లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీయంసినిమా & OTTలైఫ్ స్టైల్టెక్నాలజీ
LIVE TV
LIVE TV
× లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీయంసినిమా & OTTలైఫ్ స్టైల్టెక్నాలజీ

IPL-2020

KXIP vs DC: గబ్బర్ సెంచరీ వృధా.. సజీవంగా ప్లే ఆఫ్ ఆశలు.. ఢిల్లీపై పంజాబ్ విజయం

Published

on

Picture

ఢిల్లీపై పంజాబ్ విజయం

20/10/2020,11:11PM

ఇండియన్ ప్రీమియర్ లీగ్ 13 వ సీజన్ 38 వ మ్యాచ్‌లో కింగ్స్ ఎలెవన్ పంజాబ్ (Kings XI Punjab) మరియు ఢిల్లీ క్యాపిటల్స్(DC)పై 5వికెట్ల తేడాతో విజయం సాధించింది. ఈ మ్యాచ్‌లో టాస్ గెలిచిన ఢిల్లీ జట్టు మొదట బ్యాటింగ్ చేయాలని నిర్ణయించుకుంది. ఈ క్రమంలో 20 ఓవర్లలో 5 వికెట్లకు 164 పరుగులు చేసింది. అనంతరం బ్యాటింగ్‌కు దిగిన పంజాబ్ 19ఓవర్లలో 167పరుగులు చేసి పంజాబ్ జట్టుపై 5 వికెట్లు తేడాతో విజయం సాధించింది. ఈ మ్యాచ్‌లో గబ్బర్ సెంచరీ వృధా అవగా.. పంజాబ్ ప్లే ఆఫ్ ఆశలు సజీవంగానే ఉన్నాయి.. ఢిల్లీపై విజయంతో పంజాబ్ జట్టు పాయింట్ల పట్టికలో 10మ్యాచ్‌లలో నాలుగు విజయాలతో 5వ ప్లేస్‌లోకి చేరుకుంది. పంజాబ్ జట్టుకు ఇది హ్యాట్రిక్ విక్టరీ.

Picture

పంజాబ్ టార్గెట్ 165

20/10/2020,9:17PM

పంజాబ్‌తో జరుగుతున్న మ్యాచ్‌లో శిఖర్‌ ధావన్‌(106*) సెంచరీతో రాణించగా.. నిర్ణీత 20 ఓవర్లలో ఐదు వికెట్ల నష్టానికి 164 పరుగులు చేసింది ఢిల్లీ క్యాపిటల్స్. మహ్మద్‌ షమి వేసిన చివరి ఓవర్‌లో 7 పరుగులే రాగా.. హెట్‌మైయిర్‌(10) చివరి బంతికి బౌల్డ్ అయ్యాడు. దీంతో పంజాబ్ టార్గెట్ 165పరుగులుగా ఫిక్స్ అయ్యింది.

Picture

శతక్కొట్టిన గబ్బర్.. ఢిల్లీ స్కోరు 159/4

20/10/2020,9:08PM

పంజాబ్‌తో మ్యాచ్‌లో ఢిల్లీ బ్యాట్స్‌మెన్‌‌లు అవుట్ అవుతున్నా ప్రత్యర్థి బౌలర్లను ధాటిగా ఎదుర్కొంటూ ధావన్‌ ఒంటరిగా పోరాటం చేస్తున్నాడు. ఏ దశలోనూ ఇబ్బంది పడని గబ్బర్‌ బౌలర్లకు చుక్కలు చూపిస్తూ.. ఈ క్రమంలోనే 12ఫోర్లు, 3సిక్సర్లతో 57బంతుల్లో 101పరుగులు పూర్తి చేసుకున్నాడు గబ్బర్. ఐపీఎల్‌లో వరుసగా ధావన్‌కు ఇది రెండో సెంచరీ.. చెన్నైతో మ్యాచ్‌లో ధావన్ 58బంతుల్లో 101పరుగులు చేశాడు.

Picture

సెంచరీకి దగ్గరగా ధావన్.. స్టాయిన్స్ అవుట్ 141/4(17.3)

20/10/2020,9:01PM

పంజాబ్‌తో జరుగుతున్న మ్యాచ్‌లో ధావన్ మరోసారి చెలరేగి ఆడుతున్నాడు. ఫస్ట్ ఓపెనర్‌గా బ్యాటింగ్‌కు దిగిన ధావన్.. సెంచరీకి దగ్గరగా వచ్చాడు. ప్రస్తుతం 52బంతుల్లో 93పరుగులు చేసి క్రీజులో ఉన్నాడు. ఈ క్రమంలోనే స్టాయిన్స్ అవుట్ అయ్యాడు. 10బంతుల్లో 9పరుగులు చేసి స్టాయిన్స్ అవుట్ అయ్యాడు.

Picture

శ్రేయాస్ అవుట్.. ధనాధన్ గబ్బర్.. 90/2(11)

20/10/2020,8:32PM

పంజాబ్‌తో జరుగుతున్న మ్యాచ్‌లో ఢిల్లీ క్యాపిటల్స్‌ జట్టు దూకుడుగా ఆడుతుంది. స్టార్ ఓపెనర్ శిఖర్‌ ధావన్‌ అర్ధశతకంతో రాణించగా.. కెప్టెన్‌ శ్రేయస్‌ అయ్యర్ 12బంతుల్లో 14పరుగులు చేసి అవుట్ అయ్యాడు. ఇన్నింగ్స్‌ స్టార్ట్ చేసినప్పటి నుంచి ధావన్‌ ధాటిగా ఆడుతుండగా.. మురుగన్‌ అశ్విన్‌ వేసిన 9వ ఓవర్‌లో తొలి రెండు బంతుల్లో ఒక బౌండరీ, ఒక సింగిల్‌ తీసి అర్ధశతకం పూర్తి చేసుకున్నాడు. తర్వాత మూడో బంతికి శ్రేయస్‌ అయ్యర్ అవుట్ అయ్యాడు. ప్రస్తుతం 11ఓవర్లకు ఢిల్లీ జట్టు స్కోర్‌ 90/2గా ఉంది.

Picture

దూకుడుగా ఆడుతున్న ధావన్.. ఢిల్లీ స్కోరు 53/1

20/10/2020,8:09PM

పవర్ ప్లే ఆరు ఓవర్లు ముగిసేసరికి ఢిల్లీ జట్టు దూకుడుగా ఆడింది. ఒక్క వికెట్ నష్టపోయి 53పరుగులు చేసింది. ఓపెనర్లుగా ధావన్, పృథ్వీ షా రాగా.. ధావన్ ఫోర్లు, సిక్సర్లతో పంజాబ్ బౌలర్లపై విరుచుకు పడుతున్నాడు. అయితే జేమ్స్‌ నీషమ్‌ వేసిన నాలుగో ఓవర్‌ రెండో బంతికి పృథ్వీషా ఏడు పరుగులు మాత్రమే చేసి అవుట్ అయ్యాడు. అతడు ఆడిన షాట్‌ అంచనా తప్పడంతో బంతి గాల్లోకి లేవగా.. మాక్స్‌వెల్‌ క్యాచ్‌ పట్టుకున్నాడు. దీంతో 25 పరుగుల వద్ద ఢిల్లీ తొలి వికెట్‌ కోల్పోయింది.

Picture

Delhi Capitals (Playing XI):

20/10/2020,7:15PM

పృథ్వీ షా, శిఖర్ ధావన్, శ్రేయాస్ అయ్యర్ (c), రిషబ్ పంత్ (WK), షిమ్రాన్ హెట్మియర్, డేనియల్ శామ్స్, మార్కస్ స్టోయినిస్, అక్సర్ పటేల్, రవిచంద్రన్ అశ్విన్, తుషార్ దేశ్‌పాండే, కగిసో రాబాడా

Picture

Kings XI Punjab (Playing XI):

20/10/2020,7:15PM

కేఎల్ రాహుల్ (W/C), మయాంక్ అగర్వాల్, క్రిస్ గేల్, నికోలస్ పూరన్, గ్లెన్ మాక్స్‌వెల్, దీపక్ హూడా, జేమ్స్ నీషమ్, మురుగన్ అశ్విన్, మహ్మద్ షమీ, రవి బిష్ణోయ్, అర్ష్‌దీప్ సింగ్

Picture

మెరుగైన స్థానంలో ఢిల్లీ:

20/10/2020,7:09PM

ఫస్ట్ ప్లేస్‌లో ఉన్న ఢిల్లీ క్యాపిటల్స్.. ఏడవ స్థానంలో ఉన్న కింగ్స్ ఎలెవన్ పంజాబ్ జట్టుతో పోటీ పడుతూ ఉండగా.. ఈ మ్యాచ్‌లో గెలిచి పంజాబ్ పాయింట్ల పట్టికలో మెరుగైన స్థానంలోకి రావాలని భావిస్తుంది. తన చివరి మ్యాచ్‌లో పటిష్టంగా ఉన్న ముంబై జట్టుపై విజయం సాధించిన పంజాబ్ జట్టు.. ఈ మ్యాచ్‌లో ఢిల్లీపై కూడా గెలవాలనే ఉత్సాహంతో బరిలోకి దిగుతుంది. మరోవైపు ఢిల్లీ ఇప్పటివరకు రెండు మ్యాచ్‌లలో మాత్రమే ఓడిపోగా.. తన చివరి మ్యాచ్‌లో పంజాబ్‌తో ఢిల్లీ క్యాపిటల్స్ సూపర్ ఓవర్‌లో గెలిచింది.

Picture

టాస్ గెలిచిన ఢిల్లీ

20/10/2020,7:08PM

IPL 2019 Live, DC vs KXIP: ఢిల్లీ క్యాపిటల్స్, కింగ్స్ ఎలెవన్ పంజాబ్ మధ్య జరుగుతున్న మ్యాచ్‌లో టాస్ గెలిచిన ఢిల్లీ జట్టు కెప్టెన్ శ్రేయాస్ అయ్యర్ బ్యాటింగ్ ఎంచుకున్నాడు. దీంతో ఫస్ట్ పంజాబ్ జట్టు బౌలింగ్ చేయనుంది. ఢిల్లీ పాయింట్ల పట్టికలో మొదటి స్థానంలో ఉండగా, పంజాబ్ జట్టు ఏడవ స్థానంలో ఉంది.