prohibition-of-trials-on-hydroxy-and-hiv-drugs

హైడ్రాక్సీ, హెచ్‌ఐవీ డ్రగ్స్‌పై ట్రయల్స్‌ నిషేధం

Share on facebook
Share on twitter
Share on telegram
Share on whatsapp

కరోనా మహమ్మారి ప్రభావంతో మృతుల రేటును తగ్గించడంలో విఫలమైనందుకు యాంటీ మలేరియా డ్రగ్‌, హెచ్‌ఐవీ ఔషధాల ట్రయల్స్‌ను నిలిపేయాలని ప్రపంచ ఆరోగ్య సంస్థ (డబ్ల్యూహెచ్‌వో) ఆదివారం ప్రకటించింది. హైడ్రాక్సీ క్లోరోక్వీన్‌ (హెచ్‌సీక్యూ)తోపాటు హెచ్‌ఐవీని నివారించడానికి వాడే లొపినావిర్‌/రిటోనావిర్‌ ఔషధాలు వినియోగించిన కరోనా రోగుల మరణాలు తగ్గిపోయాయని మధ్యంతర ట్రయల్స్‌ నివేదిక తెలిపింది.

దీంతో ఆ ఔషధాలను మధ్యంతరంగా నిలిపివేయాలని ట్రయల్స్‌ అధికారులను డబ్ల్యూహెచ్‌వో అభ్యర్థించింది. అయితే, అమెరిక సంస్థ గిలాడ్‌కు చెందిన యాంటీ వైరల్‌ డ్రగ్‌ రెమ్‌డిసివిర్‌పై ట్రయల్స్‌లో సమర్థవంతమైన ఫలితాలనిస్తుందని మరో ట్రయల్స్‌ బృందం అభిప్రాయ పడింది. ఈ నేపథ్యంలో యూరోపియన్‌ యూనియన్‌ తమ సభ్య దేశాల్లో కరోనా రోగులకు చికిత్స చేసేందుకు రెమ్‌డెసివిర్‌ వాడటానికి షరతులతో అనుమతినిచ్చింది.

ప్రాణాంత‌క క‌రోనా వైర‌స్ అరిక‌ట్ట‌డంలో ఈ డ్ర‌గ్స్‌పై డ‌బ్ల్యూహెచ్‌వో ఆధ్వ‌ర్యంలో ప‌రిశోధ‌న‌లు చేస్తున్న విష‌యం తెలిసిందే. కాగా, ఇటీవ‌ల ప్ర‌యోగాల‌కు సంబంధించిన ఫ‌లితాల్లో ఔష‌ధాల ప్ర‌భావం త‌క్కువ‌గా ఉంద‌ని పేర్కొన్న‌ది. ఆసుపత్రిలో చేరిన కోవిడ్-19 రోగుల్లో హైడ్రాక్సిక్లోరోక్విన్‌, లోపినావిర్/రిటోనవిర్ ఔష‌ధాలు కొంద‌రిలో త‌క్కువ‌గా, మ‌రికొంద‌రిలో మొత్తానికే ప్ర‌భావం చూప‌లేద‌ని ప్ర‌క‌టించింది. ఈ క్ర‌మంలో మ‌ర‌ణాల రేటును తగ్గించ‌డంలో ఏమాత్రం స‌ఫ‌లం కాలేద‌ని తెలిపింది.

ఈ నేప‌థ్యంలో అధ్య‌య‌నాన్ని నిలిపివేయాల‌ని నిర్ణ‌యించిన‌ట్లు వెల్ల‌డించింది. కాగా, ద‌వాఖాన‌లో చేర‌ని వారిపై, వైర‌స్ ముప్పును త‌ప్పించుకునేందుకు ముందు జాగ్ర‌త్త చ‌ర్య‌గా హెచ్‌సీక్యూ ఉప‌యోగించ‌వ‌చ్చో.. లేదో.. ప‌రీక్షించేందుకు జ‌రుగుతున్న ప్ర‌యోగాల‌పై ఈ నిర్ణ‌యం ఎలాంటి ప్ర‌భావం చూప‌ద‌ని స్ప‌ష్టం చేసింది.

Read Here >>మనుషులపై ప్రయోగదశలో కరోనా వ్యాక్సిన్

Related Posts