YCP MP Subhash Chandra Bose : పార్లమెంట్ లో సొమ్మసిల్లి పడిపోయిన YCP MP పిల్లి సుభాశ్ చంద్రబోస్
వైసీపీ ఎంపీ పిల్లి సుభాశ్ చంద్రబోస్ అస్వస్థతకు గురయ్యారు. పార్లమెంట్ లో మాట్లాడుతూ..పిల్లి సుభాశ్ సొమ్మసిల్లి పడిపోయారు.
- Published By: 10TV Digital Team ,Published On : February 7, 2022 / 05:26 PM IST
Illness To Ycp Mp Subhash Chandra Bose
Illness to YCP MP Subhash Chandra Bose : వైసీపీ ఎంపీ పిల్లి సుభాశ్ చంద్రబోస్ అస్వస్థతకు గురయ్యారు. పార్లమెంట్ లో మాట్లాడుతూ..పిల్లి సుభాశ్ సొమ్మసిల్లి పడిపోయారు. వెంటనే ఆయన్ని ఢిల్లీలోని ఆర్ఎంఎల్ తరలించి ఐసీయూలో చికిత్సనందిస్తున్నారు. కాగా గత కొంతకాలంగా పిల్లి కొన్ని ఆరోగ్య సమస్యలతో ఇబ్బంది పడుతున్నారు. ఈక్రమంలో పార్లమెంట్ సమావేశాల్లో పాల్గొన్న ఆయన అస్వస్థతకు గురయ్యారు. బీపీ, షుగర్ ఒక్కసారిగా డౌన్ కావటంతో ఆయన కళ్లు తిరిగి పడిపోయారు.
ఆయన సడెన్ గా అలా పడిపోయేసరికి తోటి సభ్యులంతా షాక్ అయ్యారు. వెంటనే అప్రమత్తమైన సహచర ఎంపీలు స్ట్రెచర్ తెప్పించి ఆయన్ను రామ్ మనోహర్ లోహియా ఆసుపత్రికి తరలించారు. ప్రస్తుతం ఆయనకు ఐసీయూలో చికిత్స కొనసాగుతోంది. ఆయన ఆరోగ్యం నిలకడగా ఉందని వైద్యవర్గాల ద్వారా తెలుస్తోంది. అయితే ఇటీవల ఆయనకు పెద్దగా ఆరోగ్య సమస్యలు ఏమీ లేవని..బహుశా పని ఒత్తిడే కారణం అయ్యి ఉండవచ్చంటున్నారు కుటుంబ సభ్యులు..ఆయన పూర్తి ఆరోగ్యంతో తిరిగి రావాలని వైసీపీ శ్రేణులు కోరుకుంటున్నారు.
