Viral Video: హుషారుగా డ్రమ్స్ వాయించిన పెళ్లికూతురు.. ఆశ్చర్యంగా చూసిన అతిథులు
పెళ్లి వేడుక జరుగుతుండగా వేదికపై హుషారుగా డ్రమ్స్ వాయించింది ఓ పెళ్లికూతురు. ఆమె టాలెంట్ ను చూసి అతిథులు అందరూ ఆశ్చర్యపోయారు. కేరళలో ఈ ఘటన చోటుచేసుకుంది. ఇందుకు సంబంధించిన వీడియో సామాజిక మాధ్యమాల్లో వైరల్ అవుతోంది. పెళ్లికూతురు కేరళ సంప్రదాయ ‘చెందా’ వాయించింది.
Viral Video: పెళ్లి వేడుక జరుగుతుండగా వేదికపై హుషారుగా డ్రమ్స్ వాయించింది ఓ పెళ్లికూతురు. ఆమె టాలెంట్ ను చూసి అతిథులు అందరూ ఆశ్చర్యపోయారు. కేరళలో ఈ ఘటన చోటుచేసుకుంది. ఇందుకు సంబంధించిన వీడియో సామాజిక మాధ్యమాల్లో వైరల్ అవుతోంది. పెళ్లికూతురు కేరళ సంప్రదాయ ‘చెందా’ వాయించింది.
ఆమెతో పాటు ఆ డ్రమ్స్ వాయించే బృందం కూడా వాటిని వాయించింది. గురువాయూర్ దేవాలయంలో ఈ వేడుక జరిగింది. వేదికపైకి వచ్చిన పెళ్లికొడుకు, పెళ్లి కూతురి తండ్రి కూడా డ్రమ్స్ వాయించడం గమనార్హం. పెళ్లికూతురు చాలా ఎనర్జీతో, హావభావాలతో డ్రమ్స్ వాయించిన తీరు అదుర్స్ అనిపిస్తోంది. ఈ వీడియోను ట్విట్టర్ లో పోస్ట్ చేసిన కొన్ని గంటల్లోనూ వేలాది వ్యూస్ వచ్చాయి.
‘‘ఆ పెళ్లికూతురి ముఖంలో అమితానందం కనపడుతోంది. ఆమె హుషారు చూసి చివర్లో ఆమె తండ్రి కూడా వచ్చారు’’ అని ఓ నెటిజన్ పేర్కొన్నాడు. పెళ్లికూతురికి హ్యాట్సాఫ్ అంటూ ఓ నెటిజన్ కామెంట్ చేశాడు. పెళ్లికూతురు, పెళ్లికొడుకు డ్యాన్స్ చేసే వీడియోలు ఇటీవల బాగా బయటకు వచ్చాయని, అయితే, పెళ్లికూతురు డ్రమ్స్ వాయించిన వీడియో మాత్రం రాలేదని, ఇప్పుడు చూస్తున్నామని ఓ వ్యక్తి పేర్కొన్నాడు.
A marriage function in guruvayoor temple today. The brides dad is Chendai master and the daughter plays it enthusiastically with her dad also joining at the end. The groom also seems to be participating. pic.twitter.com/VgoQbIhwhh
— BRC-SBC (@LHBCoach) December 26, 2022