్వేలో..అత్యంత ప్రమాదకర రహదారులు కలిగి ఉన్న దేశాల జాబితాలో థాయిలాండ్, అమెరికా రెండు, మూడు స్థానాల్లో ఉన్నాయి. భారత్.. నాలుగో స్థానంలో నిలిచింది.
ఇక, అత్యంత సురక్షితమైన రహదారులు ఉన్న దేశాల్లో నార్వే తొలిస్థానంలో, జపాన్ రెండో స్థానంలో,స్వీడన్ మూడో స్థానంలో నిలిచాయని జుటోబి తాజా సర్వే పేర్కొంది. రోడ్డు ప్రమాదాల వల్ల మరణించేవారి సంఖ్య, సీటు బెల్టు పెట్టుకుని కారు నడపడం, మద్యం సేవించి వాహనం నడపడం వంటి ఐదు అంశాలను పరిగణనలోకి తీసుకుని ఈ అధ్యయనం చేపట్టింది. ప్రపంచ ఆరోగ్య సంస్థ డేటా ఆధారణంగా దేశాలకు ర్యాంకులు కేటాయించింది.
అయితే, జుటోబీ చేసిన ఈ అధ్యయనాన్ని దక్షిణాఫ్రికాలో రోడ్డు ట్రాఫిక్ చట్టాలు మరియు వాటి అమలను మెరుగుపర్చేందుకు కృష్టి చేసే NGO “దక్షిణాఫ్రికా జస్టిస్ ప్రాజెక్ట్(జేపీఎస్ఏ)”ఛైర్మన్ డెంబోస్కీ తప్పుబట్టారు. పాత డేటా ఆధారంగా ఈ అధ్యయనం నిర్వహించారని విమర్శించారు. డ్రైవింగ్ చేసేందుకు ప్రమాదకరమైన దేశాల జాబితా తయారు చేసేటప్పుడు సమతూకం పాటించాలన్నారు. ఆఫ్రికా ఖండంలో కేవలం దక్షిణాఫ్రికానే ఈ జాబితాలో ఉంది? మిగతావి ఎందుకు లేవని ప్రశ్నించారు.