లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీయంసినిమా & OTTలైఫ్ స్టైల్టెక్నాలజీ
LIVE TV
LIVE TV
× లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీయంసినిమా & OTTలైఫ్ స్టైల్టెక్నాలజీ

Latest

వీడియో కాన్ఫరెన్స్ కు అధికారులు, ఉద్యోగులు గైర్హాజరు.. ఎస్ఈసీ నిమ్మగడ్డ సీరియస్

Published

on

Officers and employees are absent for SEC Nimmagadda video conference : ఎట్టిపరిస్థితుల్లోనూ ఏపీ పంచాయతీ ఎన్నికలు నిర్వహించాలని పట్టుదలతో ఉన్న ఎస్ఈసీ నిమ్మగడ్డ రమేష్ కుమార్ అధికారులు, ఉద్యోగుల తీరుపై సీరియస్ గా ఉన్నారు. స్థానిక ఎన్నికల నిర్వహణపై ఎస్ఈసీ నిమ్మగడ్డ రమేష్ కుమార్ ఇవాళ అధికారులతో నిర్వహించిన వీడియో కాన్ఫరెన్స్ అధికారులు, ఉద్యోగులు గైర్హాజరయ్యారు.

ఈ విషయంపై ఏపీ గవర్నర్ కు ఫిర్యాదు చేయాలని నిమ్మగడ్డ నిర్ణయించినట్లు సమాచారం. రేపు గవర్నర్ ను నిమ్మగడ్డ కలవనున్నట్లు తెలుస్తోంది. వీడియో కాన్ఫరెన్స్ అధికారులు, ఉద్యోగులు గైర్హాజరుపై ఫిర్యాదు చేయనున్నారు. ఎన్నికల ప్రకటన, ప్రభుత్వ సహాయ నిరాకరణపై గవర్నర్ కు ఫిర్యాదు చేయనున్నారు.

స్థానిక సంస్థల ఎన్నికల నిర్వహణపై అధికారులతో ఎస్ఈసీ నిమ్మగడ్డ రమేష్ కుమార్ వీడియో కాన్ఫరెన్స్ నిర్వహించారు. అయితే వీడియో కాన్ఫరెన్స్ కు సీఎస్, డీజీపీ, పంచాయతీరాజ్ ఉన్నతాధికారులు హాజరుకాలేదు. అలాగే పలు జిల్లాల అధికారులు కూడా కాన్ఫరెన్స్ కు దూరంగా ఉన్నారు. ప్రధానంగా జిల్లా కలెక్టర్లు, ఎస్ పీలు, జిల్లా పరిషత్ డీఈవోలు, పంచాయతీ రాజ్ కు సంబంధించిన డీపీవోలు ఈ కాన్ఫరెన్స్ కు హాజరుకావాల్సింది.

అయితే ఏ జిల్లా నుంచి కూడా ఒక్క అధికారి కూడా ఈ వీడియో కాన్ఫరెన్స్ కు హాజరు కాలేదు. దీంతో ఎస్ఈసీ నిమ్మగడ్డ రమేష్ ఆగ్రహం వ్యక్తం చేశారు. దీనికి సంబంధించి మరోసారి గవర్నర్ కు, కేంద్ర ఎన్నికల సంఘానికి ఎస్ ఈసీ నిమ్మగడ్డ ఫిర్యాదు చేసే అవకాశం ఉంది. 24 గంటల ముందే వీడియో కాన్ఫరెన్స్ లో ఎన్నికల షెడ్యూల్ ప్రకటిస్తామని, అన్ని జిల్లా అధికారులు పూర్తి బాధ్యత తీసుకోవాల్సిన అవసరం ఉంది. ఎలాంటి ఎన్నికలు జరిగినా జిల్లా కలెక్టరే బాధ్యతగా ఉంటారు.

జిల్లా రిటర్నింగ్ అధికారిగా ఉండే జిల్లా కలెక్టర్ ఈ వీడియో కాన్ఫరెన్స్ లో పాల్గొనాలి. దీంతోపాటు లా ఆండ్ ఆర్డర్ మెయిటెయిన్ చేయాల్సిన జిల్లా ఎస్పీ, అదేవిధంగా లోకల్ బాడీస్ కు సబంధించిన జిల్లా పరిషత్ ఈవో, జిల్లా పంచాయతీ అధికారులు ఈ కాన్ఫరెన్స్ లో పాల్గొనాలి. పంచాయతీ రాజ్ గ్రామీణ అభివృద్ధి ప్రిన్సిపల్ సెక్రటరీ, కార్యదర్శులు కూడా పాల్గొనాలి. కానీ ఎవరూ కూడా వీడియో కాన్ఫరెన్స్ పాల్గొనలేదు. ఎస్ఈసీ నిమ్మగడ్డ నిర్వహించే వీడియో కాన్ఫరెన్స్ హాజరుకావాలని సీఎస్ నుంచి కలెక్టర్లకు ఆదేశాలు అందలేదు.

దీంతో వీడియో కాన్ఫరెన్స్ కు అధికారులు దూరంగా ఉన్నారు. సాయంత్రం 5 గంటల వరకు ఎస్ఈసీ నిమ్మగడ్డ రమేష్ కుమార్ వీడియో కాన్ఫరెన్స్ జరుగనుంది. సాయంత్రం 5 గంటల తర్వాత ఎస్ ఈసీ నిమ్మగడ్డ రమేష్ సీఎస్ కు లేఖ రాయనున్నారు. వీడియోకాన్ఫరెన్స్ కు అధికారులు హాజరుకాకపోవడంపై ఫిర్యాదు చేసే అవకాశం ఉంది. హాజరుకాని అధికారులపై చర్యలు తీసుకోవాలని సీఎస్ ను కోరే అవకాశం ఉంది.