లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీంసినిమాOTTలైఫ్ స్టైల్టెక్నాలజీ
LIVE TV
LIVE TV
× లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీంసినిమాOTTలైఫ్ స్టైల్టెక్నాలజీ

Sports

హిట్ మ్యాన్ రోహిత్‌ శర్మకు క్రీడల్లో అత్యుత్తమ అవార్డు.. బీసీసీఐ అభినందనలు

Published

on

భారత జట్టు ఓపెనింగ్‌ బ్యాట్స్‌మన్‌, పరిమిత ఓవర్ల వైస్‌ కెప్టెన్‌ రోహిత్‌శర్మ క్రీడల్లో అత్యుత్తమ పురస్కారం రాజీవ్‌ ఖేల్‌రత్నకు ఎంపికయ్యాడు. ఈ ఏడాది రాజీవ్ గాంధీ ఖేల్ రత్న అవార్డుతో భారత జట్టు ఓపెనర్ రోహిత్ శర్మను సత్కరించనున్నట్లు శుక్రవారం(22 ఆగస్ట్ 2020) నిర్ధారించారు. రోహిత్ శర్మకు రాజీవ్‌ ఖేల్‌రత్న క్రీడా గౌరవం లభిస్తుండడంపై భారత క్రికెట్ నియంత్రణ బోర్డు (బిసిసిఐ) ఆయనను అభినందించింది. ఈ ఏడాది అర్జున అవార్డు అందుకున్న క్రికెటర్లు ఇషాంత్ శర్మ, దీప్తి శర్మలను కూడా బిసిసిఐ అభినందించింది.



కేంద్ర క్రీడా మంత్రిత్వ శాఖ ప్రకటించిన జాబితాలో రోహిత్‌తో పాటు భారత మహిళల హాకీ జట్టు కెప్టెన్‌ రాణి రాంపాల్‌, రెజ్లర్‌ వినేశ్‌ ఫొగాట్‌, టేబుల్‌ టెన్నిస్‌ క్రీడాకారిణి మనిక బాత్రా, పారాలింపియన్‌ తంగవేలు మరియప్పన్‌లు కూడా ఉన్నారు. అలాగే ఇతర క్రీడాకారులకు ద్రోణాచార్య, ధ్యాన్‌చంద్‌ అవార్డులను వెల్లడించింది.

ఇదిలా ఉండగా, క్రికెట్‌ రంగంలో ఇంతకుముందు టీమిండియా కెప్టెన్లుగా సేవలు అందించిన సచిన్‌ తెందూల్కర్‌(1998), మహేంద్రసింగ్‌ ధోనీ(2007), విరాట్‌ కోహ్లీలకే(2018) ఈ అవార్డు లభించింది. ఆ ముగ్గురి తర్వాత రోహిత్‌ నాలుగో ఆటగాడిగా ఖేల్‌రత్న సొంతం చేసుకున్నాడు. దీంతో అతడు పూర్తిస్థాయి కెప్టెన్సీ చేపట్టకుండానే ఈ అవార్డు సాధించిన తొలి ఆటగాడిగా నిలిచాడు. రోహిత్ శర్మ గత ఏడాది క్రికెట్‌లోని మూడు ఫార్మాట్లలో అద్భుతాలు చేశాడు.



రోహిత్ శర్మ గతేడాది భారత్ తరఫున మొత్తం 47 మ్యాచ్‌లు ఆడాడు. ఈ 47 మ్యాచ్‌లలో, హిట్‌మ్యాన్ బ్యాట్‌లో 22 సెంచరీలు సాధించగా, ఇందులో 10 సెంచరీలు, 10 హాఫ్ సెంచరీలు ఉన్నాయి. గతేడాది అంతర్జాతీయ క్రికెట్‌లో రోహిత్ శర్మ 244 ఫోర్లు, 78 సిక్సర్లు కొట్టాడు. అదే సమయంలో, అతను మాత్రమే 2019 ప్రపంచ కప్‌లో 5 సెంచరీలు చేశాడు. ప్రపంచ కప్‌లో 5 సెంచరీలు సాధించిన తొలి క్రికెటర్ రోహిత్ శర్మ.


Continue Reading

Leave a Reply

Your email address will not be published. Required fields are marked *